________________
अध्ययनं - 1-9
५१
ततेणं सा भूया दारिया निययपरिवारपरिवुडा रायगिहं नगरं मज्झं मज्झेणं निग्गच्छति २ जेणेव गुणसिलए चेइए तेणेव उवा० २ छत्तादीए तित्थकरातिसे पासति, धम्मियाओ जाणप्पवरा ओ पच्चोरुभित्ता चेडीचक्कवालपरिकिण्णा जेणेव पासे अरहा पुरिसादाणीए तेणेव उवा० २ तिक्खुत्तो जाव पज्जुवासति । तते णं पासे अरहा पुरिसादानीए भूयाए दारियाए तीसे महइ० धम्मकहाए धम्मं० सोच्चा णिसम्म हट्ट० वंदति २ एवं वदासी-सद्दहामि णं भंते निग्गंथं पावयणं जाव अब्भुट्टेमि णं भंते निग्गंथं पावयणं से जहे तं तुब्भे वदह जं, नवरं देवाणप्पिय ! अम्मापियरो आपुच्छामि । तते णं अहं जाव पव्वइत्तए ।
अहासुहं देवाणुप्पिया ! तते णं सा भूया दारिया तमेव धम्मियं जाणप्पवरं जाव दुरुहति २ जेणेव रायगिहे नगरे तेणेव उवागता, रायगिहं नगरं मज्झं मज्झेणं जेणेव सए गिहे तेणेव उवागता, रहाओ पच्चोरुहित्ता जेणेव अम्मापितरो तेणेव उवागता, करतल० जहा जमाली आपुच्छति । अहासुहं देवाणुप्पिए ! तते णं से सुदंसणे गाहावई विउलं असनं ४ उवक्खडावेति, मित्तनाति आमंति२ जाव जिमियि भुत्तुत्तरकाले सूईभूते निक्खमणमाणित्ता कोडुंबिय पुरिसे सद्दावेति २ एवं वदासी - खिप्पामेव भो देवाणुप्पिया! भूयादारियाए पुरिससहस्सवाहिणीयं सीयं उवट्ठवेह २ जाव पच्चप्पिणह ।
तते णं ते जाव पञ्चप्पिणंति । तते णंसे सुदंसणे गाहावई भुयं दारियं व्हायं जाव विभूसियसरीरं पुरिससहस्सवाहिणिं सीयं दुरूहति २ मित्तनाति० जाव रवेणं रायगिहं नगरं मज्झं मज्झेणं जेणेव गुणसिलए चेइए तेणेव उवागते, छत्ताईए तित्थयरातिसए पासति २ सीयं ठावेति २ भूयं दारियं सीयाओ पच्चोरुतेति २ /
तते णं तं भूयं दारियं अम्मापियरो पुरतो काउं जेणेव पासे अरहहा पुरिसादानीए तेणेव उवागते, तिखुत्तो वंदति नम॑सति २ एवं वदासी एवं खलु देवाणुप्पिया ! भूया दारिया अम्हं एगा धूया इट्टा, एस णं देवाप्पिया ! संसारभउब्विग्गा भीया जाव देवाणुप्पियाणं अंतिए मुंडा जाव पव्वयाति २ तं एयं णं देवाणुप्पिया ! सिस्सिणिभिक्खं दलयति, पडिच्छंतु णं देवाणु० ! सिस्सिणीभिक्खं । अहासुहं देवाणु० ।
तणं सा भूता दारिया पासेणं अरहा० एवं वुत्तासमाणी हट्टा उत्तरपुरच्छिमं सयमेव आभरणमल्लालंकारं उम्मुयइ, जहा देवानंदा पुष्फचूलाणं २ हत्थे धोवति, पादे धोवति एवं सीसं धोवति, मुहं धोवति, थणगंतराइं धोवति, कक्खंतराइं धोवति, गुज्झतराइं धोवति, जत्थ जत्थ वि य णं ठाणं वा सिज्जं वा निसिहियं वा चेतेति तत्थ तत्थ वि य णं पुव्वामेव पाणएणं अब्भुक्खेति ततो पच्छा ठाणं वा सिज्जं वा निसीहियं वा चेतेति ।
तातो पुष्फलात अज्जातो भूयं अजं एवं वदासी-अम्हे णं देवाणुप्पिए समणीओ निग्गंथीओ इरियासमियाओ जाव गुत्तबंभचारिणीओ, नो खलु कप्पति अम्हं सरीरपाओसियाणं होत्तए, तुमं च णं देवाणुप्पिए सरीरपाओसीया अभिक्खणं २ हत्थे धोवसि जाव निसीहियं चेतेहि, तं णं तुमं देवाणुप्पिए एयस्स ठाणस्स आलोएहि त्ति, सेसं जहा सुभद्दाए जावपाडियक्कं उवस्सयं उवसंपचित्ताणं विहरति ।
तणं सा भूता अज्जा अनाहट्टिया अनिवारिया सच्छंदमई अभिक्खणं २ हत्थे धोवति
For Private & Personal Use Only
www.jainelibrary.org
Jain Education International