Page Text
________________
जीवाजीवाभिगमउपाङ्गसूत्रम् ३/दीव०/१८५ वा, ग्रहगर्जितानि-ग्रहचारहेतुकानि गर्जितानि, इमानि स्वरूपतोऽपिप्तिषेध्यानि, ग्रहयुद्धानीति वा, ग्रहयुद्धं नाम यदेको ग्रहोऽन्यस्य ग्रहस्य मध्येन याति, ग्रहसङ्घाटका इतिवा, ग्रहसङ्घाटको नाग्रहयुग्मं,ग्रहापसव्यानीतिवाअभ्राणीति वा, अभ्राणि-सामान्याकारेण प्रतीतानि, अभ्रवृक्षा इतिवा, अभ्रवृक्षा-वृक्षाकारपरिणतान्यभ्राणि, सन्ध्या इतिवासन्ध्याकाल नीलाद्यभ्रपरिणतिरूपा प्रतीतैव गन्धर्वनगराणि-सुरसदनप्रासादोपशोभितनगराकारतया तथाविधनभःपरिणतपुद्गलराशरूपाणि, एतान्यपि तत्र स्वरूपतोऽपि न भवन्ति, गर्जितानीति वा विद्युत इति वा, गर्जितानि विद्युतश्चप्रतीताः, उल्कपाता इतिवा, उल्कापाता-व्योम्रिसंमूर्छितज्वलननिपतनरूपाः, दिग्दाह इतिवा, दिग्दाहा-अन्यतरस्यां दिशि छिन्नमूलज्वलनज्वालाकरालिताम्बरप्रतिभासरूपाः, निर्घाता इति वा, निर्घातो-विद्युत्प्रपातः, पांशुवृष्टय इति वा, पांशुवृष्टयो-धूलिवर्षाणि, यूपका इति वा, यूपकाः 'संझाछेयावरणोय' इत्यादिनाऽऽवश्यकग्रन्थेनप्रतिपत्तव्याः, यक्षदीप्तकानीति वा, यक्षदीप्तकानि नामनभसिद्दश्यमानाग्निसहितः पिशाचः, धूमिकेति वा रूक्षाप्रविरला धूमामा धूमिका, महिकेतिवा, स्निग्धा घनाघनत्वादेव भूमौ पतिता सार्द्रतृणादिदर्शनद्वारेणोपलक्ष्यमाणा महिका, रजउद्घाता-रजस्वला दिशः।
चन्द्रोपरागाइतिवा सूर्योपरागा इति वा, चन्द्रोपरागः-चन्द्रग्रहणंसूर्योपरागः-सूर्यग्रहणं, इह गर्जितविधुदुल्कादिग्दाहनिर्घातपांशुवृष्टियूपकयक्षदीप्तकधूमिकामहिकारजउद्घाताः स्वरूपतोऽपि प्रतिषेध्याः, चन्द्रसूर्यग्रहणे त्वनर्थोपनिपातहेतुतया, स्वरूपतस्तयोः प्रतिषेद्धमशक्यत्वात्, जम्बूद्वीपगतौ हि चन्द्रौ सूर्यौ वा तत्प्रकाशयतः, एकस्य चन्द्रस्य ग्रहणे सकलमनुष्यलोकवर्तिनां चन्द्राणामेकस्य सूर्यस्य ग्रहणे सकलमनुष्यलोकवर्तिनां सूर्याणां ग्रहणमत इह क्षेत्र इवतत्रापिस्वरूपतश्चन्द्रसूर्योपरागप्रतिषेधासम्भवः, चन्द्रपरिवेषा इति वा सूर्यपरिवेषा इति वा, चन्द्रसूर्यपरिवेषाश्चन्द्रादित्ययोः परितो वलयाकारपरिणतिरूपाः प्रतीता एव, प्रतिचन्द्रा इत वा प्रतिसूर्या इति वा, प्रतिचन्द्र-उत्पातादिसूचको द्वितीयश्चन्द्रः, एवं द्वितीय- सूर्य प्रतिसूर्य, इन्द्रधनुरिति वा उदकसत्स्य इति वा, इन्द्रधनुः-प्रतीतं, तस्यैव खण्डमुदकमत्स्यः।
कपिहसितानीतिवा, कपिहसितानि-अकस्मानभसिज्वलभीमशब्दरूपाणि, अमोधा इति वा, अमोधाः-सूर्यबिम्बस्याधः कदाचिदुपलभ्यमानशकटोद्धिसंस्थिता श्यामादिरेखा, एते चन्द्रपरिवेषादयः स्वरूपतोऽपि प्रतिषेध्याः, प्राचीनवाता इतिवाअपाचीनवाता इति वा यावत् शुद्धवाता इति वा, यावत्करणाद्दक्षिणवातादिपरिग्रहः, एतेऽसुखहेतवो विकृतरूपाःप्रतिषेध्याः नतुसामान्येन, पूर्वादिवातस्य तत्रापिसम्भवात्, ग्रामदाहाइतिवा नरकदाहा इति यावत्संनिवेशदाहा इति, यावत्करणानिगमदाहखेटदाहादिपरिग्रहः, दाहकृतश्च प्राणक्षय इति वा भूतक्षय इति वा कुलक्षय इति वा, एते स्वरूपतोऽपि प्रतिषेध्याः, तथा चाह भगवान् गौतम! नायमर्थः समर्थः, केषाञ्चिदनहतुतया केषाञ्चित्स्वरूपतश्च तत्र तेषामसम्भवात् ।
'अस्थि णं भंते' इत्यादि, सन्ति भदन्त ! उत्तरकुरुषु कुरुषु डिम्बानीति वा, डिम्बानिस्वेदोशोत्था विप्लवाः, डमराणीति वा, डमराणि-परराजकृताउपद्रवाः, कलहा इतिवा, कलहावागयुद्धानि, बोला इति वा, बोल--आर्तानां बहूनां कलकलपूर्वको मेलापकः, क्षार इति वा, क्षारः-परस्परं मात्सर्यं, वैराणीति वा, वैरं-परस्परमसहनतया हिंस्यहिंसकभावाध्यवसायः,
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |