Page Text
________________
१९६
निशीथ-छेदसूत्रम् -१-१/४७
कप्पासिया य दोन्नितु, उण्णिय एक्को तुपरिभोए । घू. एसा “भद्दबाहु" सामिकता गाहा । पुव्वगाहादुगेण पंचण्ह वि सरूवं परूवितं । तं "संतम्मि"त्ति लब्भमाणेसु “पत्तेयं" पंचसु वि “गेण्हमाणे"त्ति दो कप्पासिया एगो उण्णिओ गेण्हियव्यो । एतेसिं परिभोगे विवचासो न कज्जति । वासत्ताणं मोत्तूण एगस्स उण्णियस्स नत्यि परिभोगो॥ [भा.७६३] कपासियस्स असती, वागयपट्टो य कोसिकारे य।
असती य उण्णियस्सा, वागय-कोसेजपट्टे य॥ चू. जो कप्पासियं न लभेजा ताहे कप्पासियट्ठाणे वागमयं गेण्हेजा । तस्सासइ पट्टमयं गिण्हइ । तससासति कोसियारमयं गिण्हति । एवं कप्पासित असतीते भणितं। जाहे उण्णियं न लब्भति ताहे उण्णियहाणे वागमयं घेप्पति, तस्सासति कोसियरामयं, तस्सासति पट्टमयं ॥
इदानिं परिभोगो[भा.७६४] अब्भंतरंच बाहिं, बाहिं अभितरे करेमाणो।
परिभोगविवच्चासे, आवज्जति मासियं लहुयं ॥ चू. दो पाउणमाणस्स कप्पासियमब्भंतरे परिभुंजति, उण्णियं बाहिं परिभुंजति । एस विहीपरिभोगो। अविहीपरिभोगो पुण कप्पासियं बाहिं उण्णियंअंतो। एस परिभोग-विवच्चासो असामायारिनिप्फनंच से मासलहं॥ [भा.७६५] एक् पाउरमाणे, तु खोमियं उण्णिए लहू मासो।
दोन्नियपाउरमाणो, अंते खोम्मी बहिं उण्णी॥ चू. एक्कं खोमियं पाउणति । उण्णियमेगं न पाउनिज्जति । अह पाउणति मासलहुंच से पच्छित्तं । पच्छद्धं कंठं । खोमियस्स अंतो उण्णियस्स य बहिं परिभोगे इमो गुणो - [भा.७६६] छप्पइयपणगरक्खा, भूसा उज्जायणा य परिहरिता।
सीतत्ताणं च कतं, तेन तु खोमं न बाहिरतो॥ चू. कप्पासिए छप्पतिया न भवंति इतरहा बहू भवंति । पणओ उल्लियंतो, उण्णिए पाउनिज्जमाणे मलीमसं, तत्थ मलीमसे उल्ली भवति, सा विहिपरिभोगेण रक्खित्ता भवति।बाहिं खोमिएण पाउ एण वि “भूसा" भवति, विधिपरिभोगेण सा विपरिहरिया । वत्थं मलक्खमं न कंबली, मलीमसाय कंबलीदुग्गंधा, विहिपरिभोगेणसावि “उज्झातिया" पडिहरिया। पडिगब्मा कंबली ति “सीयत्ताणं' कयं भवति । एतेहिं कारणेहिं खोमंन बाहिं पाउनिजति त्ति विकप्पं ॥
तं पुणो वि एक्कक्क त्ति एयस्स इमं वक्खाणं[भा.७६७] जंबहुधा छिज्जंतं, पमाणवं होति संधिजंतं वा ।
सिव्वेतव्वं जं वा, तं वत्थं सपरिकम्मं तु॥ चू. जं बहुहा छिज्जतं संधिजंतं वा पमाणपत्तं भवति, बहुहा वा जं सिव्वियव्वं, तं वत्थं बहुपरिकम्मं ॥ [भा.७६८] जं छेदेणेगेणं, पमाणवं होति छिज्जमाणं तु।
संघण-सिव्वण-रहितं, तं वत्थं अप्पपरिकम्मं ।।
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |