Page Text
________________
अध्ययनं-४
४१
पण्हयंति, पुणो य कोमल कमलोवमेहिं हत्थेहिं हत्थेहिं गिहिऊणं उच्छंगनिवेसियाणि देंति, समुल्लावए सुमुहुरे पुणो पुणो मम्मण (मंजुल) प्पणिए अहं णं अधण्णा अपुन्ना अकयपुन्ना एत्तो एगमवि न पत्ता ओहय० जाव झियाइ।
तेणं कालेणं २ सुव्वतातो णं अज्जातो इरियासमितातो भासासमितातो एसणासमितातो आयाणभंडमत्तनिक्खेवणासमितातो उच्चारपासवणखेलजल्लसिंधाणपारिट्ठावणसमियातो मनगुत्तीओ वयगुत्तीओकायगुत्तीओ गुतिंदियाओ गुत्तबंभयारिणीओबहुस्सुयाआ बहुपरियारातो पुव्वानुपुब्बिं चरमाणीओ गामाणुगामं दूइज्जमणीओ जेणेव वाणारसी नगरी तेणेव उवागयाता, उवागच्छित्ता अहापडिरूवं उग्गहं २ संजमेणं तवसा विहरति । - ततेणंतासिं सुब्बयाणं अजाणं एगे संचाडए वाणारसीनगरीए उच्चनीयमज्झिमाइंकुलाई घरसमुदानस्स भिक्खायरियाए अडमाणे भद्दस्स सत्थवाहस्स गिहं अनुपविट्ठ । तते णं सुभद्दा सत्थवाहीतातोअज्जातोएजमाणीओ पासतिर हट्ठ० खिप्पामेवआसणाओअब्भुटेति २ सत्तठ्ठपयाई अनुगच्छइ २ वंदइ नमसइ, वंदित्ता नमंसित्ता विउलेणं असपानखाइमसाइमेणं पडिलाभित्ता एवं वयासि-एवं खलु अहं अज्जाओ ! भद्देणं सत्यवाहेणं सद्धिं विउलाई भोगभोगाइं भुंजमाणी विहरामि, नो चेवणं अहंदारगंवा दारियं वा पयामि, तंधनाओणं ताओ अम्मगाओ जाव एत्तो एगमविन पत्ता, तंतुब्भे अजाओ! बहुणायातो बहुपढियातो बहूणि गामागरनगर जाव सन्निवेसाई आहिंडह, बहूणं राईसरतलवर जाव सत्थवाहपभितीणं गिहाइं अनुपविसह, अस्थि से केति कहिं चि विजापओए वा मंतप्पओए वा वमणं वा विरेयणं वा बत्थिकम्मंवा ओसहे वा भेसज्जे वा उवलद्धे जेणं अहं दारगं वा दारियं वा पयाएजा?
तते णं ताओ अज्जाओ सुभदं सत्यवाहिं एवं वयासी-अम्हे णं देवाणुप्पिए! समणीओ निग्गंथीओ इरियासमियाओ जाव गुत्तबंभचारीओ, नो खलु कप्पति अम्हं एयमटुं कण्णेहिं विणिसामित्तए, किमंग पुण उद्दिसित्तए वा समायरित्तए वा अम्हे णं देवाणुप्पिए ! नवरं तव विचित्तं केवलिपन्नत्तं धम्म परिकहेमो । तते णं सुभद्दा सत्थवाही तासिं अजाणं अंतिए धम्म सोचा निसम्म हट्टतुट्टा तातो अजातो तिखुत्तो वंदति नमंसति एवं वदासी-सदहामिणं अजाओ निग्गंथं पावयणं पत्तियामि रोएमिणं अजाओ निग्गंधीओ! एवमेयं तहमेयं अवितहमेयं जाव सावगधम्म पडिवजए । अहासुहं देवा० ! मा पडिबंधं ।
तते णं सा सुभद्दा सत्थ० तासिं अजाणं अंतिए जाव पडिवजति २ तातो अज्जातो वंदइ नमंसइ पडिविसज्जति । तते णं सुभद्दा सत्थ० समणोवासिया जाया जाव विहरति । तते णं तीसे सुभद्दाए समणोवासियाए अन्नदा कदायि पुव्वरत्त० कुटुंब० अयमया० जाव समुप्पज्जित्था-एवं खलु अहं[स] भद्देणं सत्थ० विउलाइंभोगभोगाइंजाव विहरामि, नो चेवणं अहंदारगं वा २, तं सेयं खलु ममंकल्लं पा० जाव जलंते भद्दस्स आपुच्छित्ता सुव्वयाणं अजाणं अंतिए अजा भवित्ता अगाराओ जाव पव्वइत्तए, एवं संपेहेति २ ता कल्लेजेणेव भद्दे सत्यवाहे तेणेव उवागते, करतल० एवं वयासी-एवं खलु अहंदेवाणुप्पिया! तुब्भेहिं सद्धिं बहूइंवासाइंविउलाइंभोगजाव विहरामि, नो चेवणं दारगंवा दारियं वा पयामि, तं इच्छामिण देवाणुप्पिया! तुब्भेहिं अणुण्णाया समाणी सुब्बयाणं अजाणंजाव पव्वइत्तए।
Jain Education International
For Private & Personal Use Only
www.jainelibrary.org
| SR No. | 003318 |
| Book Title | Agam Suttani Satikam Part 14 Nirayavalika Aadi 10agam payanna |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 404 |
| Language | Prakrit, Sanskrit |
| Classification | Book_Devnagari, Agam, Canon, & agam_nirayavalika |
| File Size | 19 MB |