________________
श्रुतस्कन्धः-१, अध्ययन-७
तत्थ णं पाडलसंडे नगरे सागरदत्ते सत्यवाहे होत्था अड्डे० गंगदत्ता भारिया।
तस्सणंसागरदत्तस्स पुत्ते गंगदत्ताएभारियाए अत्तए उंबरदत्तेनामंदारएहोत्थाअहीण० जाव पंचिंदियसरीरे, तेणं कालेणं तेणं स० समोसरणं जाव परिसा पडिगया, तेणं कालेणं तेणं सम० भगवंगोयमेतहेवजेणेवपाडलसंडे नगरे तेणेव उवागच्छति पाडलसंडं नगरंपुरथिमिल्लेणं दुवारेणं अणुप्पविसति तत्थणंपासति एगपुरिसंकेच्छुलं कोढियं दोउयरियं भगंदरियं अरिसिल्लं कासिल्लं सोगिल्लं सुयमुहसुयहत्थं सुयपायं सुयहत्यंगुलियं सडियपायंगुलियं सडियकन्ननासियं रसीयाए वा पूईएण यथिविथिवितवणमुहकिमिउत्तयंतपगलंतपूयरुहिरंलालापगलंतकन्ननासं अभिक्खणं २ पूयकवले य रुहिरकवले य किमियकवले य वममाणं कट्ठाई कलुणाई विसराई कुवमाणं मच्छियाचडगरपहकरेणं अन्निजमाणमग्गं फुट्टहडाहडसीसं दंडिखंडवसणं खंडमल्लगखंडधडहत्थगयं गेहे देहबलियाए वित्तिं कप्पेमाणं पासति।
तदा भगवंगोयमंउच्चनीय जावअडतिअहापज्जत्तंगिण्हतिं पाड० पडिनिक्खमतिजेणेव समणे भगवं० भत्तपाणं आलोएतिभत्तपाणंपडिदंसेति समणेणंअब्भणुनाएसमाणेजाव बिलमिव पन्नगभूते (अप्पाणेणं) संजमेणं तवसा अप्पाणं भावेमाणे विहरति । तते णं से भगवं गोयमे दोच्चंपि छट्टक्खमणपारणगंसि पढमाए पोरसीए सज्झाए जाव पाडलिसंडं नगरं दाहिणिल्लेणं दुवारेणं अणुप्पविसतितंचेव पुरिसं पासति कच्छुलं तहेवजाव संजमेणं तवसा विहरति, तते णं से गोयमे तच्च० छट्ट० तहेव जाव पञ्चथिमिल्लेणं दुवारेणं अणुपविसमाणे तंचेव पुरिसं कच्छुल्लं पासति चोत्थछट्ट० उत्तरेणं० इमीसे अज्झथिए समुप्पन्ने अहोणं इमे पुरिसे पुरापोराणाणं जाव एवं वयासी- एवं खलु अहं भंते ! छट्ठस्स पारण० जाव रीयंते जेणेव पाडलसंडे नगरे तेणेव उवागच्छइ २ त्ता पाडलि० पुरच्छिमिल्लेणं दुवारेणं पविटे, तत्थ णं एगं पुरिसं पासामि कच्छुलं जाव कप्पेमाणं तं अहं दोच्चछट्ठपारणगंसि दाहिणिल्लेणं दुवारेणं तच्चछट्टक्खमण० पञ्चत्थिमेणं तहेव तं अहं चोत्थछट्ट० उत्तरदुवारेण अणुप्पविसामितंचेव पुरिसंपासामि कच्छुलं जाव वित्तिं कप्पेमाणे विहरति चिंता मम पुव्वभवपुच्छा वागरेति।।
एवं खलु गोयमा! तेणं कालेणं तेणं सम० इहेव जंबुद्दीवे दीवे भारहे वासे विजयपुरे नाम नगरे होत्था रिद्ध०, तत्थ णं विजयपुरे नगरे कणगरहे नामंराया हो०, तस्सणं कणगरहस्स रन्नो धनंतरी नामं विजेहो०, अटुंगाउव्वेयपाढए, तंजहा-कुमारभिचं १ सालागे २ सल्लकहत्ते ३ कायतिगिच्छा ४ जंगोले ५ भूयविज्जे ६ रसायणे ७ वाजीकरणे ८ सिवहत्थे सुहहत्थे लहुहत्थे, ततेणं से धनंतरी विजे विजयपुरे नगरे कणगरहस्सरन्नो अंतेउरे य अन्नेसि च बहूणं राईसरजाव सत्थवाहाणं अन्नेसिं च बहूणं दुब्बलाण य १ गिलाणाणय २ वाहियाण य रोगियाण यअणाहाण य सणाहाण यसमणाण य माहणाण य भिक्खागाण य करोडियाण य कप्पडियाण य आउराण य अप्पेगतियाणं मच्छमसाइं उवदंसेति अप्पे० कच्छपमसाइ अप्पे० गाहामं अप्पे० मगरमं० अ० सुंभारमं० अप्पे० अयमंसाइं एवं एलारोज्झसुयरमिगससयगोमंसमहिसमंसाई अप्पे० तित्तरमंसाइं अप्पे० वट्ट० कलाव० कपोत० कुक्कड० मयूर०।
__ -अन्नेसिं च बहूणं जलयरथलयरखहयरमादीमं मंसाइं उवदंसेति अप्पणाविय णं से धनंतरीविज्जे तेहिं बहूहिं मच्छमंसेहि य जाव मयूरमंसेहि य अन्नेहि य बहूहिं जलयरथलयर
Jain Education International
For Private & Personal Use Only
www.jainelibrary.org