Page Text
________________
२०४
जीवाजीवाभिगमउपाङ्गसूत्रम् ३/दीव०/१६४
हालिद्दगुलियाति वा हरियालेति वा हरियालभेएति वा हरियालगुलियाति वा चिउरेति वा चिउरंगरागेति वा वरकणएति वा वरकणगनिघसेति वा सुवण्णसिप्पिएति वा वरपुरिसवसणेति वा सल्लइकुसुमेति वा चंपककुसुमेइवाकुहुंडियाकुसुमेति वा (कोरंटकदामेइवा) तडउडाकुसुमेति वा घोसाडियाकुसुमेति वासुवण्णजूहियाकुसुमेति वा सुहरिचयाकुसुमेइवा[कोरिंटवरमल्लदामेति वा] बीयगकुसुमेति वा पीयासोएति वा पीयकणवीरेति वा पीयबंधुजीएति वा, भवे एयारूवे सिया?, नो इणढे समढे, ते णं हालिद्दा तणा य मणी य एत्तो इट्टयरा चेव जाव वण्णेणं प०
तत्थ णं जे ते सुक्कल्लगा तणा य मणी य तेसि णं अयमेयारूवे वण्णावासे पन्नत्ते, से जहानामए-अंकेति वा संखेति वाचंदेति वा कुंदेति वा कुसुमे(मुए)ति वा दयरएतिवा (दहिघणेइ वा खीरेइ वा खीरपूरेइ वा) हंसावलीति वा कोंचावलीति वा हारावलीति वा बलायावलीति वा चंदावलीति वा सारतियबलाहएतिवाधंतधोयरुप्पपट्टेइ वा सालिपिठ्ठरासीति वा कुंदपुप्फरासीति वा कुमुयरासीति वा सुक्कछिवाडीति वा पेहुणमिजाति वा बिसेति वा मिणालियाति वा गयदंतेति वा लवंगदलेति वा पोंडरीयदलेति वा सिंदुवारमल्लदामेति वा सेतासोएति वा सेयकणवीरेति वा सेयबंधुजीएइ वा, भवे एयारूवे सिया?, नो तिणढे समढे, तेसिणं सुकिल्लाणं तणाणं मणीण य एत्तो इतराए चेव जाव वण्णेणं पन्नत्ते ।
तेसिणंभंते! तणाण यमणीणय केरिसए गंधे पन्नते?, से जहानामए-कोट्टपुडाण वा पत्तपुडाण वा चोयपुडाण वा तगरपुडाण वा एलापुडाण वा [ किरिमेरिपुडाण वा] चंदणपुडाण वा कुंकुमपुडाण वा उसीरपुडाण वा चंपगपुडामवा मरुयगपुडाणवादमणगपुडाण वा जातिपुडाण वा जूहियापुडाण वा मल्लियपुडाण वा नोमालियपुडाण वा वासंतियपुडाण वा केयतिपुडाण वा कपूरपुडाण वा अणुवायंसिउब्भिज्जमाणाणयनिभिज्जमाणाणयकोट्टेजमाणाण वारुविजमाणाण वाउक्किरिज्जमाणाण वा विकिरिजमाणाण वा परिभुजमाणाण वाभंडाओवा भंडंसाहरिजमाणाम ओराला मणुण्णा घाणमणनिब्बुतिकरा सव्वतो समंतागंधा अभिनिस्सवंति, भवेएयारूवेसिया?, नो तिणढे समढे, तेसिणं तणाणं मणीण य एत्तो उइट्टतराए चेव जाव मणामतराए चेव गंधे प० ।तेसिणं भंते ! तणाण य मणीण य केरिसए फासे प० । से जहानामए-आईणेति वा रूएति वा बूरेति वा नवणीतेति वा हंसगब्भतूलीति वा सिरीसकुसुमणिचतेति वा बालकुमुद- पत्तरासीति वा, भवे एतारूवे सिया?, नो तिणढे समढे, तेसिणंतणाण यमणीण य एतो इठ्ठतराए चेवजाव फासेणं पन्नते।
तेसिणंभंते! तणाणं पुव्वावरदाहिणउत्तरागतेहिं वाएहिं मंदायं मंदायं एइयाणं वेइयाणं कंपियाणं खोभियाणं चालियाणं फंदियाणं घट्टियाणं उदीरियाणं केरिसए सद्दे पन्नते?, से जहानामए-सिवियाए वा संदमाणीयाए (वा) रहवरस्स वा सछत्तस्स सज्झयस्स सघंटयस्स सतोरणवरस्स सनंदिघोसस्स सखिंखिणिहेमजालपेरंतपरिखित्तस्स हेमवयखेत्त (चित्तविचित्त) तिणिसकणगनिज्जुत्तदारुयागस्स सुपिणिद्धारकमंडलधुरागस्स कालायससुकयणेमिजंतकम्मस्स आइण्णवरतुरगसुसंपउत्तस्स कुसलणरछेयसारहिसुसंपरिगहितस्स सरसतबत्तीसतोरण(परि)मंडितस्स सकंकडवडिंसगस्स सचावरसरपहरनावरणहरियस्स जोहजुद्धस्स रायंगणंसि वाअंतेपुरंसिवारम्मंसिवामणिकोट्टिमतंसिअभिक्खणं २ अभिघट्टिजमाणस्सवाणियट्टिन्जमाणस्स
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |