________________
उद्देशक : १, मूलं - २२, [भा. ६६९ ]
[भा. ६६९]
नट्ठे हित विस्सरिते, तदन्न दव्वस्स होति वोच्छेदो । पच्छाकम्मपवहणं, धुवावणं वा तदट्ठस्स ॥
चू. हत्थाओ चुत्ता नट्ठा, तेणेहिंहिता, कहिं पि मुक्काण जाणए वीसरिता । तद्दव्व अन्नदव्वस्स वा तस्स वा अन्नस्स वा साहुस्स वोच्छेयं करेज्जा । पच्छाकम्मं अन्नं घडावेति असुतिसमणेण वा छिक्का घोवति । अवहंतं वा अन्नं वा धोवावेति । घुवावणं दव्वावेति ॥
[भा. ६७०]
आणाए वोच्छेदे, पवहण किण पच्छकम्म पच्छित्ता ।
गुरुगा गुरुगा लहुगा, लहुगा गुरुगा य जं चऽण्णं ॥ चू. आणादी पंचपदा एतेसु जहसंखं । पायच्छित्ता पच्छद्धेणं ।। मू. (२३) जे भिक्खू अविहीए सूइं जायइ, जायंतं वा सातिज्जति ।। मू. (२४) जे भिक्खू अविहीए पिप्पलगं जायइ, जायंतं वा सातिज्जति ॥
१८५
मू. (२५) जे भिक्खू अविहीए नहच्छेयणगं जायइ, जायंतं वा सातिज्जति ॥ मू. (२६) जे भिक्खू अविहीए कण्णसोहणयं जायइ, जायंतं वा सातिज्जति ॥ मू. (२७) जे भिक्खू अप्पणो एक्कस्स अट्ठाए सूइं जाइत्ता - अन्नमन्नस्स अनुप्पदेति, अनुष्पदेतं वा सातिजति वा ॥
मू. (२८) जे भिक्खू अप्पणो एक्कस्स अट्ठाए पिप्पलयं जाइत्ता - अन्नमन्नस्स अनुप्पदेति, अनुप्पदेतं वा सातिजति ॥
मू. (२९) जे भिक्खू अप्पणो एक्कस्स अट्ठाए नहच्छेयणयं जाइत्ता - अन्नमन्नस्स अनुप्पदेति, अनुप्पदेतं वा सातिज्जति ।
मू. (३०) जे भिक्खू अप्पणी एक्स्स अट्ठाए कण्णसोहणयं जाइत्ता - अन्नमन्नस्स अनुप्पदेति, अनुप्पदेतं वा सातिज्जति ॥
मू. (३१) जे भिक्खू पाडिहारियं सूइं जाइत्ता वत्थं सेव्विस्सामि त्ति पादं सिव्वति, सिव्वंतं वा सातिज्जति ॥
मू. (३२) जे भिक्खू पाडिहारियं पिप्पलयं जाइत्ता वत्थं छिंदिस्सामि त्तिपायं छिंदति, छिंदतं वा सातिज्जति ॥
मू. (३३) जे भिक्खू पाडिहारियं नहच्छेयणयं जाइत्ता नखं छिंदामि त्तिसमुद्धरणं करेइ, करेंतं वा सातिजति ॥
मू. (३४) जे भिक्खू पाडिहारियं कण्णसोहणगं जाइत्ता कण्णमलं नीहरिस्सामि त्तिदंतमलं वानखमलं वा नीहरेति नीहरावेंतं वा सातिज्जति ॥
चू. का अविधी ? इमा
[भा. ६७१]
वत्थं सिव्विस्साम, ति जाइउं पादसिव्वणं कुणति । अहवा वि पादसिव्वण, काहेंतो सिव्वती वत्थं ॥ तं दयं वा अहवा अन्नेसिं अंतियं सोच्चा । ओभावणमग्गहणं, कुज्जा दुविधं च वोच्छेदं ॥
[भा. ६७२]
चू. सूति-सामिणा अविहीएसिव्वंतो सयमेव दिट्ठो अन्नस्स वा समीवे सुत्तं । “ओभावणा”
For Private & Personal Use Only
www.jainelibrary.org
Jain Education International