Page Text
________________
३२३
उद्देशक ः ३, मूलं-१८२, [भा. १५१४] संठवेंतं वा सातिजिंति ॥ ___ मू. (१८२) जे भिक्खूअप्पणो दीहाई पास-रोमाई कप्पेज वा संठवेज व, कप्पेंतं वा संठवेंतं वा सातिजति ॥ [जे भिक्खू अप्पणो दीहाई केसाई कप्पेज वा संठवेज वा, कप्तं वा संठवेंतं वा सातिज्जति]
चू-जे भिक्खू दीहाओ अप्पणो नहा इत्यादि-जाव-अप्पणो दीहे केसे कप्पेइ इत्यादि छवीसं सुत्तं उच्चारेयव्वा, सुत्तत्थो निजुत्ती य लाघवत्थं जुगवं वक्खाणिज्जंति - [भा.१५१४] जे भिखु नह-सिहाओ, कप्पेज्जा अधव संठवेज्जा वा।
दीहं च रोमराई, मंसू केसूत्तरोवा ।। चू- नहाणं सिहा नहसिहा, नखाग्रा इत्यर्थः । कप्पयति छिनत्ति, संठवेति तीक्ष्णे करोति, चंद्रार्धे सुकतुंडे वा रोति । रोमराती पोटे भवति, ते दीह कप्पेति, सुविहत्ते अधोमुहे ओ (उ) लिहति । मंसुचिबुके, जंघा, गुह्यदेसे वा, छिंदति, संठवेति वा । केसे त्ति सिरजे, ते छिदति संठवेति वा । उत्तरोढे रोमा दाढियाओवा, ता छिंदति संठवेति वा॥ [भा.१५१५] भमुहाओ दंतसोधण, अच्छीण पमजन्नाइगाइ वा।
सो आणा अणवत्थं, मिच्छत्त-विराधणं पावे ॥ चू-एवं नासिगा-भमुग-रोमेवि। दंतेसुअंगुलीएसकृदामजणं, पुणोपुणोपमज्जणं। दंतधोवणं दंतकटुं, अचित्ते सुत्तं । तेन एक्कदिणं आधंसणं, दिने दिने पघंसणं । दंते फूमति रयति वा पादसूत्रवत्।
अच्छीणि वा आमज्जति नाम अक्खिपत्तरोमे संठवेति, पुणो पुणो करेंतस्स पमज्जणा । अहवा - बीयकणुगादीणं सकृत अवणयणे आमजणा, पुणो पुणो पमज्जणा । आदिसद्दातो जे अच्छीणि पधोवति । उसिणाइणा पउंछति नाम अंजणेणं अंजेति । अच्छीणि फुमणरयणा पूर्ववत् । विसेसो कणुगादिसु फुमणं संभवति । एवं करेंतस्स आणातिविरिहाणातिया दोसा ।। [भा.१५१६] आमज्जणा पमज्जणं, सइ असइ धोवणं तु नेगविधं ।
चीपादीण पमजण, फुमणपसंतंजणे रागो॥ चू- उक्तार्थाः । पसयमिति पसती, चुलुगो भन्नति, दव्वसंभारकयां पाणीयं । तं चुलुगे छोढुं, तत्थ निवुडं अच्छि धरेति, ततो उच्छुडं फुमति रागो लग्गति, अंजियं वा फुमति रागो लग्गति । अहवा - पसयमिति दोहिं तिहिं वा नावापूरेहिं अच्छि धोवति, तोत अंजति, ततो फुमतिरागो लग्गति । इमे दोसा[भा.१५१७] आत-पर-मोहुदीरण, बाउसदोसा य सुत्तपरिहाणी।
संपातिमातिघातो, विवज्जते लोगपरिवाओ। चू. पूर्ववत् ॥ [भा.१५१८] बितियपदं सामन्नं, सब्वेसु पदेसु होज्ज ऽनाभोगो ।
मोह-तिगिच्छाए पुण, एतो विसेसियं वोच्छं । चू-नहसिहातितो सब्वे सुत्तपडिसिद्धे अत्थे अनाभोगतो करेज्ज, मोह-तिगिच्छाए वा करेन्ज । अतो परं तेरसपयाण पइ अवसेसियं बितियपदं भन्नति॥
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |