Page Text
________________
उद्देशक : २, मूलं - ८१, [भा. ९७० ]
एते दोसा । सगलकसिणे य एते चेव । इमे अन्ने सागारियभया न पडिलेहिज्जति तया तित्थकराणाए लोवं करेति, हरिते मणसंतावो, सेहस्स उन्निक्खमंतस्स उवादाणं भवति ।। गोमियगहणं अन्ने, सिरुंभणं धुवणकम्मबंधो य । ते व हुंति तेणा, तन्निस्साए अहव अन्ने ॥
[भा. ९७१]
चू. गोमिया सुंकिया, कसिण-वत्थ - णिमित्तं तेहिं घेप्पंति । एतेसिं पि अत्थि त्ति अन्ने वि साहुणो रुब्भंति । घुवणकाले य मंहतो आयासो तत्थ परितावणादि दोसा । बहुणाऽतिद्रवेण घोव्वति, अनुवएसकारिणो कम्मबंधो य । एते चेव गोम्मियादि अन्नपहेण गंतु, तेणा भवंति । तन्निस्साए - तेहिं वा पेरिया अन्ने भवंति । अधवऽन्ने चेव तेणया सगलकसिणस्स भवंति ॥ एत्थ दिट्टंतो- विधिप्रदर्शनार्थ इदमाह
[मा. ९७२]
कसिणे चतुव्विधम्मी, इति दोसा एवमादिणो होंति । उप्पते तम्हा, अकसिणगहणं ततो भणितं ॥
२२७
चू. दव्वादिगे चउव्विहे कसिणे जतो एवमादिदोसा उप्पज्जंति तम्हा न घेत्तव्वं, अकसिणं गहियव्वं ॥ तं च इमं -
[भा. ९७३ ] भिण्णं गणणाजुत्तं च दव्वतो खेत्त-कालतो उचियं ।
मोल्ललहुवण्णहीणं, च भावतो तं अनुण्णातं ॥
चू. "भिन्न' मिति अदसागं । गणाए तओ कप्पा । जं च जस्स गणणापमाणं वृत्तं तं तेन जुत्तं गेहति ।
अहवा - जुत्तमिति स्वप्रमाणेन दव्वतो त्थूरं अगरहियं, खेत्तकालाओ जने उचियं सब्वजनभोग्गं । मुल्लओ अप्पमुल्लं । वण्णहीणं भावतो एरिसं अनुण्णायं ॥ कारणे कसिणं पि गेहेज्जा
[भा. ९७४] बितियपदे जावोग्गहो, गणचिंतगउचियदेस गेलण्णे । तब्भाविए य तत्तो, पत्तेयं चउसु वि पदेसु ।।
घू. "बितियपदे'' त्ति अववादपदेण, "जावुग्गहो” त्ति चिरा चरियाए निग्गतो आयरिओ जा न नियत्तति ता दसाओ न छिज्जूंति । गणचिंतगो वा धरेति, ओमादिसु केवडियहेउं घतादि घेप्पति । दव्वतो अववातो गतो । इदानिं खेत्तओ “उचितदेसे" तस्मि देसे उचित कसिणं, सव्वजणो तारिसं परिभुंजंति । कालओ अववाओ "गेलण्णे" जाव गिलाणो ताव कसिणं घरेति तं पाउनिज्जंतं २ न ण्हसति । भावतो अववाओ 'तब्भाविए य तत्तो" रायादि दिक्खिओ, ओढण-परिहासु कसिणवत्थभाविओ न तस्स खंडिज्जति । दव्वादिएस चउसु वि पदेसु पत्तेयं अववाओ भणिओ ||
मू. (८२) जे भिक्खू अभिन्नाइं वत्थाइं धरेति, धरेंतं वा सातिज्जति ।
मू. (८३) जे भिक्खू लाउयपायं वा दारुयपायं वा मट्टियापायं या सयमेव परिघट्टेइ वा संठवेइ वा जमावेइ वा परिघट्टेतं वा संठवेंतं वा जमावेंतं वा सातिज्जति ।।
. भाष्यं यथा प्रथमोद्देशके तथऽत्रापि । तत्र परकरणं प्रतिषिद्धं । इह तु स्वयं करणं प्रतिषिध्यते ।
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |