Page Text
________________
भगवतीअङ्गसूत्रं (२) १२/-/३/५३७ मू. (५३७) रायगिहे जाव एवं वयासी-कइणं भंते! पुढवीओ पन्नत्ताओ?, गोयमा ! सत्त पुढवीओ पन्नत्ताओ, तंजहा-पढमा दोचा जाव सत्तमा।
पढमा णं भंते ! पुढवी किंनामा किंगोत्ता पन्नत्ता?, गोयमा ! धम्मा नामेणं रयणप्पभा गोत्तेणंएवंजहा जीवाभिगमे पढमोनेरइयउद्देसओसोचेवनिरवसेसोभाणियव्वोजावअप्पाबहुगंति सेवं भंते ! सेवं भंतेत्ति।
वृ. 'रायगिहे' इत्यादि, 'किंनामा किंगोय'त्ति त्र नाम यादृच्छिकमभिधानं गोत्रं च-अन्वर्थिःकमिति एवं जहा जीवाभिगमे इत्यादिना यत्सूचितं तदिदं-'दोच्चा णं भंते! पुढवी किंनामा किंगोया पन्नत्ता?, गोयमा ! वंसा नामेणं सक्क रप्पभा गोत्तेण'मित्यादीति।
____शतकं-१२ उद्देशकः-३ समाप्तः
-शतकं-१२ उद्देशकः-४:वृ.अनन्तरं पृथिव्य उक्तास्ताश्च पुद्गलात्मिका इति पुद्गलांश्चिन्तयंश्चतुर्ताद्देशकमाह, तस्य चेमादिसूत्रम्
मू. (५३८) रायगिहे जाव एवं वयासी-दो भंते ! परमाणुपोग्गला एगयओ साहन्नंति एगयओ साहण्णित्ता किं भवति ?, गोयमा ! दुप्पएसिए खंधे भवइ, से भिज्जमाणे दुहा कजइ एगयओ परमाणुपोग्गले एगयओ परमाणुपोग्गले भवइ ।
तिन्नि भंते ! परमाणुपोग्गला एगयओ साहनंति २ किं भवति?, गोयमा ! तिपएसिए खंधे भवति, से भिन्जमाणे दुहावितिहावि कज्जइ, दुहाकजमाणे एगयओपरमाणुपोग्गले एगयओ दुपएसिए खंधे भवइ, तिहा कज्जमाणे तिन्नि परमाणुपोग्गला भवंति।
चत्तारि भंते ! परमाणुपोग्गला एगयओ साहन्नंति जाव पुच्छा, गोयमा ! चउपएसिए खंधे भवइ, सेभिज्जमाणे दुहावितिहाविचउहाविकज्जइ, दुहा कज्जमाणे एगयओ परमाणुपोग्गले एगयओ तिपएसिए खंधे भवइ, अहवा दो दुपएसिया खंधा भवति, तिहा कज्जमाणे एगयओ दो परमाणुपोग्गलाएगयओ दुप्पएसिए खंधे भवइ, चउहा कज्जमाणे चत्तारि परमाणुपोग्गलाभवंति
पंचभंते! परमाणुपोग्गलापुच्छा, गोयमा! पंचपएसिएखंधेभवइ, से भिजमाणे दुहावि तिहाविचउहाविपंचहावि कजइ, दुहा कज्जमाणे एगयओ परमाणुपोग्गले एगयओ चउपएसिए खंधेभवइ अहवा एगयओ दुपएसिए कंधे भवति एगयओ तिपएसिएखंधे भवइ, तिहा कज्जमाणे एगयओ दो परमाणुपोग्गला एगयओ तिप्पएसि एखंधे भवति अहवा एगयओ परमाणुपोग्गले एगयओ दो दुपएसिया खंधा भवंति, चउहा कञ्जमाणे एगयओ तिन्नि परमाणुपोग्गला एगयओ दुप्पएसिए खंधे भवति, पंचहा कज्जमाणे पंच परमाणुपोग्गला भवंति ।
छन्भंते ! परमाणुपोग्गला पुच्छा, गोयमा! छप्पएसिए खंधे भवइ, से भिन्जमाणे दुहावि तिहावि जाव छव्विहावि कज्जइ, दुहा कज्जमाणे एगयओ परमाणुपोग्गले एगयओ पंचपएसिए खंधेभवइ अहवाएगयओदुप्पएसिएखंधे एगयओ चउपएसिएखंधेभवइअहवादोतिपएसिया खंधा भवइ, तिहा कञ्जमाणे एगयओ दो परमाणुपोग्गला एगयओ चउपएसिए खंधे भवइ अहवा एगयओ परमाणुपोग्गले एगयओदुपएसिए खंधे एगयओ तिपएसिए खंधे भवइ अहवा तिन्निदुपएसियाखंधाभवन्तिचउहा कज्जमाणे एगयओ तिन्नि परमाणुपोग्गला एगयओतिपएसिए
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |