Page Text
________________
४२
विपाकश्रुताङ्गसूत्रम् १/६/२९
सिलाण य उडाण य मोग्गराण य कनगराण य पुंजा निगरा चिट्ठति ।
तस्स णं दुज्जोहण ० चारग०स्स बहवे तंताण य वरताण य वागरजाण य वालयसुत्तरज्जूण य पुंजा निगरा त चिट्ठति, तस्स णं दुज्जोहण० चारग० स्स बहवे असिपत्ताण य करपत्ताण य खुरपत्ताण य कलंबचीरपत्ताण य पुंजा निगरा चिट्ठति, तस्स णं दुज्जोहण० चारग०स्स बहवे लोहखीलाण य कडगसक्कराण य चम्मपट्टाण य अल्लपल्लाण य पुंजा निगरा चिट्ठति, तस्स णं दुजोहण चारग०स्स बहवे सूतीण य डंभणाण य कोट्टिल्लाण य पुंजा निगरा चिट्ठति, तस्स णं दुजोहण ० चारगस्स बहवे सत्था ण य पिप्पलाण य कुहाडाण य नहच्छेयणाण य दब्भतिणाण य पुंजा निगरा चिट्ठति ।
तते णं से दुज्जोहणे चारगपाले सीहरथस्स रन्नो बहवे चोरे य पारदारिए य गंठिभेदे य रायावकारी य अणधारए य बालघातए य विसंभघातेय जुतिकरे य खंडपट्टे य पुरिसेहिं गिण्हावेति २ त्ता उत्ताण पाडिति लोहदंडेणं मुहं विहाडेइ अप्पेगतिए तत्ततंबं पज्जेति अप्पेगतिया तउयं पज्जेति अप्पेगतिए सीसगं प० अप्पगे० कल० २ अप्पे० खारतेल्लं अप्पेगइयाणं तेणं चेव अभिसेयगं करेति, अप्पे० उत्ताणए पाडेति आसमु० पज्जेति अप्पे० हत्थिमुत्तं पज्जेति जाव एलमुत्तं पज्जेति, अप्पेगतिए हेट्ठामुहे पाडेति ।
छडछडस्स वम्मावेति, अप्पेग० तेणं चेव उवीलं दलयति अप्पे० हत्थंडुयाइं बंधावेति अप्पे० पायंदुडियं बंधावेति अप्पे० हडिबंधणं करेति अप्पे० नियडबंधणं करेति अप्पे० संकोडियमोडिययं करेति अप्पेग० संकलबंधणं करेति अप्पेग० हत्थछिन्नए करेति जाव सत्थोवाडियं करेति अप्पेग० वेणुलयाहि य जाव वायरासीहि य हणावेति अप्पेग० उत्ताणए कारवेति उरे सिलं दलावेति तओ लउलं छुभावेइ २ पुरिसेहिं उककंपावेति अप्पेग० तंतीहि य जाव सुत्तरज्जूहि य हत्थेसु पाएसु य बंधावेति अगडंसि ओचूलयालगं पज्जेति अप्पेग० असिपत्तेहि य जाव कलंबचीरपत्ते हि य पच्छावेति खारतेल्लेणं अब्भिंगावेति अप्पे० निलाडेसु य अवदूसु य कोप्परेसु य जाणुसु य खलुए अलोहकीलए य कडसक्कराओ य दवावेति अलए भंजावेति अप्पेग० सुतीओ य दंभणाणि य हत्थंगुलियासु य पायंगुलियासु य कोट्टिल्लएहिं आउडावेति २ भूमिं कंडूयाबेति अप्पेग० सत्थेहि य जाव नहच्छेदणेहि य अंगं पच्छावेइ दब्भेहिय कुसेहि य उल्लवद्धेहि य वेढावेति आयवंसि दलयंति सुक्के समाणे चडचडस्स उप्पार्डेति ।
तते णं से दुज्जोहणे चारगपालए एयकम्मे सुबहुं पावकम्मं समज्जिणित्ता एगतीसं वाससयाइं परमाउयं पालइत्ता कालमासे कालं किच्चा छट्टीए पुढवीए उक्कोसेणं बावीससागरोवमठितीएसु नेरइत्ताए उववन्ने ।
वृ. 'चित्तं बहुविहं' ति आश्रर्यभूतं बहुप्रकारं चेत्यर्थ 'अलंकारियकम्मं 'ति क्षुरकर्म्म 'सव्वट्ठाणेसु' त्ति शय्यास्थानभोजनस्थानमन्त्रस्थानादिषु आयस्थानेषु वा शुल्कादिषु 'सव्वभूमियासु' त्ति प्रासादभूमिकासु सप्तमभूमिकावसानासु पदेषु वा - अमात्यादिषु । 'दिन्नवियारे' त्ति राज्ञाऽनुज्ञानसंचरणः अनुज्ञातविचारणो वा । कलकलभरिएहिं ति कलकलायत इति कलकलं-चूर्णादिभिश्रजलं ततैः, तप्तं अयोमयमित्यादि विशेषणम् । 'हारं पिणद्धंति' त्ति परिधापयन्ति, किं कृत्वा इत्याह- अयोमयं संदंशकं गृहीत्वेति, तत्र हारः अष्टादशसरिकः । ' अड्ढहारं 'ति नवसरिकः,
For Private & Personal Use Only
www.jainelibrary.org
Jain Education International
| SR No. | 003312 |
| Book Title | Agam Suttani Satikam Part 08 Vipakshrut Auppatik Rajprashniya Sutram |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 372 |
| Language | Prakrit, Sanskrit |
| Classification | Book_Devnagari, Agam, Canon, agam_vipakshrut, agam_aupapatik, & agam_rajprashniya |
| File Size | 20 MB |