Agam Suttani Satikam Part 08 Vipakshrut Auppatik Rajprashniya Sutram

SR No.: 003312
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 372
Language: Prakrit, Sanskrit
Classification: Book_Devnagari, Agam, Canon, agam_vipakshrut, agam_aupapatik, & agam_rajprashniya
File Size: 20 MB

Page 61

५८
विपाकश्रुताङ्गसूत्रम् १/१०/३४ तेणं कालेणं तेणं समएणं जेढे जाव अडमाणे जाव विजयमित्तस्स रन्नो गिहस्स असोगवणियाएअदूरसामंतेणं वितिवयमाणेपासति एगंइत्थियंसुक्कं भुक्खंनिम्मसंकिडिकिडीभूयं अद्विचम्मावणद्धं नीलसाडगनियत्थं कट्ठाई कलुणाई विसराई कूवमाणं पासति २ चिंता तहेव जाव एवं वयासी-साणं भंते ! इत्थिया पुव्वभवे के आसि?, वागरणं।
एवं खलु गोयमा! तेणं कालेणं तेणं समएणं इहेव जंबुद्दीवे दीवे भारहे वासे इंदपुरे नाम नगरे होत्था, तत्थणं इंददत्ते राया पुढवीसिरी नामंगणिया होत्था वण्णओ, ततेणंसा पुढवीसिरी गणिया इंदपुरे नगरे बहवे राईसर जावप्पभियओ बहूहिं चुनप्पओगेहि य जाव आभिओगेत्ता उरालाई माणुस्सगाई भोगभोगाइं जमाणा विहरति ।
ततेणंसा पुढवीसिरीगणियाएयकम्मा४सुबहुंसमजिणित्ता पणतीसंवाससयाइंपरमाउयं पालइत्ता कालमासे कालं किच्चा छट्ठीए पुढवीए उक्कोसेणं नरेइयत्ताए उववन्ना, साणं तओ अनंतरं उबट्टित्ता इहेव वद्धमाणपुरे नगरे धनदेवस्स सत्यवाहस्स पियंगुभारियाते कुच्छिंसि दारियत्ताए उववन्ना, तते णं सा पियंगुभारिया नवण्हं मासाणं दारियं पयाया, नामं अंजूसिरी, सेसंजह देवदत्ताए।
तते णं से विजए राया आसवाह० जहा वेसमणदत्ते तहा अंजूं पासइ नवरं अप्पणो अट्ठाए वरेति जहा तेतली जाव अंजूए दारियाते सद्धिं उप्पिं जाव विहरति, तते णं तीसे अंजूते देवीते अन्नया कयावि जोणिसूले पाउब्भूते यावि होत्था, तते णं विजये राया कोडुबियपुरिसे सद्दावेति २ एवं वयासी-गच्छह मंदेवाणुप्पिया! वद्धमाणे पुरे नगरे सिंघाडग जाव एवं वदहएवंखलु देवाणुप्पिया! विजय० अंजूए देवीए जोणिसूले पाउब्भूते जोणं इत्थ विज्जो वा ६ जाव उग्धोसेति । तते णं ते बहवे विजा वा ६ इमं एयारूवं सोचा निसम्म जेणेव विजए राया तेणेव उवागच्छंति र त्ता अंजूते बहवे उप्पत्तियाहिं ४ परिणामेमाणा इच्छंति अंजूते देवीए जोणिसूलं उवसामित्तते, नो संचाएंतिउवसामित्तए, ततेणंते बहवे विज्जा य ६जाहे नो संचाएंति अंजूदेवि० जोणिसूलं उवसामित्तते ताहे संता तंता परितंता जामेव दिसिं पाउब्भूया तामेव दिसिं पडिगा, तते णं सा अंजूदेवी ताए वेयणाए अभिभूता समाणा सुक्कामुक्खा निम्मंसा कट्ठाई कलुणाई विसराइं विलवति, एवं खलु गोयमा! अंजूदेवी पुरापोराणाणं जाव विहरति ।
___ अंजू णं भंते ! देवी इओ कालमासे कालं किच्चा कहिं गच्छिहिति ? कहिं उववञ्जि हिति?, गोयमा ! अंजूणं देवी नउइं वासाइं परमाउयं पालित्ता कालमासे कालं किच्चा इमीसे रयणप्पभाए पुढवीएनेरइयत्ताएउववजिहिइ, एवंसंसारोजहा पढमेतहा नेयव्वंजाव वणस्सति०, साणं ततो अनंतरं उव्वट्टित्ता सव्वतोभद्दे नगरे मयूरत्ताए पञ्चायाहिति, से णं तत्थ साउणिएहिं वधिए समाणे तत्थेव सव्वतोभद्दे नगरे सेडिकुलंसि पुत्तत्ताए पञ्चायाहिति।
सेणं तत्थ उम्मुक्कबालभावे तहारूवाणं थेराणं केवलं बोहिं बुझिहिति पव्वजा सोहम्मे, सेणंताओ देवलोगाओ आउक्खएंकहिंगच्छिहिति? कहिं उववञ्जिहिति?, गोयमा! महाविदेहे जहा पढमेजाव सिन्झिहिइजाव अंतं काहिति। एवंखलुजंबू! समणेणंजावसंपत्तेणंदुहविवागाणं दसमस्स अज्झयणस्स अयमढे पन्नत्ते, सेवं भंते २ ।