Page Text
________________
निरयावलिका-उपाङ्गसूत्रम्-१/१८ इमेणं कारणेणं पडिसेहित्ता अदुत्तरंचणं ममं तच्चे दूते असक्कारिते अवद्दारेणं निच्छुहावेति तं सेयं खलु देवाणुप्पिया! अम्हं चेडगस्स रन्नो जुत्तं गिण्हित्तए । तएणंकालाईया दस कुमारा कूणियस्स रन्नो एयमढे विनएणं पडिसुणेति।
ततेणं से कूणिए राया कालादीते दस कुमारे एवं वयासि-गच्छह णं तुब्भे देवाणुप्पिया! सएसु सएसु रज्जेसु पत्तेयं पत्तेयं बहाया जाव पायच्छिता हत्थिखंधवरगया पत्तेयं पत्तेयं तिहिं दंतिसहस्सेहिं एवं तिहिं रहसहस्सेहिं तिहिं आससहस्सेहिं तिहिं मणुस्सकोडीहिं सद्धिं संपरिवुडा सव्विड्डीए जाव रवेणं सतेहिंरतो नगरेहिंतो पडिनिक्खमह २ ममं अंतियं पाउब्भवह।
ततेणं ते कालाईया दस कुमारा कोणियस्स रन्नो एयमढे सोचा सएसुसएसुरजेसु पत्तेयं २ ण्हायाजाव तिहिंमणुस्सकोडीहिं सद्धिं संपरिवुडा सब्विड्डीएजावरवेणं सएहिं २ तो नगरेहितो पडिनिक्खमंति, जेणेव अंगा जणवए जेणेव चंपा नगरी जेणेव कूणिए राया तेणेव उवागता करतल० जाववद्धावेति। ततेणंसे कूणिएरायाकोडुबियपुरिसेसद्दावेति २ एवंवयासि-खिप्पामेव भो देवाणुप्पिया! आभिसेकं हत्थिरयणं पडिकप्पेह, हयगयरहचातुरंगिणिं सेनं संनाहेह, ममं एयमाणत्तियं पञ्चपप्पिणह, जाव पञ्चप्पिणंति।।
तते णं से कूणिए राया जेणेव मज्जणघरे तेणेव उवागच्छइ जावपडिनिग्गच्छित्ता जेणेव बाहिरिया उवट्ठाणसाला जाव नरवई दुरुढे । तते णं से कूणिए राया तिहिं दंतिसहस्सेहिं जाव रवेणं चंपं नगरि मज्झमझेणं निग्गच्छति २ जेणेव कालादीया दस कुमारा तेणेव उवागच्छइ २ कालाइएहिं दसहिं कुमारेहिं सद्धिं एगतो मेलायंति।
तते णं से कूणिए राया तेत्तीसाए दंतिसहस्सेहिं तेत्तीसाए आससहस्सेहिं तेत्तीसाए रहसहस्सेहिं तेत्तीसाएमणुस्सकोडीहिं सद्धिं संपरिवुडे सब्बिड्डीएजावरवेणंसुभेहिं वसहीपायरासेहिं नातिविगिठेहिं अंतरावासेहिं वसमाणे २ अंगजनवयसस्स मज्झं मज्झेणं जेणेव विदिहे जनवते जेणेव वेसाली नगरी तेणेव पहारित्थगमणाते ।
तते णं से चेडए राया इमीसे कहाए लद्धढे समाणे नवमल्लई नवलेच्छई कासीकोसलका अट्ठारस विगणरायाणो सद्दावेति २ एवं वयासी-एवं खलु देवाणुप्पिया! वेहल्ले कुमारे कूणियस्स रन्नो असंविदितेणं सेयणगं अट्ठारसवंकंच हारंगहाय इहं हव्यमागते, ततेणं कूणिएणं सेयणगस्स अट्ठारसवंकस्स य अट्ठाए तओ दूया पेसिया, ते य मए इमेणं कारणेणं पडिसेहिया। .
ततेणंसे कूणिएममंएयमटुंअपडिसुणमाणे चाउरंगिणीए सेनाए सद्धिं संपरिबुडे जुन्झसञ्जे इहं हव्वमागच्छति, तं किंतु देवाणुप्पिया! सेयणगं अट्ठारसवंकं कूणियस्सरनो पञ्चप्पिणामो? वेहल्लं कुमारं पेसेमो? उदाहु जुज्झित्था ? तते णं नवमल्लई नवलेच्छती कासीकोसलगा अट्ठारस विगणरायाणो चेडगं रायं एवं वदासि-नएयं सामी! जुत्तं वा पत्तं वा रायसरिसंवा जन्न सेयणगं अट्ठारसवंकं कूणियस्स रन्नो पञ्चप्पिणिज्जति, वेहल्ले य कुमारे सरणागते पेसिज्जति, तं जइ णं कूणिए राया चाउरंगिणीए सेनाए सद्धिं संपरिवुडे जुज्झसजे इहं हव्वमागच्छति, तते णं अम्हे कुणिएणं रन्ना सद्धिं जुज्झामो।
ततेणं से चेडए राया ते नवमल्लई नवलेच्छई कासीकोसलगा अट्ठारस विगणरायाणो एवं वदासी-जइ णं देवाणुप्पिया! तुब्भे कूणिएणं रन्ना सद्धिं जुज्झह, तं गच्छह णं देवाणुप्पिया !
सतेसु २ रजेसु ण्हाया जहा कालादीया जाव जएणं विजएणं वद्धाति । तते णं से चेडए राया Jain Education International
For Private & Personal Use Only
www.jainelibrary.org
| SR No. | 003318 |
| Book Title | Agam Suttani Satikam Part 14 Nirayavalika Aadi 10agam payanna |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 404 |
| Language | Prakrit, Sanskrit |
| Classification | Book_Devnagari, Agam, Canon, & agam_nirayavalika |
| File Size | 19 MB |