Page Text
________________
अध्ययनं ३
श्रुतस्कन्धः - १,
३३
भिउडिं निलाडे साहडु दंडं सद्दावेति २ त्ता एवं वयासी - गच्छह णं तुमं देवाणुप्पिया ! सालाडविं चोरपल्लिं विलुंपाहि २ अभग्गसेनं चोरसेनावइं जीवग्गाहं गेण्हाहि २ ममं उवणेहि,
तते णं से दंडे तहत्ति एयमहं पडिसुणेति, तते णं से दंडे बहूहिं पुरिसेहिं सन्नद्धबद्ध जाव पहरणेहिं सद्धिं संपरिवुडे मग्गइतेहिं फलएहिं जाव छिप्पतूरेणं वज्रमाणेणं महया जाव उक्किट्ठि जाव करेमाणे पुरिमतालं नगरं मज्झंमज्झेणं निग्गच्छति २ त्ता जेणेव सालाडवीए चोरपल्लीए तेणेव पहारेत्थ गमणाते.
तते णं तस्स अभग्गसेनस्स चोरसेनावतियस्स चारपुरिसा इमीसे कहाए लद्धट्ठा समाणा जेणेव सालाडवी चोरपल्ली जेणेव अभग्गसेने चोरसेनावई तेणेव उवागच्छंति २ त्ता करयल जाव एवं वयासी एवं खलु देवाणुप्पिया ! पुरिमतले नगरे महब्बलेनं रन्ना महाभडचडगरेणं डंडे आणत्ते-गच्छह णं तुमे देवाणुप्पिया ! सालाडविं चोरपल्लिं विलुंपाहि अभग्गसेनं चोरसेनावतिं जीवगाहं गेहाहि २ त्ता मम उवणेहि,
तणं से दंडे महया भडचडगरेणं जेणेव सालाडवी चोरपल्ली तेणेव पहारेत्थ गमणाए, तते णं से अभग्गसेने चोरसेनावई तेसिं चारपुरिसाणं अंतिए एयमट्ठे सोच्चा निसम्म पंच चोरसताई सद्दावेति सद्दावेत्ता एवं वयासी- एवं खलु देवाणुप्पिया ! पुरिमताले नगरे महब्बले जाव तेणेव पहारेत्थ गमणाए आगते, तते णं से अभग्गसेने ताइं पंच चोरसताइं एवं वयासी-तं सेयं खलु देवाणुप्पिया ! अम्हं तं दंडं सालाडविं चोरपल्लिं असंपत्ते अंतरा चेव पडिसेहित्ताए,
तए णं ताइं पंच चोरसताई अभग्गसेनस्स चोरसेनावइस्स तहत्ति जाव पडिसुर्णेति, तते णं से अभग्गसेने चोरसेनावई विपुलं असनं पानं खाइमं साइमं उवक्खडावेति २ त्ता पंचहिं चोरसएहिं सद्धिं पहाते जाव पायच्छित्ते भोयणमंडवंसि तं विपुलं असनं ४ सुरं च ६ आसाएमाणा ४ विहरति, जियमियभुत्तुत्तरागतेवि अ णं समाणे आयंते चोक्खे परमसुइभूए पंचहिं चोरसएहिं सद्धिं अल्लं चम्म दुरूहति अल्लं चम्मं दुरूहइत्ता सन्नद्धबद्ध जाव पहरणेहिं मग्गइएहिं जाव रखेणं पुव्वावरण्हकालसमयंसि सालाडवीओ चोरपल्लीओ निग्गच्छइ चोरपल्लीओ निगच्छइत्ता विसमदुग्गगहणं ठिते गंहियभत्तपाणे तं दंडं पडिवालेमाणे चिट्ठति,
तणं से दंडे जेणेव अभग्गसेने चोरसेनावई तेणेव उवागच्छति तेणेव उवागच्छित्ता अभग्गसेनेणं चोरसेणावतिणा सद्धिं संपलग्गे यावि होत्था, तते णं से अभग्गसेने चोरसेनावई तं दंडं खिप्पामेव हयमहिय जाव पडिसेहिए, तते गं से दंडे अभग्गसेनेण चोरसेनावइणा हय जाव पडिसेहिए समाणे अथामे अबले अवीरिए अपुरिसक्कारपरक्कमे अधारणिज्जमितिकट्टु जेणेव पुरिमताले नगरे जेणेव महब्बले राया तेणेव उवागच्छति २ करयल० एवं वयासी
एवं खलु सामी ! अभग्गसने चोरसेणनावई विसमदुग्गगहणं ठिते गहितभत्तपाणीते नो खलु से सक्का केणति सुबहुएणावि आसबलेण वा हत्थिबलेण वा जोहबलेण वा रहबलेण वा चाउरिंगिणिंपि० उरंउरेणं गिण्हित्तए ताहे सामेण य भेदेण य उवप्पदाणेण य विसंभमाणे उपयते यावि होत्था, जेवि य से अब्भितरगा सीसगभमा मित्तनातिनियगसयणसंबंधिपरियणं च विपुलधणकणगरयणसंतसारसावइज्जेणं भिंदति अभग्गसेनस्स य चोरसेनावइस्स अभिक्खणं
8 3
Jain Education International
For Private & Personal Use Only
www.jainelibrary.org
| SR No. | 003312 |
| Book Title | Agam Suttani Satikam Part 08 Vipakshrut Auppatik Rajprashniya Sutram |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 372 |
| Language | Prakrit, Sanskrit |
| Classification | Book_Devnagari, Agam, Canon, agam_vipakshrut, agam_aupapatik, & agam_rajprashniya |
| File Size | 20 MB |