Page Text
________________
२३३
प्रतिपत्तिः -३, दीव० एवं पंतीओ वीहीओ मिहुणगा, दो दो पउमलयाओ जाव पडिरूवाओ तेसिणं तोरणाणं पुरतो (अक्खाअसोवत्थिया सव्वरयणामया अच्छा जाव पडिरूवा) तेसि णं तोरणाणं पुरतो दो दो चंदनकलसा पन्नत्ता, तेणं चंदनकलसावरकमलपइट्ठाणा तहेव सव्वरयणामया जाव पडिरूवा समणाउसो!। तेसिणंतोरणाणंपुरओदो दोभिंगारगाप० वरकमलपइट्टाणाजाव सव्वरयणामया अच्छा जाव पडिरूवा महतार मत्तगयमुहागितिसमाणा प० समणाउसो!।।
तेसि णं तोरणाणं पुरतो दो दो आतंसगा पन्नत्ता, तेसि णं आतंसगाणं अयमेयारवे वण्णावासे पन्नत्ते, तंजहा-तवणिज्जमा पयंठगा वेरुलियमया छरुहा (थंभया) वइरामया वरंगा नानामणिणा वलक्खाअंकमया मंडला अणोघसियनिम्मलासाएछायाए सव्वतो चेव सगणुबद्धा चंदमंडलपडिणिकासा महतामहता अद्धकायसमाणा पन्नत्ता समणाउसो!।
तेसि णं तोरणाणं पुरतो दो दो वइरनाभे थाले पन्नत्ते, ते णं थाला अच्छतिच्छडियसालितंदुलनहसंदट्ठबहुपडिपुण्णा चेव चिट्ठति सव्वजंबूणतामता अच्छाजाव पडिरूवा महतामहता रहचक्कसमाणा समणाउसो!।
तेसिणंतोरणाणं पुरतोदो दो पातीओपन्नत्ताओ, ताओणं पातीओअच्छोदयपडिहत्थाओ नानाविधपंचवण्णस्स फलहरितगस्स बहुपडिपुन्नाओ विव चिट्ठति सव्वरयणामतीओ जाव पडिरुवाओ महयामहया गोकलिंजगचक्कसमाणाओ पन्नताओ समणाउसो!।
तेसिणंतोरणाणंपुरतोदो जो सुपतिट्टगा पन्नता, तेणंसुपतिट्टगा नानाविध(पंचवण्ण)पसाहणगभंडविरचिया सव्वोसधिपडिपुण्णा सव्वरयणामया अच्छा जाव पडिरूवा ॥ तेसिणं तोरणाणं पुरतो दो दो मनोगुलियाओ पन्नत्ताओ।
--तासुणंमनोगुलियासुबहवे सुवण्णरुप्पामया फलगा पन्नत्ता, तेसुणंसुवण्णरुप्पामएसु फलएसु बहवे वइरामया नागदंतगा मुत्ताजालंतरुसिता हेम जाव गयंदगसमाणा पन्नत्ता, तेसु णं वइरामएसु नागदंतएसुबहवेरययामया सिक्कया पन्नत्ता, तेसुणं रययामएसु सिक्कएसुबहवे वायकरगा पण्णत्ता । तेणं वायकरगा किण्हसुत्तसिक्कगवत्थिया जाव सुक्कलसुत्तसिक्कगवत्थिया सब्वे वेरुलियामया अच्छा जाव पडिरूवा।
तेसि णं तोरणाण पुरओ दो दो चित्ता रयणकरंडगा पन्नत्ता, से जहानामए-रन्नो चाउरंतचक्कबट्टिस्स चित्ते रयणकरंडे वेरुलियमणिफालियपडलपच्चोयडे साए पभाए ते पदेसे सव्वतो समंता ओभासइ उज्जोवेति तावेइ पभासेति, एवामेव ते चित्तरयणकरंडगा पन्नत्ता वेरुलियपडलपच्चोयडा साए पभाए ते पदेसे सव्वतो समंता ओभासेति।
तेसिणं तोरणाणंपुरतो दोदो हयकंठगा जावदो दो उसभकंठगा पन्नत्ता सव्वरयणामया अच्छा जाव पडिरूवा ॥ तेसु णं हयकंठएसु जाव उसभकंठएसु दो दो पुप्फचंगेरीओ, एवं मल्लगंधचुण्णवत्थाभरणचंगेरीओसिद्धत्यचंगेरीओ लोमहत्थचंगेरीओसव्वरयणामतीओअच्छाओ जाव पडिरूवाओ।
तेसि णं तोरणाणं पुरतो दो दो पुप्फपडलाइं जाव लोमहत्थपडलाइं सव्वरयणामयाई जाव पडिरूवाइं। तेसिणं तोरणाणं पुरतो दो दो सीहासणाइंपन्नत्ताई, तेसि णं सीहासणाणं अयमेयारूवे वण्णावासे प० तहेव जाव पासातीया ४ ।
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |