Page Text
________________
पदं - ५, उद्देशक:-, द्वारं
नेरइए जहन्नठियस्स नेरइयस्स दव्वट्टयाए तुल्ले पएसट्टयाए तुल्ले ओगाहणट्टयाए चउट्ठाणवडिए टिईए तुल्ले वन्नगंधरसफासपज्जवेहिं तिहिं नाणेहिं तिहिं अन्नणेहिं तिहिं दंसणेहिं छट्टाणवडिए एवं उक्कोसटिइएवि, अजहन्नमणुक्कोसठिइएवि, नवरं सट्टाणे चउट्टाणवडिए ।
१९७
जहन्नगुणकालगाणं भंते ! नेरइयाणं केवइया पजवा पन्नत्ता ?, गोयमा ! अनंता पज्जवा पन्नत्ता, सेकेणणं भंते! एवं वुच्चइ-जहन्नगुणकालगाणं नेरइयाणं अनंता पज्जवा पन्नत्ता ?, गोयमा ! अजहन्नगुणकालए नेरइए जहन्नगुणकालगस्स नेरइयस्स दव्वट्ठाए तुल्ले पएसट्टयाए तुल्ले ओगाहणट्टयाए चउट्ठाणवडिए ठिईए चउट्ठाणवडिए कालवनपजवेहं तुल्ले अवसेसेहिं वन्नगंधरसफासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं छट्टाणवडिए, से एएणट्टेणं गोयमा ! एवं वुच्चइ जहन्नगुणकालगाणं नेरइयाणं अनंता पञ्जवा पन्नत्ता,
एवं उक्कोसगुणकालेवि, अजहन्नमणुक्कोसगुणकालएवि एवं चेव, नवरं कालवन्नपज्जवेहिं छट्टाणवडिए, एवं अवसेसा चत्तारि वन्ना दो गंधा पंच रसा अट्ठ फासा भाणियव्वा ।
जहन्नाभिनिबोहियनाणीणं भंते! नेरइयाणं केवइया पज्जवा पन्नत्ता ?, गोयमा ! जहन्नाभिणिबोहियनाणीणं नेरइयाणं अनंता पजवा पन्नत्ता, से केणट्टणं भंते! एवं वुच्चइ जहन्नाभिनिबोहियनाणीणं नेरइयाणं अनंता पज्जदा पन्नत्ता ?, गोयमा ! जहन्नाभिनिबोहियनाणी नेरइए जहन्नाभिनिबोहियस्स नाणिस्स नेरइयस्स दव्वट्ठाए तुल्ले पएसट्ठाए तुल्ले ओगाहणट्टयाए चउट्ठाणवडिए ठिईए चउट्टाणवडिए वन्नगंधरसफासपज्जवेहिं छट्टाणवडिए आभिणिबोहियनाणपज्जवेहिं तुल्ले सुयनाण० ओहिनाणपज्जवेहिं छट्टाणवडिए तिहिं दंसणेहिं छट्टाणवडिए, एवं उक्कोसाभिनिबोहयनाणीवि, । अजहन्नमणुकोसाभिणिवोहियनाणीवि एवं चेव, णवरं आभिनिबोहयनाणपज्जवेहिं सट्ठाणे छट्टाणवडिए, एवं सुयनाणी ओहिनाणीवि, नवरं जस्स नाणा तस्स अन्नाणा नत्थि, जहा नाणा तहा अन्नाणावि भाणियव्वा, स नवरं जस्स अन्नाणा तस्स नाणा न भवंति ।
जहन्नचक्खुदंसणीणं भंते! नेरइयाणं केवइया पजवा पन्नत्ता ?, गोयमा ! अनंता पजवा पन्नत्ता, सेकेणट्टेणं भंते! एवं वुच्चइ जहन्नचक्खुदंसणीणं नेरइयाणं अनंता पज्जवा पत्रत्ता ?, गोयमा ! जहन्नचक्खुदंसणीणं नेरइए जहन्नचक्खुदंसणिस्स नेरइयस्स दव्वट्टयाए तुल्ले पएसट्टयाए तुल्ले ओगाहणट्टयाए चउट्ठाणवडिए ठिईए चउट्ठाणवडिए वन्नगंधरसफासपज्जवेहिं तिहिं नाणेहिं तिहिं अन्नाणेहिं छट्टाणवडिए चक्खुंदसणपज्जवेहिं तुल्ले अचक्खुदंसणपज्जवेहिं ओहिदंसणपज्जवेहिं छट्टाणवडिए, एवं उक्कोसचक्खुदंसणीवि, अजहन्नमणुक्कोसचक्खुदंसणीवि एवं चेव, नवरं सट्ठाणे छट्टाणवडिए, एवं अचक्खुदंसणीवि ओहिदंसणीवि ।
वृ. 'जहन्नोगाहणाणं भंते!' इत्यादि, सुगमं नवरं 'ठिईए चउट्ठाणवडिए ' इति जघन्यावगाहनो हि दशवर्षसहस्राणि स्थितिकोऽपि भवति रत्नप्रभायां उत्कृष्टस्थितिकोऽपि सप्तमनरकपृथिव्यां, तत उपपद्यते स्थित्या चतुःस्थानपतितता, 'तिहिं नाणेहिं तिहिं अन्नणेहिं' ति इह यदा गर्भव्युक्कान्तिकसंज्ञिापञ्चेन्द्रियो नरकेषूत्पद्यते तदा स नारकायुः संदेवन प्रथमसमय एव पूर्वगृहीतौदारिकशरीरपरिशाटं करोति तस्मिन्नेव समये सम्यग्दष्टेस्त्रीणि ज्ञानानि मिथ्यादष्टेस्त्रीण्यज्ञाननानि समुत्पद्यन्ते, ततोऽविग्रहेण विग्रहेण वा गत्वा वैक्रियशरीरसंघातं करोति, यस्तु संमूर्च्छिमासंज्ञिपञ्चेन्द्रियोनरकेषूत्पद्यते तस्य तदानीं विभङ्गज्ञानं नास्तीति ।
For Private & Personal Use Only
Jain Education International
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |