Page Text
________________
उद्देशक : २, मूलं - ११६, [भा. १३३७]
२८९
गच्छाम । ताहे सो पलाएज । सो वि से उवधिं हरेज । अह इच्छइ खुड्डगो गंतुं तं चेव हरति ॥ बलादियाण तिण्ह वि एते दारा संभवति । आह
[भा. १३३८] एते पदे न रक्खति, बालगिलाणे तधेव अव्वत्ते । निद्दा - कथा - पत्ते, वत्ते वि हुजे भवे भिक्खू ॥
चू- एते मिच्छत्तादि मालवण-नाइ- पज्जवसाणा पदा न रक्खति बालो, गिलाणोय बालगिलाणे, तहा अव्वत्तो वि न रक्खति, एते पदे अज्ञत्वान्न रक्षति । जो पुण वत्तो भिक्खू सो निद्दा- विकथाप्रमादत्वात् । बाल इति दारं गतं । इदानिं "गिलाण अव्वत्त" दो दारा
[भा. १३३९] एमेव गिलाणे वी, सयकिड्डुकधापलायणे मोत्तुं । अव्वत्तो तु अगीतो, रक्खणकप्पे परोक्खो तु ॥
चू- एवमेव त्ति जे बालदोसा ते गिलाणे वि । नवरं तस्स जो आयसमुत्थो किड्डादोसो धम्मकहादिदोसो वा, भया पलायणदोसा य, एते न संभवंति । असमर्थत्वात् । गिलाणो वा परिभूतो त्ति काउं वसहिपालो त्ति न ठविज्जति । एगागी वा अच्छंतो कुवति। लोगो वा भणति - अहो निरनुकंपा छड्डेउं गया, उड्डाहो भवति । अपत्थं वा अकप्पिअं वा एगागी अच्छंतो भुंजेज्जा । अव्वत्तो नाम अगीयत्थो, सो रक्खणकप्पे "परोक्खो" बलिधम्मकहादिसु साभावियकृतकेसु वा अज्ञ इत्यर्थः ॥ जम्हा एते दोसा बालाइयाणं
[भा. १३४०]
तम्हा खलु अबाले, अगिलाणे वत्तमप्पमत्ते य । कप्पति वसधीपाले, धितिमं तह वीरियसमत्थे ।
चू- तम्हेति कारणा, खलु इति अवधारणे, अबाल इति अष्टवर्ष-प्रतिषेधार्थं । असावपि अग्लान, अबालो विय । वत्तो, दव्वतो वंजण जातो, भावओ गीतत्थो । सो वि अप्पमत्तो "कप्पति” त्ति । एरिसो वसहिपालो ठवेउं । किं "धितिमं” सो वसहिपालो तण्हाए वा छुहाए वा परिगतो न सुण्णं वसहिं काउं भत्ताए वा पाणाए वा गच्छति, धितिबलसंपन्नो होउं । “तथे 'ति यथा धृतिबलेन युक्तः तथा वीर्येणापि । वीरियस्स सामत्थं वीरियसामत्थं । समत्थसद्दो वा युक्तवाचकः, वीर्ययुक्त इत्यर्थः । न तेन पडिनीएहिं परब्धंतो वि जिणकप्पतिगो व उदासिण्णं भावेति, सव्वावतीसु वीरियसामत्थं दरिसेति ॥ ते पुण केत्तिया वसहिपाला ठवेयव्वा ? उच्यते
[भा. १३४१] सइ लाभम्मि अनियता, पनगं जा ताव होतऽवोच्छित्ती ।
जहन्ने गुरु अच्छति, संदिट्ठो वा इमा जतणा ।।
चू- सति भत्तपानलंभे जावतिएहिं भिक्खाए गच्छंतेहिं गच्छस्स पज्जत्तं भवति, तावतिया अभिग्गहियअणभिग्गहीया वा गच्छंति । सेसा अणियया अच्छंति । अहवा - पनगं वा आयरियो उवज्झाओ पवत्ती थेरो गणावच्छेतितो य एते पंच । अहवा - आयरिओ उवज्झाओ थेरो खुड्डो सेहो एते पंच | अहवा - जो सुतत्थाण अव्वोच्छित्तिं काहिति सो आयरियस्स सहातो अच्छति । अह न संथरत तो जहन्नेण गुरु चिट्ठति । अहवा - आयरियस्स कुलादिकज्जेहिं निग्गमणं होज, ताहे जो आयरिएण संदिट्ठो - " मया निग्गते अमुगस्स सव्वं आलोयणादि करेज्जह" सो वा अच्छतु । तस्स य वत्तस्स वसहिपालस्स बलिवम्मकहादिएसु सभावकतगेसु पडुप्पन्नेसु इमा
For Private & Personal Use Only
15 19
Jain Education International
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |