Page Text
________________
पीठिका - [भा. १]
अत्थाहिगारो पच्छित्तेण मूलगुण- उत्तरगुणाण । इच्चेयं निसीहचूलज्झयणं आनुपुव्विमाइएहिं दारेहिं जत्थ जत्थ समोयरति तत्थ तत्थ समोयारियं । गओ उवक्कमो ।
इयाणिं निक्खेवो सो तिविहो - ओहनिप्फण्णो १ नामनिप्फण्णो २ सुत्तालावगनिप्फण्णो ३ । अज्झयणं अज्झीणं आओ झवणा य एगट्ठा। अज्झयणं नामादि चउव्विहं पन्नवेऊणं भावे इणं भवति । “जह दीवा दीवसयं" गाहा ३ । आओ भवणासु वि नामादि ॥ ३ ॥ परूवितेसु इमाओ गाहाओ भवंति । “नाणस्स दंसणस्स" य गाहा ॥ ४ ॥ “ अठ्ठविहं कम्मरयं " गाहा । ओ ओघ - निष्फण्णो ॥ १ ॥
इयाणि नाम - निष्फण्णो । सो य नामाओ भवतित्ति काउं भन्नति नाम-निप्फण्णो[भा. २] आयारपकप्पस्स उ, इमाई गोण्णाइं नामधिज्जाई । आयारमाइआइं, पायच्छित्तेणऽहीगारो ॥
चू. आयरणं “आयारो” । सो य पंचविहो । नाण १ दंसण २ चरित्त ३ तव ४ विरियायारो ५ व । तस्स पकरिसेणं कप्पणा “पकप्पणा" । सप्रभेदप्ररूपणेत्यर्थः । “इमाइं” ति वक्खमाणाति “गोण” ग्रहणं पारिभासियवुदासत्थं । तं जहा - सह मुद्दो समुद्दो, इंदं गोवयतीति इंदगोवगो एवं तस्स आयारपकप्पस्स नामं न भवति । गुणनिप्फण्णं भवति । गुणनिप्फण्णं गोण्णं । तं चेव जहत्थमत्थवो बिंति । तं पुण खवणो जलणो तवणो पवणो पदीवो य नामाणि अभिधेयाणि "नामधे जाणि" ।
अहवा धरणीय णि य धेजातिं "नामधेज्जाति" सार्थकाणीत्यर्थः । " आयारो " आदि जेसिं ताणि नामाणि आयारदीणि पंच, पायच्छित्तेणहीगारति । छठ्ठे दारं ।
सीसो पुच्छति - ननु पायच्छित्तेणहीगार अत्याहिकारे एव भणिओ ? आयरियो भणति"सच्चं तत्थ भणिओ इह विशेष - ज्ञापनार्थं भन्नति । अन्नत्थ वि आयारसरूवपरूवणा कया इह तु आयारसरूवं सपायच्छित्तं परूविज्झति ।" अहवा प्रायश्चित्ते प्रयत्न इत्यर्थः । अहवा इह भणिओ तत्थ दट्ठव्वो । आयारमाइयतिं ति जं भणियं ताणि य इमाणि ।
[भा. ३]
गाहा
आयारो अग्गं चिय, पकप्प तह चूलिया निसीहं ति ।
नीसितं सुतत्थ तहा, तदुभए आनुपुव्वि अक्खातं ॥
चू. एसा दारगाहा वक्खमाणसरूवा ॥ आयारमाइयाणं इमा - सामएणनिक्खेवलक्खणा
[ भा. ४]
आयारे निक्खेवो, चउविधो दसविधो य अग्गमि । छक्को य पकप्पंमि, चूलियाए निसीधे य ॥
चू. जहासंखेण जं भणियं आयारेचउविहो निक्खेवो । [भा. ५]
नामं ठेवणायारो, दव्वायारो य भावमायारो ।
एसो खलु आयारे, निक्खेवो चउव्विहो होइ ॥
चू. नाम-ठवणाओ गयाओ । दव्वायारो दुविहो । आगमओ १ नोआगमओ य २ । आगमओ जाणए अनुवउत्ते । नोआगमओ जाणगसरीरं भवियसरीरं - जाणग-भविय
सरीरवइरित्तो इमो
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |