Page Text
________________
प्राभृतं १०, प्राभृतप्राभृतं - २२
१८७ परिक्खेवेणं, ता जंबुद्दीवेणं दीवे दो चंदा पभासेंसु वा पभासेंति वा पभासिस्संति वा दो सूरिया तविंसु वातवेंति वातविस्संति वा, छप्पन्नं नक्खत्ता जोयं जोएंसु वा ३, तंजहा-दो अभीयी दो सवणा दो धणिट्ठा दो सतभिसया दो पुव्वापोट्ठवता दो उत्तरापोट्ठवता दो रेवती दो अस्सिणी दो भरणी दो कत्तिया दो रोहिणी दो संठाणा दो अद्दा दो पुनव्वसूदो पुस्सा दोअस्सेसाओ दो महा दो पुव्वाफग्गुणी दो उत्तराफग्गुणी दो हत्था दो चित्ता दो साई दो अनुराधा दो जेट्ठा दो मूला दो पुव्वासाढा दो उत्तरासाढा ता एएसिणं छप्पन्नाए नक्खत्ताणं अत्थि नक्खत्ता जेणं णव मुहत्ते सत्तावीसंच सत्तट्ठिभागे मुहत्तस्सचंदेण सद्धिं जोयंजोएंति, अत्थि नक्खत्ताजेणं पन्नरस मुहुत्ते चंदेण सद्धिं जोयं जोएंति, अस्थि नक्खत्ता जेणं तीसमुहुत्ते चंदेण सद्धिं जोयं जोएंति, अस्थि नक्खत्ता जेणं पणयालीसं मुहुत्ते चंदेण सद्धिं जोयं जोएंति।
ताएतेसिणंछप्पन्नाएनक्खत्ताणंकतरे नक्खत्तजेणंनवमुहुत्ते सत्तावीसंचसत्तसट्ठिभागे मुहुत्तस्स चंदेण सद्धिं जोयंजोएंति, कतरे नक्खत्ताजेणं पनरसमुहुत्ते चंदेण सद्धिं जोयंजोएंति, कतरे नक्खत्ता जेणं तीसं मुहुत्ते चंदेणं सद्धिं जोयं जोएंति, कतरे नक्खत्ता जेणं पणतालीसं मुहुत्ते चंदेण सद्धिं जोयंजोएंति। ताएतेसिणं छप्पन्नाए नखत्ताणंतत्थ जे ते नक्खत्ताजेणं नव मुहुत्ते सत्तावीसं च सत्तट्ठिभागे मुहत्तस्स चंदेण सद्धिं जोयंजोएंति तेणं दो अभीयी, तत्थ जे ते न० जेणं पन्न-रस मुहत्ते चंदेण सद्धिं जो० ते णं बारस, तं० दो सतभिसया दो भरणी दो अहा दो अस्सेसा दो साती दो जेट्ठा, तत्थ जेणं तीसं मुहत्तेचंदेण सद्धिं जो० ते मंतीसं, तं० दोसवणा दो धनिट्ठा दो पुव्वभद्दवता दो रेवती दो अस्सिणी दो कत्तिया दो संठाणा दो पुस्सा दो महा दो पुव्वाफग्गुणी दो हत्था दो चित्ता दो अनुराधा दो मूला दो पुव्वासाढा।
तत्थजे ते नक्खत्ताजेणं पणतालीसं मुहत्ते चंदेण सद्धिं जोएंति तेणं बारस, तंजहा-दो उत्तरापोट्ठवता दो रोहिणी दो पुनव्वसूदो उत्तराफग्गुणी दो विसाहा दो उत्तरासाढा, ता एएसिणं छप्पन्नाए नक्खत्ताणं अत्थि नक्खत्ते जे णं चत्तारि अहोरत्ते छच्च मुहुत्ते सूरिएण सद्धिं जोयं जोएंति, अस्थि नक्खत्ता जेणं छ अहोरत्ते एकवीसंच मुहुत्ते सूरेण सद्धिं जोयं जोएंति, अस्थि नक्खत्ता जे णं वीसं अहोरत्ते तिन्नि य मुहुत्ते सूरेण सद्धिं जोयं जोएंति, एएसि णं छप्पन्नाए नक्खत्ताणं कयरे नक्खत्ता जेणं तं चेव उच्चारेयव्वं ।
ता एतेसिणं छप्पन्नाए नक्खत्ताणं तत्थ जे ते नक्खत्ताजेणं चत्तारि अहोरत्ते छच्च मुत्ते सूरेण सद्धिं जोयं जोएंति, ते णं दो अभीयी, तत्थ जे ते नक्खत्ता जे णं छ अहोरत्ते एकवीसंच मुहुत्ते सूरेण सद्धिंजोयं जोएंति, तेणं बारस, तंजहा-दोसतभसया दो अद्दा दोअस्सेसा दो साती दो विसाहा दो जेट्टा, तत्थ जे ते नक्खत्ता जे णं तेरस अहोरत्ते बारस मुहुत्ते सूरेण सद्धिं जोयं जोएंति, तेणं तीसं, तंजहा-दो सवणा जाव दो पुव्वासाढा, तत्थजे ते नक्खत्ताजेणं वीसंअहोरत्ते तिन्निय मुहुत्ते सूरेण जोयंजोएंति, तेणंबारस, तंजहा-दो उत्तरापोट्टवताजाव उत्तरासाढा
वृ, 'ता कहं ते' इत्यादि, ता इति पूर्ववत्, कथं !-केन ‘नक्खत्तविजय'ति विपूर्वश्चिड् स्वभावात्स्वरूपनिर्णये वर्तते, तथा चोक्तमन्यत्र "आप्तवचनंप्रवचनं ज्ञात्वा विचयस्तदर्थनिर्णय नम्।" तत्र विचयनं विचयो नक्षत्राणां विचयो नक्षत्रविचयः-नक्षत्राणां स्वरूपनिर्णय आख्यात इति वदेत्?, भगवानाह-‘ता अयण्ण'मित्यादि, इदं जम्बूद्वीपवाक्यं पूर्वत् परिपूर्णं स्वयं कृत्वा Jain Education International
For Private & Personal Use Only
___www.jainelibrary.org
| SR No. | 003316 |
| Book Title | Agam Suttani Satikam Part 12 Suryapragnapti Chandrapragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 340 |
| Language | Prakrit, Sanskrit |
| Classification | Book_Devnagari, Agam, Canon, agam_suryapragnapti, & agam_chandrapragnapti |
| File Size | 20 MB |