Page Text
________________
उद्देशकः २, मूलं-१०५, [भा. ११९३]
२६३ चू-घरं साहूण दाउंसपुत्तपसुदारो वाणिज्जमादिकारणे तं वा देसं अन्नं वा देसं गतो तत्थ वि ठितो, जति तस्स घरस्स सो सामी तया सो चेव सेज्जातरो । इदानि “घड"त्ति दारं[भा.११९४] महतरअनुमहयरए, ललितासण-कुडुग-दंडपतिए य।
एतेहिं परिगहिता, होति घटाओ तया कालं॥ चू-"महत्तरअनुमहत्तरे"त्ति अस्य व्याख्या[भा.११९५] सव्वत्थपुच्छणिज्जो, तु महत्तरो जेट्टमासणधुरे य।
तहियं तु असण्णिहिते, अनुमहतरतो धुरे ठाति॥ चू-सव्वेसु उप्पज्जमाणेसु गोट्टिकज्जेसु पुच्छणिज्जो, गोट्ठिभत्त-भोयणकाले जस्स जेट्टमासणं धुरे ठविज्जति सो महत्तरो भण्णति । मूलमहत्तरे असण्णिहिते जो पुच्छणिज्जो धुरे ठायति सो अनुमहत्तरो। ललिय-कडुय-दंडपतिए य इमं वक्खाणं[भा.११९६] भोयणमासणमिटुं, ललिते परिवेसिता दुगुणभागो।
कडुओ उ दंडकारी, दंडपती उग्गमे तंतु ॥ चू-ललियासणियस्स आसणं ललियंदटुंकज्जति, परिवेसिया इत्थियाकञ्जति, इट्ठभोयणस्स दुगुणो भागो दिज्जति।दोसावण्णस्स गोट्टियस्सदंडपरिच्छेयकारी कडुगो भण्णति।तंदंडं उग्गमेति जो सो दंडपती भण्णति, सो चेव दंडओ भण्णति । एतेहिं पंचहिं परिग्गहिता तदा पुव्वकाले घडातो आसि । घडाए अनुण्णविही भण्णति[भा.११९७] उल्लोमाणुण्णवणा, अप्पभुदोसा य एक्कओ पढमं ।
जेहादि अनुण्णवणा, पाहुणए जं विधिग्गहणं ॥ चू-दंडग-कडुय-ललियासणियादिप्पडिलोमंअनुण्णवेतस्स अप्पभुदोसा भवंति, तम्हा सव्वे एक्कतो मिलिया अनुण्णविजंति, महत्तरादि वा पंच । एवं चत्तारि तिन्नि दो जति मिलिया न लब्भंति तो पढमं जेट्टमहत्तरं, पच्छा अनुमहत्तरादि अनुण्णविज्जति । महत्तरादिसु घरे असंतेसु जो वा जस्स पाहुणओ अब्भरहितो मित्तो न यगो वा सो अनुण्णविज्जति । जं विहीए गहियं, तं अनुण्णायं, अविधीए नो॥अस्यैवार्थस्य व्याख्या[भा.११९८] उल्लोम लहु दीय निसि तेणेक्क-पिंडिते अनुण्णवणा।
असहीणे जिहादि व जति व समाणा महत्तरं वा॥ चू-जति पडिलोमं अनुण्णवेति तो मासलहुं, पहू जति दिवसतो । निच्छुडमति तो चउलहू, रातोचउगुरु, जम्हाएतेदोसा तम्हातेसव्वे एक्कतोमिलिए अनुण्णवए।असहीणेत्ति-सव्वपिंडियाणं असतीए जेट्टमहत्तरादिगिहेसु अनुण्णवेइ, तिप्पभितिं वा मिलिया अनुण्णवए, महत्तरं वा एक्क।। इदानि “वए" त्ति दारं[भा.११९९] बाहिं दोहणवाडग, दुद्ध-दही-सप्पि-तक-नवनीते।
आसण्णम्मिन कप्पति, पंचपदे बाहिरे वोच्छं॥ चू-जति सेज्जातरस्स गामतोवहिं वाडगेगावीओजस्थ दुझंति दोहण-वाडगोतत्थदोहणवाडए दुद्धं दहियं नवनीयं सप्पि तक्कं च एतेपंच दव्वा आसण्णखेत्तब्भंतरे सेज्जायरंपिंडो त्तिन कप्पंति।। एते चेव खीरातीपंचपदे गहणविधी भण्णति
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |