Page Text
________________
४२६
जीवाजीवाभिगमउपाङ्गसूत्रम् ३/०- १/३२५
बाहिरियाए पंच देवीसयाणि पन्नत्ताइं । सक्क्स णं भंते! देविंदस्स देवरन्नो अब्भितरियाए परिसाए देवाणं केवइयं कालं ठिई पन्नत्ता ? एवं मज्झिमियाए बाहिरियाएवि, गोयमा ! सक्करस देविंदस्स देवरन्नो अब्भितरियाए परिसाए पंच पलिओवमाइं ठिती पन्नत्ता मज्झिमियाए परिसाए चत्तारि पलिओवमाई ठिती, पन्नत्ता बाहिरियाए परिसाए देवाणं तिन्नि पनिओवमाइं ठिती पन्नत्ता,
देवीगंठिती, अब्भितरियाए परिसाए देवीणं तिन्नि पलिओवमाइंठिती पन्नत्ता मज्झमियाए दुन्नि पलिओवमाइं ठिती पन्नत्ता बाहिरियाए परिसाए एगं पलिओवमं ठिती पन्नत्ता, अट्ठो सो चेव जहा भवणवासीणं ।
कहिणं भंते! ईसाणकाणं देवाणं विमाणा पन्नत्ता ? तहेव सव्वं जाव ईसाणे एत्थ देविंदे देव० जाव विहरति । ईसाणस्स णं भंते! देविंदस्स देवरन्नो कति परिसाओ पन्नत्ताओ ?, गोयमा ! तओ परिसाओ पन्नत्ताओ, तंजहा - समिता चंडा जाता, तहेव सव्वं नवरं अभितरियाए परिसाए दस देवसाहस्सीओ पन्नत्ताओ, मज्झिमियाए परिसाए बारस देवसाहस्सीओ, बाहिरियाए चउद्दस देवाहस्सीओ, देवीणं पुच्छा, अब्भितरियाए णव देवीसता पन्नत्ता मज्झिमियाए परिसाए अट्ठ देवीसता पन्नत्ता बाहिरियाए परिसाए सत्त देविसता पन्नत्ता, देवाणं० ठिती पं० ?, अब्भितरियाए परिसाए देवाणं सत्त पलिओवमाइं ठिती पन्नत्ता मज्झिमियाए छ पलिओवमाई बाहिरिया पंच पलिओवमाइं ठिती पन्नत्ता ।
देवीणं पुच्छा, अब्भितरियाए साइरेगाई पंच पलिओवमाइं मज्झिमियाए परिसाए चत्तारि पलि ओवमाइं ठिती पन्नत्ता बाहिरियाए परिसाए तिण्मि पलिओवमाइं ठिती पन्नत्ता, अट्ठो तहेव भाणियव्वो । सणकुमाराणं पुच्छा तहेव ठाणपदगमेणं जाव सणंकुमारस्स तओ परिसाओ समिताई तहेव, नवरं अभितरियाए परिसाए अट्ठ देवसाहस्सीओ पन्नत्ताओ, मज्झिमियाए परिसाए दस देवसाहस्सीओ पन्नत्ताओ, बाहिरियाए परिसाए बारस देवसाहस्सीओ पन्नत्ताओ, अब्भितरियाए परिसाए देवीणं ठिती अद्धपंचमाइं सागरोवमाइं पंच पलिओवमाइं ठिती पन्नत्ता मज्झिमियाए परिसाए अद्धपंचमाई सागरोवमाइं चत्तारि पलि ओवमाइंठिती पन्नत्ता, बाहिरियाए परिसाए अद्धपंचमाइं सागरोवमाइं तिन्नि पलिओवमाइं ठिती पन्नत्ता, अट्ठो सो चेव ।
एवं माहिंदस्सवि तहेव तओ परिसाओ नवरिं अभितरियाए परिसाए छद्देवसाहस्सीओ पन्नत्ताओ, मज्झिमियाए परिसाए अट्ठ देवसाहस्सीओ पन्नत्ताओ, बाहिरियाए दस देवसाहस्सीओ पन्नत्ताओ, ठिती देवाणं अभितरियाए परिसाए अद्धपंचमाई सागरोवमाई सत्त य पलिओ० ठिती पन्नत्ता, मज्झिमियाए परिसाए पंच सागरोवमाइं छच्च पलिओवमाई, बाहिरियाए परिसाए अद्धपंचमाई सागरोवमाइं पंच य पलिओवमाइं ठिती पं० तहेव सव्वेसिं इंदाण ठाणपयगमेणं विमाणाणि वुच्चा ततो पच्छा परिसाओ पत्तेयं २ वुञ्चति ।
बंभस्सवि तओ परिसाओ पन्नत्ताओ अब्भितरियाए चत्तारि देवसाहस्सीओ मज्झिमियाए छ देवसाहस्सीओ बाहिरियाए अट्ठ देवसाहस्सीओ, देवाणं ठिती अभितरियाए परिसाए अद्धनवमाई सागरोवमाइं पंच य पलिओवमाइं मज्झिमियाए परिसाए अद्धनवमाई चत्तारि पलिओवमाई बाहिरियाए अद्धनवमाइं सागरोवमाइं तिन्नि य पलिओवमाइं अट्ठो सो चेव ।
लंतगस्सवि जाव तओ परिसाओ जाव अब्भितरियाए परिसाए दो चेव साहस्सीओ
For Private & Personal Use Only
www.jainelibrary.org
Jain Education International
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |