Page Text
________________
वक्षस्कारः -४
३१५
परिक्खेवेणं मज्झेदो जोअणसहस्साइंतिण्णि बावत्तरेजोअणसए किंचिविसेसाहिए परिक्खेवेणं उवरिएगंजोअणसहस्संपञ्च यएकासीएजोअणसए किंचिविसेसाहिएपरिक्खेवेणं मूले विच्छिन्ना मज्झे संखित्ता उप्तिणुआजमगसंठाणसंठिआ सव्वकणगामया अच्छा सण्हा पत्तेअं२ पउमवरवेइआपरिक्खित्ता पत्तेअं२ वनसंडपरिक्खित्ता।
ताओ णं पउमवरवेइआओ दो गाऊआई उद्धं उच्चत्तेणं पञ्च घनुसयाई विखंभेणं, वेइआवणसंडवण्णओ भाणिअव्वो, तेसिणं जमगपव्वयाणं उप्पिं बहुसमरमणिज्ने भूमिभागे पन्नत्ते, जावतस्सणंबहुसमरमणिजस्स भूमिभागस्स बहुमज्झदेसभाएएत्थणंदुवेपासायवडेंसगा पं०, ते णं पासायवडेंसगा बावठिं जोअणाई अद्धजोअणं च उद्धं उच्चत्तेणं इकतीसं जोअणाई कोसं च आयामविक्खंभेणं पासायवण्णओ भाणिअव्वो, सीहासणा सपरिवारा जाव एत्थ णं जमगाणं देवाणं सोलसण्हं आयरक्खदेवसाहस्सीणं सोलस भद्दासणसाहस्सीओ पन्नताओ।
सेकेणट्टेणं भंते ! एवं वुच्चइ जमगा पव्वया २?, गोअमा! जमगपव्वएसुणं एत्य २ देसे तहिं २ बहवे खुड्डाखुड्डिवासु वावीसु जाव विलपंतियासु बहवे उप्पलाईजाव जमगवण्णाभाई जमगा य इत्थ दुवे देवा महिद्धीया, ते णं एत्थ चउण्हं सामानिअसाहस्सीणं जाव भुञ्जमाणा विहरंति, से तेणटेणं गो०! एवं वुच्चइ-जमगपव्वया २, अदुत्तरं च णं सासए नामधिज्जे जाव जमगपव्वया २ । कहिणं भंते! जमगाणं देवाणं जमिगाओ रायहाणीओ प० गो० जंबुद्दीवे दीवे मन्दरस्स पव्वयस्स उत्तरेणं अन्नंमि जंबुद्दीवे २ बारस जोअणसहस्साइं ओगाहित्ता एत्थ णं जमगाणंदेवाणंजमिगाओ रायहाणीओ प० बारस जोअणसहस्साइंआयामविक्खम्भेणं सत्तत्तीसं जोअणसहस्साइंनव य अडयाले जोअणसए किंचिविसेसाहिए परिक्खेवेणं।
पत्तेअंर पायारपरिक्खित्ता, तेणंपागारा सत्तत्तीसंजोअणाइंअद्धजोअणंच उद्धं उच्चत्तेणं मूले अद्धत्तेरस जोअणाई विक्खम्भेणं मझे छ सकोसाइं जोअणाई विक्खम्भेणं उवरि तिन्नि सअद्धकोसाइं जोअणाई विक्खम्भेणं मूले विच्छिन्ना मज्झे संखित्ता उप्पिं तणुआ बाहिं वट्टा अंतोचउरंसासवरयनामयाअच्छा, तेणंपागारा णानामणिपञ्चवण्णेहिं कविसीसएहिं उवसोहिआ
तंजहा-किण्हेहिंजाव सुकिल्लेहि, तेणं कविसीसगाअद्धकोसंआयामेणं देसूमंअद्धकोसं उद्धं उच्चत्तेणं पञ्च धनुसयाइं बाहल्लेणं सव्वमणिमया अच्छा, जमिगाणं रायहामीणं एगमेगाए बाहाए पणवीसं २ पणवीसंदारसयं पन्नत्तं, तेणं दारा बावहिँ जोअणाइं अद्धजोअणं च उद्धं उच्चत्तेणं इक्कतीसंजोअणाइंकोसंच विक्खम्भेणंतावइअंचेव पवेसेणं, सेआवरकणगथूमिआगा एवं रायप्पसेणइजविमाणवत्तव्वयाए दारवण्णओजाव अट्ठट्ठमंगलगाइंति, जमियामं रायहाणीणं चउदिसिं पञ्चपञ्च जोअणसए अबाहाए चत्तारि वनसण्डा प० असोगवने १ सत्तिवण्णवने २ चंपगवनेर चूअवणे४, ते णं वणसंडा साइरेगाइं बारसजो- अणसहस्साई आयामेणं पञ्च जोअणसयाई विक्खम्भेणं पत्तेअं१ पागारपरिक्खित्ता किण्हा वनसण्डवण्णओ भूमिओ पासायवडेंसगा य भा०।
___ जमिगाणं रायहाणीणं अंतो बहुसमरमणिजे भूमिभागे प० वण्णगोत्ति, तेसि ण बहुमज्झदेसभाएएत्थणंदुवेउवयारियालयणापन्नत्ता, बारसजोअण-सयाइंआयामविक्खम्भेणं तिन्नि जोअणसहस्साई सत्त य पञ्चानउए जोअणसए परिक्खेवेणं अद्धकोसं च बाहल्लेणं
Jain Education International
For Private & Personal Use Only
www.jainelibrary.org
| SR No. | 003317 |
| Book Title | Agam Suttani Satikam Part 13 Jambudwip pragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_jambudwipapragnapti |
| File Size | 13 MB |