Page Text
________________
१३२
जीवाजीवाभिगमउपाङ्गसूत्रम् ३/नै०-२/१०५
अप्पयरा उण्हजोणिया वेदेति,] एवं जाव वालुयप्पभए, पंकप्पभाए पुच्छा, गोयमा ! सीयंपि वेदणं वेदेति, उसिणंपि वेयणं वेयंति, नो सीओसिणवेयणं वेयंति, ते बहुतरगा जे उसिणं वेदणं वेदेति, ते थोवयरगा जे सीतं वेदणं वेइंति।।
धूमप्पभाए पुच्छा, गोयमा! सीतंपि वेदणं वेदेति उसिणंपि वेदणं वेदेति नो सीतो०, ते बहुतरगाजे सीयवेदणं वेदेति ते थोवयरका ज उसिणवेदणं वेदेति । तमाए पुच्छा, गोयमा! सीयं वेदणं वेदेति नो उसिणं (वेदण) वेदेति नो सीतोसिणं वेदणं वेदेति, एवं अहेसत्तमाए नवरं परमसयं ।इमीसेणं भंते ! रयणप्प० प० नेरइया केरिसयं निरयभवं पञ्चणुभवमाणा विहरंति?, गोयमा ! ते णं तत्थ निच्चं भीता निच्चं तसिता निच्चं छुहिया निचं उब्विग्गा निचं उपप्पुआ निच्चं वहिया निच्चं परममसुभमउलमणुबद्धं निरयभवं पञ्चणुभवमाणाविहरंति, एवंजाव अधेसत्तमाए णं पुढवीए पंच अणुत्तरा महतिमहालया महाणरगा पन्नत्ता, तंजहा
काले महाकाले रोरुए महारोरुए अप्पतिट्ठाणे, तत्थ इमे पंच महापुरिसा अनुत्तरेहिं दंडसमादाणेहिं कालमासे कालं किचा अप्पतिट्ठाणे नरए नेरति(य)त्ताए उववन्ना, तंजहा-रामे १, जमदग्गिपुत्ते, दढाउ २, लच्छतिपुत्ते, वसु ३, उवरिचरे, सुभूमे कोरव्वे ४, बंभ ५, दत्ते चुलनिसुते ६, ते णं तत्थ नेरतिया जाया काला कालो० जाव परमकिण्हा वण्णेणं पन्नत्ता, तंजहा-तेणं तत्थ वेदणं वेदेति उज्जलं विउलं जाव दुरहियासं।
उसिण वेदणिज्जेसुणं भंते ! नेरतिएसु नेरतिया केरिसयं उसिणवेदणं पञ्चणुभबमाणा विहरंति? गोयमा! से जहानामए कम्मारदारए सिता तरुणे बलवंजुगवं अप्पायंके थिरग्गहत्थे दढपाणिपादपासपिठंतरोरु [संधाय] परिणए लंधणपवणजवमवग्गणपमद्दणसमत्थेतलजमलजुयलबहुफलिहणिभबाहू धणणिचितवलियवदृखंधे चम्मेढगदुहणमुट्ठियसमाहयणिचितगत्तगत्ते उरस्सबलसमण्णागए छए दक्खे पट्टे कुसले निउणे मेहावी निउणसिप्पोवगए एगं महं अयपिंडं उदगवारसमाणं गहाय तंताविय २ कोट्टित २उभिदिय २चुण्णिय २ जाव एगाहं वा दुयाहं वा तियाहं वा उक्कोसेणं अद्धमासं संहणेज्जा । से णं तं सीतं सीतीभूतं अओमएणं गहाय असब्भावपट्ठवणाए उसिणवेदणिज्जेसु नरएसु पक्खिवेजा, से णं तं उम्मिसियणिमिसियंतरेणं पुनरवि पच्चुद्धरिस्सामित्तिकट्ठ पविरायमेव पासेज्जा पविलीणमेव पासेज्जा पविद्धत्थमेव पासेज्जा नो चेवणं संचाएति अविरायं वा अविलीणं वा अविद्धत्थं वा पुनरवि पच्चुद्धरित्तए।
से जहा वा मत्तमातंगे कुंजरे सहिहायणे पढमसरयकालसमतंसि वा चरमनिदाधकालसमयंसिवाउण्हाभिहए तण्हाभिहए दवग्गिजालाभिहए आउरे सुसिए पिवासिए दुब्बले किलंते एक्कं महं पुक्खरिणिं पासेज्जा चाउकोणं समतीरं अणुपुव्वसुजायवप्पगंभीरसीतलजलं संछण्ण पमत्तभिसमुणालंबहुउप्पलकुमुदणलिणसुभगसोगंधियपुंडरीय सयपत्तसहस्सपत्तकेसरफुल्लोवचियं छप्पयपरिभुज्जमाणकमलं अच्छविमलसलिलपुण्णं परिहत्थभमंतमच्छकच्छभं अणेगसउणगणमिहुणयविरइयसहुन्नइयमहुरसरनाइयं तं पासइ।
तं पासित्ता तं ओगाहइ, ओगाहित्ता से णं तत्थ उण्हपि पविणेजा तिण्हपि पविणेज्जा खुहंपि पविणिज्जा जरंपि पवि० दाहंपि पवि० निदाएज्ज वा पयलाएन वा सतिं वा रतिं वा धिंति वा मतिंवा उवलभेजा, सीएसीयभूए संकसमाण संकसमाणे सायासोत्खबहुले यावि विहरिला,
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |