Page Text
________________
निशीथ - छेदसूत्रम् -१-३/१८२
३२४
[ भा. १५१९] चंकमणमावडणे, लेवो देह-खत असुइ नक्खेसु । वण-गंड-रतिअंसिय, भगंदलादीसु रोमाई ॥
चू- चंकमतो पायणहा उपल-खाणुगादिसु अप्फिडंति । पिडलोमो वा भज्जति । हत्थनहा वा भायणे लेवं विनासेंति । देहं सरीरं, तत्थ खयं करेज्ज । ताहे लोगो भणेज - एस कामी, अविरयाए से नहपया दिन्न त्ति । एयदोसपरिहरणत्थं छिंदंतो सुद्धो । संठवणं क्रमतादिणा घसति ।
लोगो य भणति - दीहणहंतरे सन्ना चिट्ठति त्ति असुइणो एते । अवि य पायणहेसु दीहेसु अंतरंतरे रेणू चिट्ठति, तीए चक्खु उवहम्मति । व्रण-गंड- अरइयंसि भगंदरादिसु रोमा वघाय करेंति, लेवं वा अंतरेति, अतो छिंदति संठवेति वा ॥
[ भा. १५२०] दंतामय दंतेसु, नयणाणं आमया तु नायणेसु । भुमया अच्छि निमित्तं, केसा पुण पव्वयंतस्स ॥
चू- दंतेसु दंतामयो दंतरोगो, तत्थ दंतवणातिणा आधसंति । एवं नयणामये वि नयणे घोवति, रयति, फुमति वा । भमुगरोमवा अतिदीहा, अइमहल्लत्तणेण य अच्छीसु पडते छिंदति संठवेति वा । पव्वयंतस्स अतिदीहा केसा, लोओ काउं न सक्केति, सिररोगिणो वा केसे कप्पिति ।
मू. (१८३) जे भिक्खू अप्पणो अच्छिमलं वा कन्नमलं वा दंतमलं वा नहमलं वा नीहरेज वा विसोहेज्ज वा, नीहरेंतं वा विसोहेतं वा सातिज्जति ।।
चू-जे भिक्खू अच्छिमलं वा इत्यादि अच्छिमलो दूसिकादि । कन्नमलो कन्नगूधा (ला) ति । दंतकिणो दंतमलो । नहमलो नहविच्चरेणू । नीहरति अवनेति, असेस विसोहणं ।
मू. (१८४) जे भिक्खू अप्पणो कायाओ सेयं वा जल्लं वा पंकं वा मलं वा नीहरेज वा विसोहेज्ज वा, नीहरेंतं वा विसोहेंतं वा सातिज्जति ।।
चू- सेयो प्रस्वेदः स्वत्थः मले थिग्गलं जल्लो भणति । एस एव प्रस्वेद उल्लिउतो पंको भन्नति, अनो वा जो कद्दमो लग्गो । मलो पुण उत्तरमाणो, अच्छो रेणू वा । सकृत् उवट्टणं, पुणो पुणो पव्वट्टणं कक्काइणा वा ।
[ भा. १५२१] सेयं वा जल्लं वा, जे भिक्खू निहरेज कायातो । -ऽच्छिदंत- नह-मल, सो पावति आणमादीणि ॥
कन्न-S
चू- पढमसुत्तत्थो पुव्वद्धेण, बितियसुत्तत्थो पच्छद्धेण । आणादिया दोसा, आयविराहणा,
पमत्तं देवता छलेज्ज, अप्परुतीए वा बाउसदोसा भवंति । सुत्तत्थेसु य पलिमंथो ।
[भा. १५२२] जल्लो तु होति कमढं, मलो तु हत्थादि घट्टितो सडति । पंको पुर्ण सेउल्लो, चिक्कलो वा वि जो लग्गो ॥
चू- खरंटो उ जो मलो तं कमढं भन्नति । सेसं कंठं ॥
[भा. १५२३] बितियपदमणप्पज्झे, नयणवणे ओस धामए चेव । मोह - तिगिच्छाए पुण, नीहरमाणो नतिक्कमति ॥
चू- अणप्पज्झो खित्तचित्तादि, सव्वे उव्वट्टणादि अववाय पदे करेज्ज । नयणे वा दूसिओ, बद्धो अच्छोरेगण वा किंचि अच्छीओ उद्धरियव्वं । सरीरे वा धूणो, तस्स अब्भासे मलादि
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |