Page Text
________________
प्रज्ञापनाउपाङ्गसूत्रं-१-२/-/-/२२१
नगरावाससहस्सा भवंतीतिमक्खायं, ते णं जाव पडिरूवा, एत्थ णं अणवन्त्रयाणं देवाणं ठाणा, उववाएणं लोयस्स असंखेज्जइभागे समुग्धाएणं लोयस्स असंखेज्जइभागे सट्टामेणं लोयस्स असंखेज्जइभागे, तत्थ णं बहवे अणवन्निया देवा परिवसंति महिड्डिया जहा पिसाया जाव विहरति, सन्निहियसामाणा इत्थ दुवे अणवन्निंदा अणवन्नियकुमाररायाणो परिवसंति महिड्डीया, एवं जहा कालमहाकालाणं दोपहंपि दाहिणिल्लाणं उत्तरिल्लाणय भणिया तहा सन्निहियसामाणापि भाणियव्वा संगहणीगाहामू. (२२२)
१०६
अणवन्नियपणवन्नियइसिवाइयभूयवाइया चेव । कंदियमहाकंदियकोहंडा पयगए चेव ॥
मू. (२२३) (इमे इंदा) - 'संनिहिया सामाणा धायविधाए इसी य इसिवाले । ईसरमहेसरा ( विय) हवइ सुवच्छे विसाले य ॥ हासे हासरई विय से य तहा भवे महासेए। पयए अ पयगवई य नेयव्वा आनुपुव्वीए ।
मू. (२२४)
वृ. नवरं 'काले य महाकाले' इत्यादि, दक्षिणोत्तराणां पिशाचानां यथाक्रममिन्द्रौ कालमहाकालौ, भूतानां सुरूपप्रतिरूपौ, यक्षाणां पूर्णभद्रमाणिभद्रौ, राक्षसानां भीममहाभीमौ, किन्नराणां किन्नरकिंपुरिषी, किंपुरुषाणां सत्पुरुषमहापुरुषी, मोरगाणमतिकायमहाकायौ, गन्धर्वाणां गीतरतिगीतयशसौ ||
मू. (२२५) कहि णं भंते! जोइसियाणं पञ्जत्तापञ्जत्ताणं ठाणा पत्रत्ता ?, कहि णं भंते ! जोइसिया देवा परिवसंति ?, गोयमा ! इमीसे रयणप्पभाए पुढवीए बहुसमरमणिज्जाओ भूमिभागाओ सत्तणउइजोयणसए उड्डुं उप्पइत्ता दसुत्तरजोयणसयबाहल्लेतिरियमसंखेज्जे जोइसविसए एत्थ णं जोइसियाणं देवाणं तिरियमसंखेज्जा जोइसियविमाणावाससयसहस्सा भवंतीतिमक्खायं,
ते णं विमाणा अद्धकविट्ठगसंठाणसंठिया सव्वफालिहमया अब्भुग्गयभूसियपहसिया इव विविहमणिकणगरयणभत्तिचित्ता वाउयविजयवेजयंतीपडागाछत्ताइछत्तकलिया तुंगा गगनतलमहिलंघमाणसिहरा जालंतररयणपंजलुम्मिलियव्व मणिकणगधूभियागा वियसियसयवतपुंडरीया तिलयरयणड्डूचंदचित्ता नानामणिमयदामालंकिया अंतो बहिं च सण्हा तवणिज्जरुइलवालुयापत्थडा सुहफासा सस्सिरिया सुरूवा पासाइया दरिसणिज्जा अभिरुवा पडिरूवा एत्थ णं जोइसियाणं देवाणं पज्जत्तापञ्जत्ताणं ठाणा पन्नत्ता तिसुवि लोगस्स असंखेज्जइभागे ।
तत्थणं बहवे जोइसिया देवा परिवसंति, तंजहा - बहस्सई चंदा सूरा सुक्का सनिच्छरा राहू धूमकेऊ बुधा अंगारगा तत्ततवणिज्जकणगवन्ना जे य गहा जोइसन्निचारं चरंति केऊ य गइरयइया अट्ठावीसइविहा नक्खत्तदेवतगणा नानासंठाणसंठियाओ पंचवन्नाओ तारयाओ ठियलेसाचारिणो अविस्साममंडलगई पत्तेयनामंकपागडियचिंधमउडा महिड्डिया जाव पभासेमाणा, ते णं तत्थ साणं २ विमाणावाससयसहस्साणं साणं २ सामानियसाहस्सीणं सागर अग्गमहिसीणं सपरिवाराणं साणं २ परिसाणं साणं २ अणियाणं साणं २ अणियाहिवईणं साणं २ आयरक्खदेवसाहस्सीणं अन्नेसिं च बहूणं दजोइसियाणं देवाणं देवीण य आहेवच्चं जाव विहरंति । चंदिमसूरिया इत्थ दुवे जोइसिंदा जोइसियरायाणो परिवसंति, महिड्डिया जाव पभासेमाणा, ते णं तत्थ साणं २
Jain Education International
For Private & Personal Use Only
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |