Page Text
________________
अध्ययनं-३
सोमिलो निग्गतोखंडियविहुणोजाव एवंवयासी-जत्ता ते भंते! जवणिजंचंते! पुच्छा सरिसवया मासा कुलत्था एगे भवं जाव संबुद्धे सावगधम्म पडिवजित्ता पडिगते ।
ततेणं पासेणं अरहा अन्नया कदायि वाणारसीओ नगरीओ अंबसालवणातो चेइयाओ पडिनिक्खमति २ बहिया जनवयविहारं विहरति । तते णं से सोमिले माहणे अन्नदाकदायि असाहुदंसणेण यअपञ्जुवासणताएय मिच्छत्तपज्जवेहिं परिवड्डमाणेहिं २ सम्मत्तपज्जवेहिं परिहायमाणेहि मिच्छत्तं च पडिवन्ने।
ततेणं तस्स सोमिलस्स सोमिलस्स माहणस्स अन्नदा कदायि पुव्वत्तावरत्तकालसमयंसि कुटुंबजागरियंजागरमाणस्स अयमेयारूवे अज्झथिएजाव समुप्पज्जित्था-एवंखलुअहंवाणारसीए नयरीए सोमिले नामं माहणे अचंतमाहणकुलप्पसूए।
ततेणं मए वयाई चिन्नाइं वेदा य अहीया दारा आहूया पुत्ता जणिता इडीओ संमाणीओ पसुवधा कया जन्ना जेट्ठा दक्खिणा दिन्ना अतिही पूजिता अग्गीहूया जूया निक्खित्ता, तं सेयं खलु ममं इदानिं कल्लं जाव जलंते वाणारसीए नयरीए बहिया बहवे अंबारामा रोवावित्तए, एवं माउलिंगा बिल्ला कविट्ठा चिंचा पुप्फारामा रोवावित्तए, एवं संपहेति संपेहित्ता कल्लं जाव जलंते वाणारसीए नयरीए बहिया अंबारामे य जाव पुप्फारामे य रोवावेति।
ततेणंबहवेअंबारामा य जावपुप्फारामा य अनुपुब्वेणंसारखिज्जमाणा संगोविज्जमाणा संवड्डिजमाणा आरामा जाता किण्हा किण्हाभासा जावरम्मा महामेहनिकुरंबभूता पत्तिया पुफिया फलिया हरियगरेरिज्जमाणसिरिया अतीव २ उवसोभेमाणा २ चिट्ठति।
तते णं तस्स सोमिलस्स माहणस्स अन्नदा कदायि पुव्वरत्तावरत्तकालसमयंसि कुटुंबजागरियं जागरमाणस्स अयमेयारूवे अज्झथिएजाव समुप्पज्जित्था-एवं खलु अहं वाणारसीए नयरीए सोमिले नामं माहणे अच्चंतमाहणकुलप्पसूते, तते णं मए वयाई चिण्णाइं जाव जूवा निक्खित्ता, ततेणं मए वाणारसीए नयरीए बहिया बहवे अंबारामाजावपुप्फारामा य रोवाविया, तं सेयं खलु ममंइदानिं कल्लं जाव जलंते सुबहुं लोहकडाहकडुच्छुयं तंबियंतावसभंडं घडावित्ता विउलं असनं पानं खाइमं साइमं मित्तनाइ० आमंतित्ता तं मित्तनाइमियग० विउलेणं असन जाव सम्माणित्ता तस्सेव मित्त जावजेट्ठपुत्तं कुटुंबे ठावेत्ता खाइमं साइमंमित्तनाइ० आमंतित्तातं मित्तनाइनियग० विउलेणं असन जाव सम्माणित्ता तस्सेव मित्त जाव जेदुपुत्तं कुडुंबे ठावेत्ता तं मित्तनाइ जाव आपुच्छित्तासुबहु लोहकडाहकडुच्छुयंतंबियतावसभंडगंगहायजे इमे गंगाकूला वाणपत्था तावसा भवंति, तंजहा___ होतिया पोत्तिया कोत्तियाजंनती सडती घालती हुंबउट्ठा दंतुक्खलिया उम्मजगा संमज्जगानिमज्जगा संपखालगा दक्खिणकूला उत्तरकूला संखधमा कूलधमा मियलुद्धया हत्थितावसा उदंडा दिसापोक्खिणो वक्तवासिणो बिलवासिणो जलवासिणो रुक्खमूलिया अंबुभक्खिणो वायुभक्खिणो सेवालभक्खिणो मूलाहारा कंदाहारा तयाहारा पत्ताहारा पुप्फाहारा फलाहारा बीयाहारा परिसडियकंदमूलतयपत्तपुप्फफलाहारा जलाभिसेयकढिणगायभूता आयावणाहिं पंचग्गीतावेहिं इंगालसोल्लियं कंदुसोल्लियं पिव अप्पाणं करेमाणा विहरति । | 143
Jain Education International
For Private & Personal Use Only
www.jainelibrary.org
| SR No. | 003318 |
| Book Title | Agam Suttani Satikam Part 14 Nirayavalika Aadi 10agam payanna |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 404 |
| Language | Prakrit, Sanskrit |
| Classification | Book_Devnagari, Agam, Canon, & agam_nirayavalika |
| File Size | 19 MB |