Page Text
________________
निशीथ - छेदसूत्रम् - १३/१३३
३१६
वा अथंडिलातो थंडिलं, थंडिलाओ वा अथंडिलं, अथंडिलातो वा थंडिले विलक्खणे, सकायसत्थे ति काउं संकमंतो कण्हभोमातीसु पमज्जति, भिक्खातो वा पडिनियत्तो, वियारे त्ति सण्णाभूमीओ वा आगतो, विहारे त्ति सज्झायभूमीए, गामंतराओ वा कुल-गणादिसु कज्जेसु पडिआगओ पमज्जति । मा उवकरणोवघातो भविस्सति त्ति ॥
[भा. १४९२ ] एसा आइण्णा खलु तव्विवरीता भवे अनाइण्णा । सुत्तमनाएण्णाई, तं सेवंतम्मि आणादी ॥
चू- खलु अवधारणे, एवमातिकारणवतिरित्ता अनातिण्णा, सुत्तनिवातो अनाइण्णासुतं अनाइण्णपमज्जणं निसेवंतस्स आणादीया दोसा ।। इमा संजमविराहणा
[भा. १४९३ ]
संघट्टणा तु वाते, सुहुमे यऽन्ने विराधए पाणे । बाउसदोसविभूसा, तम्हा न पमज्जए पादे ॥
चू- पमजणे वाता संघट्टिजति, अन्ने य पयंगादी सुहुमे बादरे वा विराहेति, बाउसदोसो अ बंभरे अगुत्ती, तम्हा पादे न पमज्जते ।।
[भा. १४९४] वितियपदमणप्पज्झे, अप्पज्झुव्वातखञ्जमाणे वा । पुव्वं पमज्जिऊणं वीसामे कंडुएज्जा वा ॥
चू- अणप्पज्झो अनात्मवशः, खित्तचित्तादिएसु पमज्जणाइ करेज्ज । अप्पज्झो वा उव्वातो श्रान्तः सपमज्जिउं विसामिज्जति, खज्ज्रमाणो वा पादो पमजिउं कंडुइज्जति । उक्तार्थं च पश्चार्धम्। मू. (१३४) जे भिक्खू अप्पणो पाए संवाहेज्ज वा पलिमद्देज वा, संवाहतं वा पलिमद्देतं वा सातिज्जति ।।
चू- “सं” इति प्रशंसा । शोभना बाहा संबाहा । सा चउव्विहा- अट्ठि सुहाए, मंस-रोम-तया, सा गुरुमायाण वियाले संबाधा भवति । जो पुण अड्डरत्ते पच्छिमरत्ते वि दिवसतो वा अनेगसो संबाधेति सा परिमद्दा भण्णति ।
मू. (१३५) जे भिक्खू अप्पणो पाए तेल्लेण वा घएण वा वसा वा नवनीए वा मक्खेज वा भिलिंगेज्ज वा मक्खेंतं वा मिलिंगेतं वा सातिज्जति ।।
मू. (१३६) जे भिक्खू अप्पणो पाए लोद्धेण वा कक्केण वा उल्लोलेज वा उव्वट्टेज वा उल्लालेंतं वा उव्वद्वेतं वा सातिज्जति ।।
मू. (१३७) जे भिक्खू अप्पणो पाए सीयोदग-वियडेण वा उसिणोदग-वियडेण वा उच्छोल्लेज वा पधोएज वा, उच्छोलेंतं वा पधोवंतं वा सातिजति ।।
चू- सीतमुदगं सीतोदगं, "वियड "त्ति व्यपगतजीवं, उसिणमुदगं उसिणोदगं, तेन अप्पणो पादे एक्कसि उच्छोलणा, पुणो पुणो पधोवणा । एवं सव्वे सुत्ता उच्चारेयव्वा । अभंगो थोवेण, बहुणा मक्खणं । अहवा एक्कसिं बहुसो वा । कक्कादि प्रथमोद्देशक अंगादान गमेण नेयं ।
मू. (१३८) जे भिक्खू अप्पणो पाए फुमेज्ज वा रएज्ज वा, फुमेंतं वा रएतं वा सातिज्जति ।। चू- अलत्तयरंगं पादेसु लाएउं पच्छा फुमति । तं जो रयति वा, फुमति वा । एतेसिं पंचण्हं सुत्ताणं संगहगाहा
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |