Page Text
________________
पीठिका - [भा. २० ]
" रन्नो भत्तं सिणो जत्थ, गद्दहो तत्थ खज्जति ।
सणज्झति गिही जत्थ, राया पिंडं किमज्झती-किमच्छती ।"
उभयं सुत्तत्थं । तमन्ना कुणति । सुत्तमन्नहा पढति, अत्थमन्नहा वक्खाणेति । एवमन्नहा सुत्तत्थे कप्पयंतस्स मीसगपच्छित्तं । मीसं नाम वंजणभेदे अत्थभेदे य जे पच्छित्ता भणिता ते दोवीह दट्ठव्वा । ङ्क । ङ्का ।। उभयदोसा य व्यंजनभेदादर्थभेदः, अर्थभेदाच्च चरणभेदः, इह तु चरणभेद एव द्रष्टव्यः, यतः श्रुतार्थप्रधानं चरणं तम्हा उभयभेदो चरणभेदो दट्ठव्वो ॥ इदाणिं कालानायारादिसु जेऽभिहिया पच्छित्ता ते केइ मतविसेसिया जह भवति न भवति यतहा भन्नति ।
[भा. २१]
सुत्तमि एते लहुगा, पच्छित्ता अत्थे गुरुगा केसिंचि । तं पुण जति जम्हा, दोह वि लहुआ अणज्झाए ।
१७
चू. जे एते पच्छित्ता भणिता ते सुत्ते लहु अत्थे गुरुगा । केति मतेणेवं भन्नति । आयरिओ भणति - तदिदं केति मतं न युज्जते, न घडए, नोववत्तिं पडिच्छति ।
सीसो भणति । कम्हा ? आयरिओ भणति - जम्हा दोण्ह वि लहुगा अणज्झाए। अणज्झाए त्ति अकाले असज्झातिते वा सुत्तत्थाई करेंताणं सामण्णेण लहुगा भणिता, तम्हा न घडति । जे पुण केइ आयरिया लहुगुरु विसेसं इच्छंति ते इमेण कारणेण भांति[भा. २२] “अत्थधरो तु पमाणं, तित्थगरमुहुग्गतो तु सो जम्हा ।
पुव्वं च होति अत्थो, अत्थे गुरु जेसि तेसेवं ।।"
चू. सुत्तघरे नामेगे नो अत्थघरे, एवं चउभंगो कायव्वो । कलिदावराण भगाण सुत्तत्थप्पत्तेगठियाण गुरुलाघवं चिंतिज्जति । कुल - गण - संघसमितीसु समायारीपरूवणेसु य सुत्तघराओ अत्थघरो पमाणं भवति । तहा - गणाणुण्णाकेल गुरु ततिय भंगिल्लाऽसति बितियभंगे अत्थघरे गणाणुण्न करेति न सुत्तघरे। एवं अत्थघरो गुरुतरो पमाणंच । किं च तित्थगर - मुहग्गतो सो त्यो जम्हा । सुत्तं पुण गणहरमुहुग्गतं । " अत्थं भासति अरहा" - गाहा - तम्हा गुरुतरो अत्थो । किं च पुव्वं च होति अत्थो पच्छा सुत्तं भवति । भणियं च
“अरहा अत्थं भासति, तमेव सुत्तीकरेंति गणधारी ।
अत्थेण विना सुत्तं, अनिस्सियं केरिसं होति ? ॥"
जेसित्ति जेसि आयरिआणं ते सेवंति-ज- गारुदिट्ठाणं त--गारेणं ति निद्देसो कीरति, स- गारा एगारो पिहो कज्जति, एवं ततो भवति, एवं सद्देण य एवं कारणाणि धोसेंति-भांति “अत्थे गुरूणो सुत्ते लहुआ पच्छित्ता ।" इति भणितो अट्ठविहो नाणायारो ॥
इदाणिं दंसणायारो भण्णति- दंसणस्स य आयारो दंसणायारो, सो य अट्ठविहो[भा. २३] निस्संकिय निक्कंखिय, निव्वितिगिच्छा अमूढदिट्ठिय ।
[भा. २४]
उववूह - थिरीकरणे, वच्छल्ल - पभावणे अट्ठ ॥ संसयकरणं संका, कंखा अन्नोणदंसणग्गाहो। संतंमि वि वितिगिच्छा, सिज्झेज्ज न मे अयं अट्ठो ॥
चू. संसयणं संसयः । करणं क्रिया । संसयस्य करणं संसयकरणं । सिस्साह - जमिदं
15 2
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |