Page Text
________________
१४०
सूर्यप्रज्ञप्तिउपाङ्गसूत्रम् १०/१०/५३ नेति, अस्सिणी एगं अहोरत्तं नेइ, तंसिं च णं मासंसि दुवालसंगुलाए पोरिसीए छायाए सूरिए अणुपरियट्टति, तस्सणं मासस्स चरिमदिवसे लेहत्थाई तिन्नि पदाइं पोरिसी भवति, ता वासाणं चउत्थं मासं कति नक्खत्ता नेति ?, ता तिनि नक्खत्ता नेति, तं०-अस्सिणी भरणी कत्तिया, अस्सिणी चउद्दस अहोरत्ते नेइ, भरणी पन्नरस अहोरत्ते नेइ, कत्तिया एगं अहोरत्तं नेइ, तंसिचणं मासंसि सोलसंगुला पोरिसी छायाए सूरिए अणुपरियट्टइ, तस्स णं मासस्स चरिमे दिवसे तिन्नि पयाइं चत्तारि अंगुलाई पोरिसी भवइ । ता हेमंताणं पढमं मासं कइ नक्खत्ता नेति?, तिन्नि, तं०-कत्तिया रोहिणी संठाणा, कत्तिया चोद्दस अहोरत्ते नेति, रोहिणी पन्नरस अहोरत्ते नेति, संठाणा एगं अहोरत्तं नेति, तंसि च णं मासंसि वीसंगुल पोरिसीए छायाए सूरिए अणुप०, तस्स णं मासस्स चरिमे दिवसे तिन्नि पदाइं अट्ठ अंगुलाई पोरिसी भवति।
ता हेमंताणं दोचं मासं कति नक्खत्ता नैति?, चत्तारि नक्खत्ता नेति, तं०-संठाणा अद्दा पुनव्वसू पुस्सो, संठाणा चोद्दस अहोरत्ते नेति अद्दा सत्त अहोरत्ते नेति पुणव्वसू अट्ठ अहोरत्ते नेतिपुस्से एगंअहोरत्तंनेति, तंसिचणं मासंसि चउवीसंगुलपोरिसीए छायाए सूरिए अणुपरियमृति, तस्स णं मासस्स चरिमे दिवसे लेहट्ठाणि चत्तारि पदाइं पोरिसी भवति ।।
ता हेमंताणं ततियं मासं कति नक्खत्ता नेति ?, ता तिन्नि नक्खत्ता नेति, तं०-पुस्से अस्सेसा महा, पुस्से चोद्दस अहोरत्ते नेति, अस्सेसा पंचदस अहोरत्ते नेति, महा एग अहोरत्तं नेति, तंसि च णं मासंसि वीसंगुलाए पोरिसीए छायाए सूरिए अणुपरियति, तस्स णं मासस्स चरिमे दिवसे तिन्नि पदाइं अटुंगुलाई पोरिसी भवति । ता हेमंताणं चउत्थं मासं कति नक्खत्ता नेति?, ता तिन्नि नक्खत्ता नेति, तं०-महा पुव्वफग्गुणी उत्तराफग्गुणी, महा चोद्दस अहोरत्ते नेति, पुव्वाफग्गुणी पनरस अहोरत्ते नेति, उत्तराफग्गुणी एग अहोरत्तं नेति, तंसिं च णं मासंसि सोलस अंगुलाई पोरिसीए छायाए सूरिए अणुपरियट्टति, तस्स णं मासस्स चरिमे दिवसे तिन्नि पदाइं चत्तारि अंगुलाई पोरिसी भवति।
ता गिम्हाणं पढममासं कति नक्खत्ता नेति?, तिन्नि, तं०-उत्तराफग्गुणी हत्थो चित्ता, उत्तरफग्गुणीचोद्दस अहोरत्ते नेति, हत्थो पन्नरस अहोरत्ते नेति, चित्ता एगंअहोरत्तंणेइ, तंसिच णमासंसि दुवालसअंगुलपोरिसीए छायाए सूरिए अणुप०, तस्सणंमासस्स चरिमे दिवसे लेहट्ठाइ य तिन्नि पदाइं पोरिसी भवति । ता गिम्हाणं बितियं मासं कति नक्खत्ता नैति?, ता तिन्नि नक्खत्ता नेति, तं०-चित्ता साई विसाहा, चित्ता चोद्दस अहोरत्ते नेति, साती पन्नरस अहोरत्ते नेति, विसाहा एगं अहोरत्तं नेति, तंसि च णं मासंसि अटुंगुलाए पोरिसीए छायाए सूरिएअणुप०, तस्स णं मासस्स चरिमे दिवसे दो पदाइं अट्ठ अंगुलाई पोरिसी भवति।
गिम्हाणं ततियं मासंकति नखत्ता नेति?, ताति नक्खत्ता नेति, तं०-विसाहाअनुराधा जेट्टामूलो, विसाहा चोद्दस अहोरत्ते नेति, अणुराधा सत्त (पत्रस), जेट्ठामूलं एगंअहोरत्तं नेति, तंसि च णं मासंसि चउरंगुलपोरिसीए छायाए सूरिए अनुपरियति ।
तस्सणंमासस्स चरिमे दिवसे दो पादाणि य चत्तारि अंगुलाणि पोरिसीभवति, ता गिम्हाणं चउत्थं मासं कति नक्खत्ता नेति?, ता तिन्नि नक्खत्ता नेति, तं०-मूलो पुव्वासाढा उत्तरासाढा, मूलो चोद्दस अहोरत्ते नेति, पुव्वासाढा पन्नरस अहोरत्ते नेति, उत्तरासाढा एगं अहोरत्तं णेइ,
Jain Education International
For Private & Personal Use Only
www.jainelibrary.org
| SR No. | 003316 |
| Book Title | Agam Suttani Satikam Part 12 Suryapragnapti Chandrapragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 340 |
| Language | Prakrit, Sanskrit |
| Classification | Book_Devnagari, Agam, Canon, agam_suryapragnapti, & agam_chandrapragnapti |
| File Size | 20 MB |