Agam Suttani Satikam Part 14 Nirayavalika Aadi 10agam payanna

SR No.: 003318
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 404
Language: Prakrit, Sanskrit
Classification: Book_Devnagari, Agam, Canon, & agam_nirayavalika
File Size: 19 MB

Page 57

५४
वृष्णिदशा-उपाङ्गसूत्रम् १/३
राईसर जाव सत्थवाहप्पभिईणं वेयड्डगिरिसागरमेरागस्स दाहिणड्डभरहस्स आहेवच्चं जाव विहरति ।
तत्थ बारवईए नयरीए बलदेवे नामं राया होत्था, महया जाव रज्जं पसासेमाणे विहरति तस्स णं बलदेवसस रन्नो रेवई नामं देवी होत्था सोमाला जाव विहरति । तते णं सा रेवती देवी अन्नदा कदाइ तंसि तारिसगंसि सयणिज्जंसि जाव सीहं सुमिणे पासित्ता गं०, एवं सुमिणदंसणपरिकहणं, कलातो जहा जहा महाबलस्स, पंनासतो दातो पन्नासरायकण्णगाणं एगदिवसेणं पाणि० नवरं निसढे नामं जाव उप्पिं पासादं विहरति । तेणं कालेणं २ अरहा अरिट्ठनेमी आदिकरे दसधनूइं वण्णतो जाव समोसरिते, परिसा निग्गया ।
तणं से कहे वासुदेवे इमीसे कहाए लद्धठ्ठे समाणे हट्ठतो एतो य कुटुंबियपुरिसे सद्दावेति २ एवं वदासी- खिप्पामेव देवाणुप्पिया ! सभाए सुहम्माए सामुदानियं भेरिं तालेहि । तते णं से कुटुंबियपुरिसे जाव पडिसुणित्ता जेणेव सभाए सुहम्माए सामुदानिया भेरी तेणेव उवा० २ तं सामुदानियं भेरिं महता २ सद्देणं तालेति ।
तणं ती सामुदानियाए भेरीए महता २ सद्देण तालियाए समाणीए समुद्दविजयपामोक्खा दस दसारा देवीओ उण भाणियव्वाओ जाव अनंगसेनापामोक्खा अनेगा गणिया सहस्सा अन्ने य बहवे राईसर जाव सत्थवाहप्पभितितो ण्हाया जाव पायच्छित्ता सव्वालंकारविभूसिया जहाविभवइड्डिसक्वारसमुदएणं अप्पेगइया हयगया जाव पुरिसवग्गुरापरिक्खित्ता जेणेव कण्हे वासुदेवे तेणेव उवा० २ करतल० कण्हं वासुदेवं जएणं विजएणं वद्धावेति ।
तसे कहे वासुदेवेोडुंबियपुरिसे एवं वयासी - खिप्पामेव भो देवाणुप्पिया ! अभिसेक्कहत्थिं कप्पेह हयगयरहपवर जाव पच्चप्पिणंति । तते णं से कण्हे वासुदेवे मज्जणधरे जाव दुरूढे अट्ठट्ठमंगलगा जहा कूणिए सेयवरचामरेहि उद्धव्यमाणेहि २ समुद्दविजयपामोक्खेहिं दसहिं दसारेहिं जाव सत्थवाहप्पभितीहिं सद्धिं संपरिवूडे सव्विड्डीए जाव रवेणं बारवई नगरिं मज्झं मज्झेणं सेसं जहा कूणिओ जाव पज्जुवासइ ।
ततेणं तस्स निसढस्स कुमारस्स उप्पिं पासायवरगयस्स तं महता जन सद्दं च जहा जमाली जाव धम्मं सोच्चा निसम्म वंदइ नमंसइ २ एवं वदासी - सद्दहामि णं भंते निग्गंथं पावयणं जहा चित्तो जाव सावगधम्मं पडिवज्जति २ पडिगते । तेणं कालेणं २ अरहा अरिट्ठनेमिस्स अंतेवासी वरदत्ते नामं अनगारे उराले जाव विहरति । ततेणं से वरदत्ते अनगारे निसढं कुमारं पासति २ जातसद्धे जाव पज्जुवासमाणे एवं वयासी- अहो णं भंते! निसढे कुमारे इड्ढे इट्ठरूवे कंते कंतरूवे एवं पिए मणुन्नए मणामे मणामरूवे सोमे सोमरूवे पियदंसणे सुरूवे ।
निसढे णं भंते! कुमारे णं अयमेयारूवे माणुयइड्डी किणा लद्धा किणा पत्ता पुच्छा जहा सूरियाभस्स, एवं खलु वरदत्ता! तेणं कालेणं २ इहेव जंबुद्दीवे २ भारहे वासे रोहीडए नामं नगरे होत्था, रिद्ध, मेहवन्ने उज्जाणे मणिदत्तस्स जवखस्स जवखाययणे । तत्थ णं रोहीडए नगरे महब्बले नामं राया, पउमावई नामं देवी, अन्नया कदाइ तंसि तारिसगंसि सयणिज्जंसि सीहं सुमिणे, एवं जम्मणं भाणियव्वं जहा महब्बस्स, नवरं वीरंगतो नामं बत्तीसतो दातो बत्तासाए रायवरकन्नगाणं पाणि जाव ओगिज्जमाणे २ पाउसवरिसारत्तरसरयहेमंतगिम्हवसंते छप्पि उऊ जहाविभवे समाणे