Page Text
________________
१०८
प्रज्ञापनाउपाङ्गसूत्र-१-२/-/-/२२६
मू. (२२६) कहिणं भंत ! वेमाणियाणं देवाणं पज्जत्तापज्जत्ताणं ठाणा पन्नत्ता?, कहिणं भंते ! वेमाणिया देवा परिवसंति ?, गोयमा ! इमीसे रयणप्पभाए पुढवीए बहुसमरमणिजाओ भूमिभागाओ उड्डं चंदिमसूरियगहनखत्ततारारूवाणं बहूइंजोयणसयाई बहूइंजोयणसहस्साई बहूइंजोयणसयसहस्साइंबहुगाओजोयणकोडीओ बहुगाओजोयणकोडाकोडीओउड्डंदूरं उप्पइत्ता ___-एत्थणंसोहम्मीसाणसणंकुमारमाहिंदबंभलोयलंतगमहासुक्कसहस्साराणयपाणयआरणचुयगेवेजणुत्तरेसु एत्थ णं वेमाणियाणं देवाणं चट्टरासीइ विमाणावाससयसहस्सा सत्तानउइंच सहस्सा तेवीसंच विमाणा भवंतीतिमक्खायं, तेणं विमाणा सव्वरयणामया अच्छा सण्हा लण्हा घट्टामट्ठा नीरया निम्मला निप्पंका निक्कंकडच्छाया सप्पभासस्सिरिया सउज्जोया पासादीयादरिसणिज्जा अभिरूवा पडिरूवा, एत्थ णं वेमाणियाणं देवाणं पञ्जत्तापजत्ताणं ठाणा पन्नत्ता, तिसुवि लोयस्स असंखेजइभागे, तत्थ णं बहवे वेमाणिया देवा परिवसंति?, तं०
सोहम्मीसाणसणंकुमारमाहिंदबंभलोगलंतगमहासुक्कसहस्सारआणयपाणयआरणचुयगेवेजणुत्तरोववाइया देवा, ते णं मिगमहिसवराहसीहछगलदहुरहयगयवइभुयगखग्गउसभविडिमपागडियचिंधमउडापसिढिलवरमउडकिरीडधारिणो वरकुंडलुज्जोइयाणणामउडदित्तसिरिया रत्ताभापउमपम्हगोरासेया सुहवन्नगंधफासाउत्तमवेउब्विणोपवरवत्थगंधमल्लानुलेवणधरा महिड्डियामहज्जुइयामहायसा महाबला महानुभागा महासोक्खा हारविराइयवच्छाकडयतुडियथंभियभुया अंगदकुंडलमट्टगंडतलकन्नपीढधारी विचित्तहत्थाभरणा विचित्तमालामउली कल्लाणगपवरवत्थपरिहिया कल्लाणगपवरमल्लाणुलेवणा भासुरबोंदी पलंबवणमालधरा
-दिव्वेणंवन्नेणं दिव्वेणं गंधेणं दिव्वेणंफासेणं दिव्वेणं संघयणेणं दिव्वेणं संठाणेमंदिव्वाए इटीए दिव्वाए जुईए दिव्वाए पभाए दिव्वाए छायाए दिव्वाए अच्चीए दिब्वेणं तेएणं दिव्वाए लेसाए दस दिसाओ उज्जोवेमाणा पभासेमाणा ते णं तत्थ साणं साणं विमाणावाससयसहस्साणं साणं साणं सामानियसाहस्सीणं साणं साणं तायत्तीसगाणं साणं साणं लोगपालाणं साणं साणं अग्गमहिसीणं सपरिवाराणंसाणंसाणं परिसाणं साणंसाणं अणियाणंसाणं साणं अणियाहिवईणं साणं साणं आयरक्खदेवसाहस्सीणं अन्नेसिंच बहूणं वेमाणियाणं देवाण य देवीण य आहेवचाचं पोरेवचं जाव दिव्वाइंभोगभोगाइं जमाणा विहरति ।
वृ. वैमानिकसूत्रे चतुरशीतिर्विमानलक्षाणि सप्तनवतिर्विमानसहस्राणि त्रयोविंशतिविमानानीति, 'बत्तीसट्ठावीसा बारसठ्ठचउरोसयसहस्सा' इत्यादिसंख्यामीलनेन परिभावनीयानि, 'तेणं मिगमहिस' इत्यादि,
सौधर्मदेवा मृगरूपप्रकटितचिह्नमुकुटाः ईशानदेवा महिषरूपप्रकटतितचिह्नमुकुटाः सनत्तुकमारदेवा वराहरूपप्रकटितचिह्नमुकुटाः माहेन्द्रदेवा सिंहरूपप्रकटितमुकुटचिह्नाः ब्रह्मलोकदेवाः छगलरूपप्रकटितमुकुटचिह्नाः लान्तकदेवा द१ररूपप्रकटितमुकुटचिह्नाः शुक्रकल्पदेवा हयमुकुटचिह्नाः सहस्रारकल्पदेवा गजपतिमुकुटचिह्नाः आनतकल्पदेवा भुजगमुकुटचिह्नाः प्राणतकल्पदेवाः खड्गमुकुटचिह्नः खङ्गः-चतुष्पदविशेष आटव्यःआरणकल्पदेवावृषभमुकुटचिह्नाः अच्युतकल्पदेवा वडिमुकुटचिह्नाः, वरकुंडलुजोइआणणा' इति वराभ्यां कुण्डलाभ्यामुयोतितंभास्वरीकृतमाननं येषां ते तथा, शेषं सुगमं ॥
Jain Education International
For Private & Personal Use Only
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |