________________
अध्ययनं-१
नमो नमो निम्मल सणस्स पंचम गणधर श्री सुधर्मास्वामिने नमः
-
२३ वृष्णिदशा-उपाङ्गसूत्रम्
सटीकं
(द्वादशमं उपाङ्गम्)
(मूलसूत्रम् + चंद्रसूरि विरचिता वृत्तिः)
अध्ययनं-१ निषथः) मू. (१)जइणंभंते उक्खेवओ० उवंगाणं चउत्थस्स वग्गस्स पुप्फचूलाणं अयमढे पन्नत्ते, पंचमस्सणंभंते। वग्गस्स उवंगाणं वन्हिदसाणं समणेणं भगवया जाव संपत्तेणं के अढे पन्नत्ते? एवं खलु जंबू! समणेणं भगवया महावीरेणं जाव दुवालस अज्झयणा पन्नत्ता, तं जहाम.(२) निसढे १ माअनि २ वह ३ वहे ४ पगता ५ जुत्ती६ दसरहे ७ दढरहे ८ य।
महाधनू ९ सत्तधनू १० दसधनू ११ नामे सयधनु १२ य॥ वृ. पञ्चमवर्गे वह्निदशाभिधाने द्वादशाध्ययनानि प्रज्ञप्तानि निसढे इत्यादीनि ।
मू. (३) जइ णं भंते ! समणेणं जाव दुवालस अज्झयणा पन्नता, पढमस्स णं भंते ! उक्खेवओ । एव खलु जंबू! तेणं कालेणं २ बारसई नामं नगरी होत्था दुवालसजोयणायामा जाव पञ्चवखं देवलोयभूया पासादीया दरिसणिज्जा अभिरूवा पडिरूवा।
तीसे णं बारवईए नगरीए बहिया उत्तरपुरच्छिमे दिसीभाए एत्थ णं रेवए नाम पव्वए होत्या, तुंगे गगनतलमणुलिहंतसिहरे नानाविहरुवखगुच्छगुम्मलतावल्लीपरिगताभिरामे हंसमियमयूरकोंचसारसकागमयणसालाकोइलकुलोववेते तडकडगवियरउब्भरपउरे अच्छरगणदेवसंधविज्जाहरमिहुणसंनिचिन्ने निव्वत्थणए दसारवरवीरपुरिसतेलोक्कबलवगाणं सोमे सुभए पियदंसणे सुरुवे पासादीए जाव पडिरूवे।
तस्सणंरेवयगस्स पव्वयस्स अदूरसामंते एत्थणनंदनवने नामंउज्जाणे होत्था, सव्वोउयपुष्फ जाव दरिसणिज्जे । तत्थ णं नंदनवने उजाणे सुरप्पियस्स जक्खस्स जक्खायतणे होत्था चिराईए जाव बहुजनो आगम्म अच्चेति सुरप्पियं जक्खाययणं । सेणं सुरप्पिए जक्खाययणे एगेणं महता वनसंडेणं सवओ समंता संपरिक्खित्ते जहा पुन्नभद्दे जाव सिलावट्टते।
तत्थ णं बारवईए नयरीए कण्हे नामं वासुदेवे राया होत्था जाव पसासेमाणे विहरति । से णंतत्थ समुद्दविजयपामोक्खाणंदसण्हंदसाराणं, बलदेवपामोक्खाणंपंचण्हंमहावीराणं, उग्गसेनपामोक्खाणं सोलसण्हं राईसाहस्सीणं, पञ्जुन्नपामोक्खाणंअछुट्टाणंकुमारकोडीणं, संबपामोक्खाणं सट्ठीए दुइतसाहस्सीणं, वीरसेनपामोक्खाणं एकवीसाए वीरसाहस्सीणं, रुप्पिणिपामोक्खाणं सोलसण्हं देवीसाहस्सीणं, अनंगसेनापामोक्खाणं अनेगाणं गणियासाहस्सीणं, अन्नेसिंच बहूणं
Jain Education International
For Private & Personal Use Only
www.jainelibrary.org
