________________
मूलं- ५१
१७५
कालमासे कालं किच्चा उक्कोसेणं लंतए कप्पे देवकिब्बिसिएसु देवकिब्बिसियत्ताए उववत्तारी भवंति, तहिं तेसिं गती तेरससागरोवमाइं ठिती अनाराहगा सेसं तं चेव १५ ।
से जे इमे सन्निपंचिंदियतिरिक्खजोणिया पजत्तया भवंति, तंजहा- जलयरा खहयरा थलयरा, तेसिंणं अत्थेगइयाणं सुभेणं परिणामेणं पसत्थेहिं अज्झवसाणेहिं लेसाहिं विसुज्झमाणाहिं तयावरणिज्जाणं कम्माणं खओवसमेणं ईहावूहमग्गणगवेसणं करेमाणाणं सन्नीपुव्वजाईसरणे समुप्पज्जइ ।
तए णं ते समुप्पन्नजाइसरा समाणा सयमेव पंचाणुव्वयाइं पडिवज्ज्रंति पडिवजित्ता बहूहिं सीलव्वयगुणवेरमणपच्चक्खाणपोसहोववासेहिं अप्पाणं भावेमाणा बहूइं वासाइं आउयं पालेति पालित्ता भत्तं पञ्च्चक्खंति हूई भत्ताइं अणसणाए छेयंति २ त्ता आलोइयपडिक्कंता समाहिपत्ता कालमासे कालं किच्चा उक्कोसेणं सहस्सारे कप्पे देवत्ताए उववत्तारो भवंति, तहिं तेसिं गती अट्ठारस सागरोवमाइंठिती पन्नत्ता, परलोगस्स आराहगा, सेसं तं चेव १६ ।
से जे इमे गामागर जाव संनिवेसेसु आजीविका भवंति, तंजहा- दुघरंतरिया तिघरंतरिया सत्तघरंतरिया उप्पलबेटिया घरसमुदानिया विज्जुअंतरिया उट्टियासमणा, तेणं एयारूवेणं विहारेणं विहरमाणा बहूइं वासाइं परियायंपाउणित्ता कालमासे कालं किच्चा उक्कोसेणं अच्चुए कप्पे देवत्ताए उववत्तारो भवंति, तहिं तेसिं गती बावीसं सागरोवमाइं ठिती, अनाराहगा, सेसं तं चेव १७ ।
से जे इमे गामागर जाव सण्विसेसु पव्वइया समणा भवंति, तंजहा - अत्तुक्कोसिया परपरिवाइया इकम्मिया भुजो २ कोउयकारका, ते णं एयारूवेणं विहारेणं विहरमाणा बहूइं . वासाइं सामण्णपरियागं पाउणंति पाउणित्ता तस्स ठाणस्स अणालोइय अपडिक्कंता कालमासे कालं किच्चा उक्कोसेणं अच्छुए कप्पे आभिओगिएसु देवेसु देवत्ताए उववत्तारो भवंति, तहिं तेसिं गई बावीसं सागरोवमाई ठिई परलोगस्स अणाराहगा, सेसं तं चैव १८ ।
से जे इमे गामागर जाव सन्नि वेसेसु निन्हगा भवंति, तंजहा बहुरया ? जीवपएसिया २ अव्वत्तिया ३ सामुच्छेइया ४ दोकिरिया ५ तेरासिया ६ अबद्धिया ७ इच्चेते सत्त पवयणनिन्हगा केवल चरियालिंगसामण्णा मिच्छद्दिष्ट्ठी बहूहिं असब्भावुब्भावणाहिं मिच्छत्ताभिनिवेसेहि य अप्पाणं च परं च तदुभयं च वुग्गाहेमाणा वुप्पाएमाणा विहरित्ता बहूइं वासाइं सामण्णपरियागं पाउणंति २ कालमासे कालं किच्चा उक्कोसेणं उवरिमेसु गेवेज्जेसु देवत्ताए उववत्तारो भवंति, तहिं तेसिंगती एक्कत्तीस सागरोवमाइं ठिती, परलोगस्स अनाराहगा, सेसं तं चेव १९ ।
से जे इमे गामागर जाव सन्नि वेसेसु मणुया भवंति, तंजहा- अप्पारंभा अप्पपरिग्गहा धम्मिया धम्माणुया धम्मिट्ठा धम्मखाई धम्मप्पलोइया धम्मपलज्जणा धम्मसमुदायारा धम्मेणं चेव वित्तिं कप्पेमाणा सुसीला सुव्वया सुप्पडियानंदा साहूबहिं एकच्चाओ पाणाइवायाओ पडिविरया जावज्जीवाए एकच्चाओ अपडिविरया एवं जाव परिग्गहाओ
एकच्चाओ कोहाओ माणाओ मायाओ लोहाओ पेज्जाओ कलहाओ अब्भक्खाणाओ पेसुन्नाओ पर परिवायाओ अरतिरतीओ मायामोसा ओमिच्छादंसणसल्लाओ पडिविरया जावज्जीवाए एकचाओ अपडिविरया, एकच्चाओ आरंभसमारंभाओ पडिविरया जावज्जीवाए एकच्चाओ अपडिविरया, एकच्चाओ करणकारावणाओ पडिविरया जावज्जीवाए एकच्चाओ अपडिविरया एगच्चाओ पयणपयावणाओ पडिविरया जावज्जीवाए एकच्चाओ पयणपयावणाऔ अपडिविरया,
Jain Education International
For Private & Personal Use Only
www.jainelibrary.org