Agam Suttani Satikam Part 12 Suryapragnapti Chandrapragnapati

SR No.: 003316
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 340
Language: Prakrit, Sanskrit
Classification: Book_Devnagari, Agam, Canon, agam_suryapragnapti, & agam_chandrapragnapti
File Size: 20 MB

Page 33

३०
119 11
सूर्यप्रज्ञप्तिउपाङ्गसूत्रम् १/३/२४
"यदत्र कुर्वता टीकां, विरुद्धं भाषितं मया । क्षन्तव्यं तत्र तत्वज्ञैः, शोध्यं तच्च विशेषतः ॥” प्राभृतं - १, प्राभृत प्राभृतं - ३ समाप्तम्
प्राभृतप्राभृतं-४:
तदेवमुक्तं तृतीयं प्राभृतप्राभृतं, सम्प्रति चतुर्थं वक्तव्यं, तस्य चायमर्थाधिकारः कियत्प्रमाणं परस्परमन्तरं कृत्वा चारं चरत इति, ततस्तद्विषयं प्रश्नसूत्रमाह
-
मू. (२५) ता केवइंय एए दुवे सूरिया अन्नमन्नस्स अंतरं चारं चरंति आहिताति वदेज्जा तत्थ खलु इमातो छ पडिवत्तीओ प० तत्थ एगे एवमाहंसु-ता एगं जोयणसहस्सं एगं च तेत्तीसं जोयणसतं अन्नमन्नस्स अंतरं कड्ड सूरिया चारं चरंति आहिताति वदेज्जा, एगे एवमाहंसु १ । एगे पुण एवमाहंसु-ता एगं जोयणसहस्सं एगं चउतीसं जोयणसयं अन्नमन्नस्स अंतरं कट्टु सूरिया चारं चरंति आहियत्ति वइज्जा, एगे एवमाहंसु २ ।
पुण एवमाहंसु-ता गंजोयणसहस्सं एगं च पणतीसं जोयणसयं अन्नमन्नस्स अंतरं कड्ड सूरिया चारं चरंति आहितांति वदेजा, एगे एवमाहंसु ३ ।
एवं एवं समुद्दं अन्नमन्नस्स अंतरं कड्ड ४, एगे० दो दीवे दो समुद्दे अन्नमन्नस्स अंतरं कट्टु सूरिया चारं चरंति आहियाति वदेज्जा, एगे एव माहंसु ५, एगे पुण एवमाहंसु तिन्नि दीवे तिन्नि समुद्दे अन्न० अंतरं कट्टु सूरिया चारं चरंति आहिया ति वएज्जा, एगे एवमाहंसु ६ ।
वयं पुण एवं वयामो, ता पंच पंच जोयणाइं पणतीसं च एगट्ठिभागे जोयणस्स एगमेगे मण्डले अन्नमन्नस्स अंतरं अभिवड्डेमाणा वा निवड्ढेमाणा वा सूरिया चारं चरंति ।
तत्थ णं को हेऊ आहिताति वदेज्जा ?, ता अयण्णं जंबुद्दीवे २ जाव परिक्खेवेणं पन्नत्ते, ता जया णं एते दुवे सूरिया सव्वब्भंतरमंडलं उवसंकमित्ता चारं चरंति तदा णं नवनउतियोजनसहस्साइं छच्चत्ताले जोयणसते अन्नमन्नस्स अंतरं कट्टु चारं चरंति आहिताति वदेज्जा ।
तता णं उत्तमकट्ठपत्ते उक्कसए अट्ठारसमुहुत्ते दिवसे भवति, जहन्निया दुवालसमुहुत्ता राई भवति, ते निक्खममाणा सूरिया नवं संवच्छरं अयमाणा पढमंसि अहोरत्तंसि अम्भितरानंतरं मंडलं उवसंकमित्ता चारं चरंति, ता जता णं एते दुवे सूरिया अभितराणंतरं मंडलं उवसंकमित्ता चारं चरंति तदा णं नवनवतिं जोयणसहस्साइं छच्च पणताले जोयणसते पणवीसं च एगट्टिभागे जोयणस्स अन्नमन्नस्स अंतरं कट्टु चारं चरंति आहिताति वदेज्जा ।
तताणं अट्ठारसमुहुत्ते दिवसे भवति दोहिं एगट्टिभागमुहुत्तेहिं ऊणे दुवालसमुहुत्ता राती भवति दोहि एगट्ठिभागमुहुत्तेहि अधिया, ते निक्खममाणे सूरिया दोघंसि अहोरत्तंसि अभितरं तच्चं मंडलं उवसंकमित्ता चारं चरंति ता जता दुवे सूरिया अब्भितरं तच्चं मंडलं उवसंकमित्ता चारं चरंति तया णं नवनवइं जोयणसहस्साइं छच्चइक्कवणे जोयणसए नव य एगट्टिभागे जोयणस्स अन्नमन्नस्स अंतरं कट्टु चारं चरति आहियत्ति वइज्जा, तदाणं अट्ठारसमुहुत्ते दिवसे भवइ चउहिं एगट्टिभागमुहुत्तेहिं ऊणे दुवालसमुहुत्ता राई भवइ चउहिं एगट्टिभागमुहुत्तेहिं अधिया ।
एवं खलु एतेणुवाएणं निक्खममाणा एते दुवे सूरिया ततोनंतरातो तदानंतरं मंडलाती