Page Text
________________
प्रतिपत्तिः १- ३, दीव०
३३९
जंबूदीवे दीवे मंदरस्स पुरत्थिमेणं लवणं समुद्दं बायालीसं जोयणसहस्साइं ओगाहित्ता एत्थ णं गोथूभस्स वेलंधरणागरायस्स गोथूभे नामं आवासपव्वते प० सत्तरसएक्कवीसाइं जोयणसताई उहुं उच्चत्तेणं चत्तारि तीसे जोयणसते कोसंच उव्वेधेणं मूले दसबावीसे जोयणसते आयामविक्खंभेणं मज्झे सत्ततेवीसे जोयमसते उवरिं चत्तारि चउवीसे जोयणसए।
- आयामविक्खंभेणं मूले तिन्नि जोयणसहस्साइं दोन्नि य बत्तीसुत्तरे जोयणसए किंचिविसेसूणे परिक्खेवेणं मज्झे दो जोयणसहस्साइंदोन्निय छलसीते जोयणसते किंचिविसेसाहिए परिक्खेवेणं उवरि एगं जोयणसहस्सं तिन्नि य ईयाले जोयणसते किंचिविसेसूणे परिक्खेवेणं मूले वित्थिन्ने मज्झे संखित्ते उप्पिं तणुए गोपुच्छसंठाणसंठिए सव्वकणगामए अच्छे जाव पडिरूवे
से णं एगाए पउमवरवेदियाए एगेण य वनसंडेणं सव्वतो समंता संपरिक्खित्ते, दोहवि वण्णओ ।। गोथूभस्स णं आवासपव्वतस्स उवरिं बहुसमरमणिज्जे भूमिभागे प० जाव आसयंति तस्स णं बहुसमरमणिजस्स भूमिभागस्स बहुमज्झदेसभाए एत्थ णं एगे महं पासायवडेंसए बावट्टं जोयणद्धं च उड्डुं उच्चत्तेणं तं चेव पमाणं अद्धं आयाम विक्खंभेणं वण्णओ जाव सीहासणं सपरिवारं । से केणट्टेणं भंते! एवं वुच्चइ गोथूभे आवासपव्वए २ ?, गोयमा ! गोथूभेणं आवासपव्वते तत्थ २ देसे तहिं २ बहुओ खुड्डाखुड्डियाओ जाव गोथूभवण्णाई बहूइं उप्पलाई तहेव जाव गोथूभे तत्थ देवे महिड्डीए जाव पलिओवमट्ठितीए परिवसति, से णं तत्थ चउण्हं सामानियसाहस्सीणं जाव गोथूभयस्स आवासपव्वतस्स गोथूभाए रायहाणीए जाव विहरति, से तेणट्टेणं जाव निच्चे रायहाणि पुच्छा गोयमा ! गोथूभस्स आवासपव्वतस्स पुरत्थिमेणं तिरियमसंखेज्जे दीवसमुद्दे वीतिवइत्ता अन्नंमि लवणसमुद्दे तं चैव पमाणं तहेव सव्वं ।
कहि णं भंते! सिवगस्स वेलंधरणागरायस्स दओभासणामे आवास पव्वते पन्नत्ते ?, गोयमा ! जंबुद्दीवे णं दीवे मंदरस्स पव्वयस्स दक्खिणेणं लवणसमुद्दं बायालीसं जोयणसहस्साई ओगाहित्ता एत्थ णं सिवगस्स वेलंधरणागरायस्स दओभासे नामं आवासपव्वते पन्नत्ते ।
तं चेव पमाणं जं गोथुभस्स, नवरि सव्व अंकामए अच्छेजाव पडिरूवे जाव अट्ठो भाणियव्वो, गोयमा ! दओभासे णं आवासपव्वते लवणसमुद्दे अट्ठजोयणियखेत्ते दगं सव्वतो समंता ओभासेति उज्जोवेति तवति पभासेति सिवए इत्थ देवे महिड्डीए जाव रायहाणी से दक्खिणेणं सिविगा दओभासस्स सेसं तं चेव ।
कहि णं भंते! संखस्स वेलंधरणागरायस्स संखे नामं आवासपव्वते प० गो० जंबुद्दीवे णं दीवे मंदरस्स पव्वयस्स पच्चत्थिमेणं बायालीसं जोयणसहस्साइं एत्थ णं संखस्स ० वेलंधर० संखे नामं आवासपव्वते तं चेव पमाणं नवरं सव्वरयणामए अच्छा ।
से णं एगाए पउमवरवेदिवाए एगेण य वनसंडेणं जाव अट्ठो बहूओ खुड्डाखुडिआओ जवा बहूई उप्पलाई संखाभाई संखवण्णाई संखवण्णाभाई संखे एत्थ देवे महिड्डीए जाव रायहाणीए पच्चत्थिमेणं संखस्स आवासपव्वयस्स संखा नाम रायहाणी तं चेव पमाणं ॥
कहि णं भंते ! मनोसिलकस्स वेलंधरणागरायस्स उदगसीमाए नामं आवासपव्वते प० गो० जंबुद्दीवे २ मंदरस्स उत्तरेणं लवणसमुद्दं बायालीसं जोयणसहस्साइं ओगाहित्ता एत्थ णं मनोसिलगस्स वेलंधरणागरायस्स उदगसीमाए नामं आवासपव्वे प० तं चैव पमाणं नवरि सव्वफलिहामए अच्छे जाव अट्ठो, गो० दगसीमंते णं आवासपव्वते सीतासीतोदगाणं महानदीणं
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |