Page Text
________________
८७
प्रतिपत्तिः-२, उक्को० तेत्तीसं सागरोवमाइं।
नेरइयनपुंसगस्सणंभंते! केवतियंकालंठितीपन्नत्ता?, गोयमा! जह० दसवाससहस्साइं उक्को० तेत्तीसं सागरोवमाई, सव्वेसिं ठिती भाणियव्वा जाव अधेसत्तमापुढविनेरइया।
तिरिक्खजोणियणपुंसकस्स णं भंते ! केवइयं कालं ठिती प०, गोयमा!, जह० अंतो० उक्को० पुव्वकोडी। एगिदियतिरिक्खजोणियणपुंसक० जह० अंतो० उक्को० बावीसंवाससहस्साई, पुढविकाइयएगिंदियतिरिक्खजोणियणपुंसकस्सणंभंते! केवतियं, कालं ठिती पन्नत्ता?, जह० अंतो० उक्को० बावीसं वाससहस्साइं, सव्वेसिं एगिंदियनपुंसकाणं ठिती भाणियव्व,, बेइंदियतेइंदियचउरिदियनपुंसकाणं ठिती भाणितव्वा ।
पंचिंदियतिरिक्खजोणियनपुंसकस्सणं भंते! केवतियं कालं ठिती पन्नत्ता?, गोयमा! जह० अंतो० उक्को० पुव्वकोडी, एवंजलयतिरिक्खचउप्पदथलयरउरगपरिसप्पभुयगपरिसप्पखहयरतिरिक्ख० सव्वेसिंजह० अंतो० उक्को० पुवकोडी।
मणुस्सनपुंसकस्स गंभंते! केवतियं कालं ठिती पन्नत्ता?, गोयमा ! खेत्तं पडुच्च जह० अंतो० उक्को० पुवकोडी, धम्मचरणं पडुच्च जह० अंतो० उक्को० देसूणा पुचकोडी । कम्मभूमगभरहेरवयपुव्वविदेहअवरविदेहमणुस्सनपुंसकस्सवितहेव, अकम्मभूमगमणुस्सनपुंसकस्सणंभंते ! केवतियं कालं ठिती पण्णता?, गोयमा! जम्मणं पडुच्च जह० अंतो० उक्क० अंतोमु० साहरणं पडुच्छ जह० अंतो० उक्क० देसूणा पुवकोडी, एवंजाव अंतरदीवकाणं॥
__नपुंसए णं भंते ! नपुंसए त्ति कालतो केवच्चिरं होइ ?, गोयमा ! जहन्नेणं एक समयं उक्को० तरुकालो। नेरइयनपुंसएणं भंते!, २ गोयमा! जह० दस वाससहस्साइं उक्को० तेत्तीसं सागरोवमाइं, एवं पुढवीए ठिती भाणियव्वा । तिरिक्खजोणियनपुंसए णं भंते ! ति०?, २ गोयमा! जह० अंतो० उक्को० वणस्पतिकालो, एवं एगिदियनपुंसकस्सणं, वणस्सतिकाइयस्सवि एवमेव, सेसाणं जह० अंतो० उक्को० असंखिज्जं कालं असंखेज्जाओ उस्सप्पिणिओसप्पिणीओ कालतो, खेत्तओ असंखेज्जा लोया।
बेइंदियतेइंदियचउरिंदियनपुंसकाण यजह० अंतो० उक्को० संखेनं कालं । पंचिंदियतिरिक्खजोणियनपुंसए णं भंते ! ?, गोयमा! जह० अंतो० उक्को० पुवकोडिपुहुत्तं ।
एवं जलयरतिरिक्खचउप्पदथलचरउरगपरिसप्पभुयगपरिसप्पमहोरगाणवि । मणुस्सनपुंसकस्स णं भंते ! खेत्तं पडुच्च जह० अंतो० उक्को० पुव्वकोडिपुहुत्तं, धम्मचरं पडुच्च जह० एक समयं उक्को० देसूणा पुव्वकोडी।।
एवं कम्मभूमगभरहेरवयपुव्वविदेहअवरविदेहेसुवि भणियव्वं । अकम्मभूमकमगुस्सनपुंसए णं भंते ! जम्मणं (पडुच्च) जह० अंतो० उक्को० मुहत्तपुहुत्तं, साहरणं पडुच्च जह० अंतो० उक्को० देसूणा पुव्वकोडी । एवं सव्वेसिं जाव अंतरदीवगाणं।
नपुंसकस्स णं भंते ! केवतियं कालं अंतरं होइ ?, गो० जह० अंतो० उक्को० सागरोवमसयपुहुत्तं सातिरेगं । नेरइयनपुंसकस्स णं भंते ! केवतियं कालं अंतर होइ?, जह० अंतो० उक्को० तरुकालो, रयणप्पभापुढवीनेर० जह० अंतो० उक्को० तरुकालो, एवं सव्वेसि जाव अधेसत्तमा।
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |