Agam Suttani Satikam Part 10 Pragnapana

SR No.: 003314
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 324
Language: Prakrit, Sanskrit
Classification: Book_Devnagari, Agam, Canon, & agam_pragyapana
File Size: 19 MB

Page 127

१२४
प्रज्ञापनाउपाङ्गसूत्र-१-३/-/१/२६०
दिसाणुवाएणं सव्वत्थोवा नेरइया पुरच्छिमपञ्चत्थिमउत्तरेणं, दाहिणेणं असंखेजगुणा। दिसाणुवाएणंसव्वत्थोवारयणप्पभापुढवीनेरइया पुरच्छिमपञ्चस्थिमउत्तरेणं, दाहिणेण असंखेजगुणा दिसाणुवाएणं सव्वत्थोवा सक्करप्पभापुढवीनेरइया पुरच्छिमपञ्चत्थिमउत्तरेणं, दाहिणेणं असंखेनगुणा । दिसाणुवाएणं सव्वत्थोवा वालुयप्पभापुढवीनेरइया पुरच्छिमपञ्चस्थिमउत्तरेणं, दाहिणेणंअसंखेनगुणा। दिसाणुवाएणंसव्वत्थोवा पंकप्पभापुढवीनेरइया पुरच्छिमपञ्चत्थिमउत्तरेणं, दाहिणेणंअसंखेज्जगुणा । दिसाणुवाएणंसव्वत्थोवाधूमप्पभापुढवीनेरइया पुरच्छिमपञ्चत्थिमउत्तरेणं, दाहिणेणंअसंखेज्जगुणा। दिसाणुवाएणंसव्वत्थोवातमप्पहापुढवीनेरइया पुरच्छिमपञ्चत्थिमउत्तरेणं, दाहिणेणं असंखेज्जगुणा । दिसाणुवाएणं सव्वत्थोवा अहे सत्तमापुढवीनेरइया पुरच्छिमपञ्चत्थिमउत्तरेणं, दाहिणेणं असंखेज्जगुणा।। ___दाहिणेहिंतो अहेसत्तमापुढवीनेरइएहितोछट्टाएतमाए पुढवीएनेरइया पुरच्छिमपञ्चत्थिमउत्तरेणं असंखेजगुणा, दाहिणेणं असंखेजगुणा, दाहिणिल्लेहितो तमाए पुढवीनेरइएहितो पंचमाए धूमप्पभाए पुढवीए नेरइया पुरच्छिमपञ्चत्थिमउत्तरेणं असंखेज्जगुणा, दाहिणेणं असंखेजगुणा, दाहिणिल्लेहिंतो धूभप्पभापुढवीनेरइएहितो चउत्थीए पंकप्पभाए पुढवीए नेरइया पुरच्छिमपचत्थिमउत्तरेणं असंखेनगुणा, दाहिणेणं असंखेनगुणा, दाहिणिल्लेहितो पंकप्पभापुढवीनेरइएहितो तइया वालुयप्पभाए पुढवीए नेरइया पुरच्छिमपञ्चस्थिमउत्तरेणं असंखेजगुणा, दाहिणेणं असंखेजगुणा, दाहिणिल्लेहिंतो वालुयप्पभापुढवीनेरइएहितो दुइयाए सक्करप्पभाए पुढवीए नेरइया पुरच्छिमपञ्चच्छिमउत्तरेणंअसंखेजगुणा, दाहिणेणंअसंखेजगुणा, दाहिणिल्लेहिंतो सक्करप्पभापुढवीनेरइएहिंतो इमीसे रयणप्पभाए पुढवीए नेरइया पुरच्छिमपञ्चतअथिमउत्तरेणं असंखेज्जगुणा, दाहिणेणं असंखेजगुणा । दिसाणुवाएणं सव्वत्थोवा पंचिंदिया तिरिक्खजोणिया पच्छिमेणं, पुरच्छिमेणं विसेसाहिया, दाहिणेणं विसेसाहिया, उत्तरेणं विसेसाहिया। दिसाणुवाएणंसव्वत्थोवा मणुस्सा दाहिणउत्तरेणं, पुरच्छिमेणं संखेजगुणा पञ्चत्थिमेणं विसेसाहिया।
दिसाणुवाएणंसव्वत्थोवा भवणवासी देवा पुरच्छिमेणं पञ्चत्थिमेणं, उत्तरेणंअसंखेनगुणा, दाहिणेणं असंखेज्जगुणा । दिसाणुवाएणं सव्वत्थोवा वाणमंतरा देवा पुरच्छिमेणं, पञ्चत्थिमेणं विसेसाहिया, उत्तरेणं विसेसाहिया, दाहिणेणं विसेसाहिया। दिसाणुवाएणंसव्वत्थोवा जोइसिया देवा पुरच्छिमपञ्चत्यिमेणं, दाहिणेणं विसेसाहिया, उत्तरेणं विसेसाहिया। . दिसाणुवाएणंसव्वत्थोवा देवा सोहम्मे कप्पे पुरच्छिमपञ्चत्थिमेणं, उत्तरणं असंखेजगुणा, दाहिणेणं विसेसाहिया। दिसाणुवाएणं सव्वत्थोवादेवाईसाणे कप्पे पुरच्छिमपञ्चस्थिमेणं, उत्तरेणं असंखेजगुणा, दाहिणेणं विसेसाहिया। दिसाणुवाएणंसव्वत्थोवादेवा सणंकुमारे कप्पे पुरच्छिमपचत्थिमेणं, उत्तरेणं असंखेजगुणा, दाहिणेणंविसेसाहिया। दिसाणुवाएणंसव्वत्थोवादेवा सणंकुमारे कप्पे पुरच्छिमपञ्चत्थिमेणं, उत्तरेणंअसंखेजगुणा, दाहिणेणंविसेसाहिया। दिसाणुवाएणंसव्वत्थोवा देवामाहिदे कप्पे पुरच्छिमपञ्चत्थिमेणं, उत्तरेणंअसंखेजगुणा, दाहिणेणं विसेसाहिया। दिसाणुवाएणं सव्वत्थोवा देवा बंभलोए कप्पे पुरच्छिमपञ्चत्थिमउत्तरेणं, दाहिणेणं असंखेज्जगुणा । दिसाणुवाएणं सव्वत्थोवा देवा लंतए कप्पे पुरच्छिमपञ्चत्थिमउत्तरेणं, दाहिणेणं असंखेजगुणा । दिसाणुवाएणं सव्वत्थोवा देवा महासुक्के कप्पे पुरछिमपञ्चस्थिमउत्तरेणं, दाहिणेणअसंखेजगुणा । दिसाणुवाएणं