Page Text
________________
४१
शतकं-११, वर्गः-, उद्देशकः-११ दिढे । तएणं से बले राया सुविणलक्खणपाढगाणं अंतिए एयमट्ट सोच्चा निसम्म हट्टतुट्ठ करयल जाव कट्ट ते सुविणलक्खणपाढगे एवं वयासी-एवमेयं देवाणुप्पिया ! जाव से जहेयं तुझे वदहत्तिकट्ठ तं सुविणं सम्मं पडिच्छितं० ता सुविणलक्खणपाढए विउलेणं असणपाणखाइमसाइमपुप्फवस्थगंधमल्लालंकारेणं सक्कारेति संमाणेति सक्करित्ता संमाणेत्ता विउलं जीवियारिहं पीइदाणंदलयति २ विपुलं२ पडिवसजेतिपडिविसज्जेत्ता सीहासणाओअब्भुट्टेइ सी० अब्भुढेत्ता जेणेव पभावती देवी तेणेव उवागच्छइ तेणेव उवागच्छित्ता पभावती देवीं ताहिं इट्ठाहिं कंताहिं जाव संलवमाणे संलवमाणे एवं वयासी।
एवं खलु देवाणुप्पिया ! सुविणसत्थंसिबायालीसं सुविणा तीसं महासुविणा बावत्तरि सव्वसुविणा दिट्ठा, तत्थ णं देवाणुप्पिए ! तित्थगरमायरो वा चक्कवट्टिमायरो वा तं चेव जाव अन्नयरंएगंमहासुविणं पासित्ताणंपडिबुझंति, इमे यणंतुमे देवाणुप्पिए! एगे महासुविणे दिढे तं ओराले तुमे देवी! सुविणे दिढे जाव रज्जवई राया भविस्सइ अनगारे वाभावियप्पा, तंओराले णं तुमे देवी ! सुविणे दिढे जाव दिखेत्तिकट्ठ पभावतिं देविं ताहिं इट्ठाहिं कंताहिं जाव दोचंपि तचंपि अणुबूहइ । तए णं सा पभावती देवी बलस्स रन्नो अंतियं एयमढं सोचा निसम्म हट्टतुट्टकरयलजाव एवं वयासी एयमेयं देवाणुप्पिया! जावतंसुविणं सम्मं पडिच्छति तं सुविणं सम्म पडिच्छित्ता बलेणं रन्ना अब्भणुन्नाय समाणी नानामणिरयणभत्तिचित्त जाव अब्भुढेति अतुरियमचलजावगतीएजेणेव सए भवणे तेणेव उवागच्छइ त्ता (२) सयं भवणमणुपविट्ठा।
तए णं सा पभावती देवी व्हाया कयबलिकम्मा जाव सव्वालंकारविभूसिया तं गब्भं नाइसीएहिं नाइउण्हेहिं नाइतित्तेहिं नाइकडुएहिंनाइकसाएहिं नाइअंबिलेहिं नाइमहुरेहिं उउभयमाणसुहेहिं भोयणच्छायणगंधमल्लेहिं जंतस्स गब्भस्स हियं मितं पत्थं गब्भपोसणं तंदेसे य काले य आहारमाहारेमाणी विवित्तमउएहिं सयमासणेहिं पइरिकसुहाए मनानुकूलाए विहारभूमीए पसत्थदोहला संपुन्नदोहला सम्माणियदोहला अवमाणियदोहला वोच्छिन्नदोहला ववणीयदोहला ववगयरोगमोह भयपरित्तासा तं गब्भं सुहंसुहेणं परिवहति । तए णं सा पभावती देवी नवण्हं मासाणं बहुपडिपुन्नाणं अद्धट्ठमाण राइंदियाणं वीतिकंताणं सुकुमालपाणिपायं अहीणपडिपुन्नपंचिंदियसरीरं लक्खणवंजणगुणोववेयंजावससिसोमाकारं कंतं पियदंसणं सुरूवंदारयं पयाया
तए णं तीसे पभावतीए देवीए अंगपडियारियाओ पभावतिं देविं पसूयं जाणेत्ता जेणेव बले राया तेणेव उवागच्छन्ति तेणेव उवागच्छित्ता करयल जाव बलंरायंजयेणं विजएणंवद्धावेंति जएणं विजएणंवद्धावेत्ता एवंवयासी-एवं खलु देवाणुप्पिया! पभावती पियट्ठयाए पियंनिवेदेमो पियं भे भवउ । तएणं से बले राया अंगपडियारियाणं अंतियं एयमढे सोच्चा निसम्म हट्टतुट्ट जाव धाराहयणीव जावरोमकूवे तासिं अंगपडियारियाणं मउडवजं जहामालियं ओमोयं दलयति २ सेतंरययामयं विमलसलिलपुत्रंभिंगारंच गिण्हइ गिण्हित्ता मत्थए धोवइ मत्थए धोवित्ता विउलं जीवियारिहं पीइदाणं दलयति पीइदाणं दलयित्ता सक्कारेति सम्माणेति ॥
वृ. 'जीवियारिहंति जीविकोचितम् ।
'उउभुयमाणसुहेहिं तिऋतौर भज्यमानानि यानि सुखानि-सुखहेतवः शुभानि वा तानि तथा तैः 'हिय'ति तमेव गर्भमपेक्ष्य 'मियंति परिमितं-नाधिकमूनं वा 'पत्थं ति सामान्येन
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |