Page Text
________________
भगवती अङ्गसूत्रं (२) १२/-/२/५३५
५६
तहेव सव्वं जाव पज्जुवासए ।
तए णं सा जयंती समणोवासिया इमीसे कहाए लद्धट्ठा समाणी हट्ठतुट्ठा जेणेव मियावती देवी तेणेव उवा० २ मियावतीं देवीं एवं वयासी एवं जहा नवमसए उसभदत्तो जाव भविस्सइ तए णं सा मियावती देवी जयंतीए समणोवासियाए जहा देवानंदा जाव पडिसुणेति । तणं सामियावती देवी कोडुंबियपुरेस सद्दावेइ को ० २ एवं वयासी - खिप्पामेव भो देवाणुप्पिया लहुकरणजुत्तजोइयजाव धम्मियं जाणप्पवरं जुत्तामेव उवट्ठवेह जाव उवट्ठवेति जाव पञ्चप्पिणंति
तए णं सा मियावती देवी जयंतीए समणोवासियाए सद्धिं व्हाया कयबलिकम्मा जाव सरीरा बहूहिं खुजाहिं जाव अंतेउराओ निग्गच्छति अं० २ जेणेव बाहिरिया उवट्ठाणसाला जेणेव धम्मिए जाणप्पवेर तेणेव उ० २ जाव रूढा । तए णंसा मियावती देवी जयंतीए समणोवासियाए सद्धिं धम्मियं जाणप्पवरं दुरूढा समाणी नियगपरियालगा जहा उसभदत्तो जाव धम्मियाओ जाणप्पवराओ पच्चोरुहि ।
तए णं सा मियावती देवी जयंतीए समणोवासियाए सद्धिं बहूहिं खुज्जाहिं जहा देवानंदा जाव वं० नमं० उदायणं रायं पुरओ कट्टु ठितिया चेव जाव पज्जुवासइ ।
तणं समणे भगवं महा० उदायणस्स रन्नो मियावईए देवीए जयंतीए समणोवासियाए ती य महतिमहा० जाव धम्मं० परिसा पडिगया उदायणे पडिगए मियावती देवीवि पडिगया मू. (५३६) तए णं सा जयंती समणोवासिया समणस्स भगवओ महावीरस्स अंतियं धम्मं सोचा निसम्म हट्ठा समणं भ० महावीरं वं० नं० २ एवं वयासी - कहिन्नं भंते ! जीवा गरु- यत्तं हव्वमागच्छन्ति ?, जयंती ! पाणाइवाएणं जाव मिच्छादंसणसल्लेणं, एवं खलु जीवा गरुयत्तं हव्वं ० एवं जहा पढमसए जाव वीयीवयंति । भवसिद्धियत्तणं भंते! जीवाणं किं सभावओ परिणाम ओ?, जयंती ! सभावओ नो परिणामओ। सव्वेविणं भंते! भवसिद्धिया जवा सिज्झिस्संति हंता ! जयंती ! सव्वेवि णं भवसिद्धिया जीवा सिज्झिस्संति ।
जइ भंते! सव्वे भवसिद्धिया जीवा सिज्झिस्संति तम्हा णं भवसिद्धियविरहिए लोए भविस्सइ ?, नो तिणट्टे समट्टे, से केण खाइएणं अट्ठेणं भंते! एवं वृच्चइ सव्वेवि णं भवसिद्धिया जीवा सिज्झिस्संति नो चेव णं भवसिद्धियविरहिए लोए भविस्सइ ?, जयंती ! से जहानामए सव्वागाससेढी सिया अनादीया अनवदग्गा परित्ता परिवुडा सा णं परमाणुपोग्गलमेत्तेहिं खंडेहिं समये २ अवहीरमाणी २ अनंताहिं ओसप्पिणीअवसप्पिणीहिं अवहीरंति नो चेव णं अवहिया सिया, से तेणद्वेणं जयंती ! एवं बुच्चइ सव्वेवि णं भवसिद्धिया जीवा सिज्झिस्संति नो चेव णं भवसिद्धिअविरहिए लोए भविस्सइ ।
सुत्तत्तं भंते! साहू जागरियत्तं साहू ?, जयंती ! अत्थेगइयाणं जीवाणं सुत्तत्तं साहू अत्थेगतियाणं जीवाणं जागरियत्तं साहू, से केणद्वेणं भंते! एवं वुच्चइ अत्थेगइयाणं जाव साहू ?, जयंती जे इमे जीवा अहम्मिया अहम्माणुया अहम्मिट्ठा अहम्मक्खाई अहम्मपलोई अहम्मपलज्जमाणा अहम्मसमुदायारा अहम्मेणं चेव वित्तिं कप्पेमाणा विहरंति एएसि णं जीवाणं सुत्तत्तं साहू, एएणं जीवा सुत्ता समाणा नो बहूणं पाणभूयजीवसत्ताणं दुक्खणयाए सोयणयाए जाव परियावणयाए वर्हति । एए णं जीवा सुत्ता समाणा अप्पाणं वा परं वा तदुभयं वा नो बहूहिं अहम्मियाहिं संजोयणाहिं
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |