Agam Suttani Satikam Part 14 Nirayavalika Aadi 10agam payanna

SR No.: 003318
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 404
Language: Prakrit, Sanskrit
Classification: Book_Devnagari, Agam, Canon, & agam_nirayavalika
File Size: 19 MB

Page 45

पुष्पिका-उपाङ्गसूत्रम् ४/८
तते से भद्दे सत्थवाहे सुभद्दं सत्थ० एवं वदासी-माणं तुमं देवाणुप्पिया ! इदाणिं मुंडा जाव पव्वयाहि, भुंजाहि ताव देवाणुप्पिए! मए सद्धिं विउलाई भोगभोगाई, ततो पच्छा भुत्तभोई सुव्वयाणं अज्जाणं जाव पव्वयाहि । ततेणं सुभद्दा सत्थ० भद्दस्स एयमहं नो आढाति नो परिजाणति दुच्छं पि तच्चं पि भद्दा सत्थ० एवं वदासी - इच्छामि णं देवाणुप्पिया ! तुब्भेहिं अब्भणुण्णाया समाणी जाव पव्वइत्तए ।
४२
तते णं से भद्दे स० जाहे नो संचाएति बहूहिं आघवणाहि य एवं पत्रवणाहि य सण्णवणा० विष्णवणाहि य आघवित्तए वा जाव विण्णवित्तए वा ताहे अकामते चेव सुभद्दाए निक्खमणं अनुमन्नित्था । तते णं से भद्दे स० विउलं असणं ४ उवक्खडावेति, मित्तनाति० ततो पच्छा भोयणवेलाए जाव मित्तनाति० सक्कारेति सम्माणेति, सुभद्दं सत्थ० ण्हायं जाव पायच्छित्तं सव्वालंकारविभूसियं पुरिससहस्सवाहिणि सीयं दुरुहेति । ततो सा सुभद्दा सत्थ० मित्तनाइ जाव संबंधिसंपरिवुडा सव्विड्डीए जाव रवेणं वाणारसीनगरीए मज्झं मज्झेणं जेणेव सुव्वयाणं अज्जाणं उवस्सए तेणेव उवा० २ पुरिससहस्सवाहिणिं सीयं ठवेति, सुभदं सत्यवाहिं सीयातो पञ्च्चोरुहेति तते णं भद्दे सत्थवाहे सुभद्दं सत्यवाहिं पुरतो काउं जेणेव सुव्वया अज्जा तेणेव उवा २ सुव्वयाओ अज्जाओ वंदति नम॑सति २ एवं वदासी- एवं खलु देवाणुप्पिया सुभद्दा सत्थवाही ममं भारिया इट्ठा कंता जाव मा णं वातिता पित्तिया सिंभिया सन्निवातिया विविहा रोयातंका फुसंतु, एस णं देवाणुप्पिया! संसारभउब्विग्गा भीया जम्मणमरणाणं, देवाणुप्पियाणं अंतिए मुंडा भवित्ता जाव पव्वयाति, तं एवं अहं देवाणुप्पियाणं सीसिणिभिक्खं दलयामि, पडिच्छंतु णं देवाणुप्पिया सीसिणीभिक्खं । अहासुहं देवाणुप्पिया ! मा पडिबंधं ।
तते णं सा सुभद्दा स० सुव्वयाहिं अज्जाहिं एवं वृत्ता समाणी हट्ठा २ सयमेव आभरमल्लालंकारं ओमुयइ २ सयमेव पंचमुट्ठियं लोयं करेति २ जेणेव सुव्वयातो अज्जाओ तेणेव उवा २ सुव्वयाओ अज्जाओ तिक्खुत्तो आयाहिणपयाहिणेणं वंदइ नमंसइ २ एवं वदासी-आलित्ते णं भंते जहा देवानंदा तहा पव्वइता जाव अज्जा जाया जाव गुत्तबंभयारिणी ।
तते णं सा सुभद्दा अज्जा अन्नदा कदायि बहुजनस्स चेडरूवे संमुच्छित्ता जाव अज्झोववण्णा अब्भंगणं च उव्वट्टणंच फासुयपाणं च अलत्तगं च कंकणाणि य अंजणं च वण्णगं च चुण्णगं च खेल्लगाणि य खजल्लगाणि य खीरं च पुष्फामि य गवेसति, गवेसित्ता बहुजणस्स दारए वा दारिया वा २ कुमारेय कुमारियाते य २ डिंभए य डिंभियाओ य अप्पेगतियाओ अब्भंगेति, अप्पेगइयाओ उव्वट्टेति, एवं अप्पे० फासुयपाणएणं ण्हावेति, अप्पे० पाए रयति, अप्पे० उट्टे रयति, अप्पे० अच्छीणि अंजेति, अप्पे० उसुए करेति, अप्पे० तिलए करेति, अप्पे० दिगिंदलए करेति अप्पे० पंतियाओ करेति अप्पे० छिज्जाई करेति अप्पेगइया वन्नएणं समालभइ अप्पे० चुन्नएणं समालभइ अप्पे० खेल्लणगाई दलयति अप्पे० खजुल्लगाई दलयति अप्पे० खीरभोयणं भुंजावेति अप्पे० पुप्फाइं ओमुयइ अप्पे० पादेसु ठवेति अप्पे० जंघासु करेइ एवं ऊरूसु उच्छंगे कडीए पिट्टे उरसि खंधे सीसे अ करतलपुडेणं गहाय हलउलेमाणी २ आगयमाणी २ परिहायमाणी २ पुत्तपिवासं च धूयपिवासं च नत्तुयपिवासं च नित्तिपिवासं च पञ्चणुब्भवमाणी विहरति ।
तते णं तातो सुव्वयातो अज्जाओ सुभद्दं अजं एवं वयासी- अम्हे णं देवाणुप्पिए ! समणीओ