Page Text
________________
भगवती अङ्गसूत्रं (२) २४/-/१८/८५४
प्रथमादिगचतुष्कसंवेधस्तु भवादेशोनोत्कर्षतः सङ्ख्यातभवग्रहणरूपः कालादेशेन तु सङ्घयातकालरूप इति ।
३४८
शतकं - २४ उद्देशकः - १८ समाप्तः
-: शतकं - २४ उद्देशकः १९ :
मू. (८५५) चउरिंदिया णं भंते ! कओहिंतो उवव० जहा तेइंदियाणं उद्देसओ तहेव चउरिंदियाणवि नवरं ठितिं संवेहं च जाणेज्जा । सेवं भंते! सेवं भंतेत्ति ।।
वृ. एकोनविंशे न लेख्यमस्ति । विंशतितमे तु लिख्यतेशतकं - २४ उद्देशकः-१९ समाप्तः
-: शतकं - २४ उद्देशकः २०:
मू. (८५६) पंचिंदियतिक्खजोणिया णं भंते ! कओहिंतो उऩवज्रंति ? किं नेरइय० तिरिक्ख० मणुस्स० देवेहिंतो उवव० ?, गो० ! नेरइएहिंतो उवव० तिरिक्ख० मणुस्से उव० । जइ नेरइएहिंतो उव० किं रयणप्पभपुढविनेरइएहिंतो उव० जाव अहेसत्तमपुढविनेरइएहिंतो उवव० ?, गो० ! रयणप्पभपुढविनेरइएहिंतो उवव० जाव अहेस्त्तम पुढवि नेरइएहिंतो०, रयणप्पभपुढविनेरइए णं भंते! जे भविए पंचिंदियतिरिक्खजोणिएसु उवव० से णं भंते! केवइकालट्ठितिएसुउवव० ?, गोयमा ! जहन्त्रेणं अंतोमुहुत्तट्ठितीएसु उक्कोसेणं पुव्वकोडिआएसु उवव०
ते णं भंते! जीवा एगमएणं केवइया उवव० ?, एवं जहा असुरकुमाराणं वत्तव्वया नवरं संघयणे पोग्गला अनिट्ठा अकंता जाव परिणमंति, ओगाहणा दुविहा प०, तं० - भवधारणिज्जा उत्तरवेउव्विया, तत्थ णं जा सा भवधारणिज्जा सा जह० अंगुलस्स असंखेज्जइभागं उक्कोसेणं सत्त धणूइं तिन्निरयणीओ छच्चंगुलाई ।
तत्थणं जा सा उत्तरवेउव्विया सा जहत्रेणं अंगुलस्स संखेज्जइभागं उक्को० पन्नरस धणूइं अड्डाइज्जाओ रयणीओ, तेसि णं भंते! जीवाण सरीरगा किंसंठिया प० ?, गोयमा ! दुविहा पं०, तं०-भवधारणि० उत्तरवेउव्विया य तत्थ णं जे ते भव० ते हुंडसंठिया प०, तत्थ णं जे ते उत्तरवेउव्विया तेवि हुंडसंठिता प०, एगा काउले० प०, समुग्धाया चत्तारि मो इत्थि० नो पुरिसवेदगा नपुंसगवेदगा, ठिती जहन्नेणं दसवाससहस्साइं उक्कोसेणं सागरोपमं एवं अणुबंधोवि, सेसं तहेव ।
भवादेसेणं जह० दो भवग्गहणां उक्कोसेणं अट्ठ भवग्गहणाई कालादे जहन्त्रेणं दसवाससहस्साइं अंतोमुहुत्तमब्भहियाइं उक्कोसेणं चत्तारि सागरोवमाइं चउहिं पुव्वकोडीहिं अब्भहियाइं एवतियं०, सो चेव जहन्नकालट्ठितीएसु उववन्नो जहन्नेणं अंतोमुहुत्तट्ठितीएसु उववन्नो उक्कोसेणवि अंतो- मुहुत्तट्ठितीएसु अवसेसं तहेव, नवरं कालादेसेणं जहन्नेणं तहेव उक्कोसेणं चत्तारि सागरोवमाइं चउहिं अंतोमुहुत्तेहिं अब्भहियाइं एवतियं कालं २ । एवं सेसावि सत्त गमगा भाणियव्वा जहेव नेरइयउद्देसए सन्निपंचिंदिएहिं समं नेरइयाणं मज्झिमएसु य तिसुवि गम सु पच्छिमएसु तिसुवि गमएसु ठितिनाणत्तं भवति, सेसं तं चैव सव्वत्थ ठितिं संवेहं च जाणेज्जा ९ । सक्करप्पभापुढविनेरइए णं भंते ! जे भविए एवं जहा रयणप्पभाए नव गमका तहेव सक्करप्पभाएवि, नवरं सरीरोगाहणा जहा गाहणासंठाणे तिन्नि नाणा तिन्नि अन्नाणा नियमं ठिती
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |