Page Text
________________
२६०
जीवाजीवाभिगमउपाङ्गसूत्रम् ३/दीव०/१७९ ___ -"विजयदेवः" अधिकार :मू. (१७९) तेणं कालेणंतेणं समएणं विजए देवेविजयाए रायहाणीए उववातसभाए देवसयणिज्जंसि देवदूसंतरित अंगुलस्स असखेजतिभागमेत्तीए बोंदीए विजयदेवत्ताए उववण्णे
तएणं से विजये देवे अहुणोववण्णमेत्तए चेव समाणे पंचविहाए पज्जत्तीए पजत्तीभावं गच्छति, तंजहा-आहारपज्जत्तीए सरीरपज्ज० इंदियप० आणापाणुप० भासामण- पज्जत्तीए।
तए णं तस्स विजयस्स देवस्स पंचविहाए पजत्तीए पज्जत्तीभावं गयस्स इमे एयारवे अज्झथिए चिंतिए पत्थिते मनोगए संकप्पे समुप्पज्जित्था-किं मे पुव्वंसेयं किं मे पच्छा सेयं किं मे पुट्विं करणिज्जं किं मे पच्छा करणिजं किं मे पुट्विं वा पच्छा वा हिताए सुहाए खेमाए नीस्सेसयाते अनुगामियत्तए भविस्सतीतिकट्ठ एवं संपेहेति।
ततेणंतस्स विजयस्सदेवस्स सामानियपरिसोववण्णगादेवा विजयस्स देवस्स इमंएतारूवं अज्झत्थितं चिंतियं पत्थियं मनोगयं संकप्पं समुप्पण्णं जाणित्ताजेणामेव से विजए देवे तेणामेव उवागच्छंति तेणामेव उवाग्छित्ता विजयं देवं करतलपरिग्गहियं सिरसावत्तं मत्थए अंजलिं कट्ट जएणं विजएणं वद्धाति जएणं विजएणं वद्धावेत्ता एवं वयासी
एवं खलु देवाणुप्पियाणं विजयाए रायहाणीए सिद्धायतणंसि अट्ठसतं जिनपडिमाणं जिनुस्सेहपममाणमेत्ताणं संनिखित्तं चिट्ठति सभाएयसुधम्माएमाणवए चेतियखंभे वइरामएसु गोलवट्टसमुग्गतेसु बहूओजिणसकहाओसन्निखित्ताओ चिट्ठतिजाओणंदेवाणुप्पियाणंअन्नेसि च बहूणं विजयरायहाणिवत्थव्वाणं देवाणं देवीण य अञ्चणिज्जाओ वंदणिज्जाओ पूयणिज्जाओ सक्करणिजाओसम्माणणिजाओकल्लाणंमंगलंदेवयंचेतियंपञ्जुवासणिज्जाओ एतण्णं देवाणुप्पियाणं पुबिपि सेयं एतण्णं देवाणुप्पियाणं पच्छावि सेयं एतण्णं देवा० पुट्विं करणिजं पच्छा करणिज्जं एतण्णं० देवा० पुब्बिं वा पच्छा वाजाव आणुगामियत्तातेभविस्सतीतिकट्टमहतामहताजय(जय)सदं पउंजंति । तए णं से विजए देवे तेसिं सामानियपरिसोववण्णगाणं देवाणं अंतिए एयमटुं सोचा निसम्म हट्टतुट्ठ जाव हियते देवसयणिज्जाओ अब्भुट्टेइ २ ता दिव्वं देवदूसजुयलं परिहेइ२ त्ता देवसयणिज्जाओ पचोरुहइ २ हित्ता उपपातसभाओ पुरथिमेणं बारेण निग्गच्छइ २ त्ता जेणेव हरते तेणेव उवागच्छति उवागच्छित्ता हरयं अणुपदाहिणं करेमाणे करेमाणे पुरथिमेणं तोरणेणं अणुप्पविसति २ त्ता पुरथिमिल्लेणं तिसोवाणपडिरूवएणं पञ्चोरुहति २ हरयंओगाहति २ त्ता जलावगाहणं करेति २ त्ता जलमजणं करेति २ त्ता जलकिडं करेति २ ता आयंते चोक्खे परमसूतिभूते हरतातो पचुत्तरति २ ता जेणामेव अभिसेयसभा तेणामेव उवागच्छति २ ता अभिसेयसभं पदाहिणं करेमाणे पुरथिमिल्लेणं बारेणं अणुपविसति २ ताजेणेव सए सीहासणे तेणेव उवागच्छति २ तासीहासणवरगते पुरच्छाभिमुहे सन्निसन्ने।
ततेणंतस्स विजयस्स देवस्स सामानियपरिसोववण्णगा देवा आभिओगिते देवेसद्दावेंति २ त्ता एवं वयासी-खिप्पामेव भो देवाणुप्पिया! विजयस्स देसस् महत्थं महग्धं महरिहं विपुलं इंदाभिसेयं उवट्ठवेह । तते णं ते आभिओगिता देवा सामानियपरिसोववण्णेहिं एव वुत्ता समाणा हट्टतुट्ठ जाव हितया करतलपरिग्गहियं सिरसावत्तं मत्थए अंजलिं कट्ट एवं देवा तहत्ति आणाए विनएणं वयणंपडिसुणंति २ ता उत्तरपुरस्थिमंदिसीभागं अवक्कमंति २ त्तावेउव्वियसमुग्घाएणं
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |