Page Text
________________
३३२
भगवती अङ्गसूत्रं २४/-/२/८४३
तिन्नि पलिओवमाइं दसहिं वाससहस्सेहिं अब्भहियाइं उक्कोसेणं छ पलिओवमाइं एवतियं ७ । सो चेव जहन्नकालट्ठितीएसु उववन्नो एस चेव वत्तव्वया नवरं असुरकुमारट्ठितीं संवेहं च जाणिज्जा ८ । सो चेव उक्कोसकालट्ठितीएसु उववन्नो जह० तिपलिओवमाइं उक्कोसे० तिपलिओव० एस चैव वत्तव्वया नवरं कालादेसेणं जह० छप्पलिओवमाइं एवतियं ९ ।
जइ संखेज्जवासाउयसन्निपंचिंदियजाव उववज्रंति किं जलचर० एवं जाव पज्जत्तसंखेज्जवासाउयसन्निपंचिंदियतिरिक्खजोणिए णं भंते! जे भविए असुरकु० उव० से णं भंते ! केवइयकालट्ठितीएसु उवव० ?, गो० ! जह० दसवासट्ठितीएसु उक्कोसे० सातिरेगसागरोवमट्ठितीएसु उवव०, ते णं भंते! जीवा एगसमएणं एवं एतेसिं रयणप्पभपुढविगमगसरिसा नव गमगानेयव्वा
नवरं हे अप्पा जहन्नकालट्ठिइओ भवइ ताहे तिसुवि गमएस इमं नाणत्तं चत्तारि लेस्साओ अज्झवसाणा पसत्था नो अप्पसत्था सेसं तं चैव संवेहो सातिरेगेण सागरोवमेण कायव्वो ९। जइ मणुस्से हिंतो उववज्रंति किं सन्निमणुस्सेहिंतो असन्निमणुस्सेहिंतो ?, गोयमा ! सन्निमणुस्सेहिंतो नो असन्निमणुस्सेहिंतो उववज्रंति, जइ सन्निमणुस्सेहिंतो उववज्रंति किं संखेज्जवासाउयसन्निमणुस्सेहिंतो उवव० असंखेज्जवासाउयसन्निमणुस्सेहिंतो उवव० ?, गोयमा ! संखेज्जवासा - उयजाव उववज्रंति असंखेज्जवासाउयजावउववज्ज्रंति ।
असंखेज्जवासाउयसन्निमणुस्से णं भंते! जे भविए असुरकुमारेसु उववज्जित्तए से णं भंते केवतिकालट्ठितीएसु उववज्जेज्जा ?, गोयमा ! जह० दसवाससहस्सट्ठितीएसु उक्को० तिपलिओवमद्वितीएसु उव०, एवं असंखेज्जवासाउयतिरिक्खजोणियसरिसा आदिल्ला तिन्नि गमगा नेयव्वा, नवरं सरीरोगाहणा पढमबितिएसु गमएसु जहन्त्रेणं सातिरेगाई पंचधणुसयाई उक्कोसेणं तिन्नि गाउयाइं सेसं तं चेव, तईयगमे ओगाहणा जहन्नेणं तिन्नि गाउयाइं उक्कोसेणवि तिन्नि गाउयाइं सेसं जहेव तिरिक्खजोणियाणं ३ |
सो चेव अप्पणा जहन्नकालट्ठितीओ जाओ तस्सवि जहन्नकालट्ठितियतिरिक्खजोणियसरिसा तिन्नि गमगा भाणियव्वा, नवरं सरीरोगाहणा तिसुवि गमएसु जह० साइरेगाईं पंचधणुसयाई उक्कोसेणवि सातिरेगाई पंचघणुसयाई सेसं तं चैव ६ ।
सो चेव अप्पणा उक्कोसकालट्ठितीओ जाओ तस्सवि ते चैव पच्छिल्लगा तिन्नि गमगा भाणियव्वा नवरं सरीरोगाहणा तिसुवि गमएसु जहन्नेणं तिन्नि गाउयाई उक्कोसेणवि तिन्नि गाउयाई अवसेसं तं चेव ९ ।
जइ संखेज्जवासाउयसन्निमणुस्सेहिंतो उववज्जइ किं पजत्तसंखेज्जवासाउय० अपजत्तसंखेजवासाउय० ?, गोयमा ! पज्जत्तसंखेज्ज० नो अपज्जत्तसंखेज्ज० पज्जत्तसंखेज्जवासाउयसन्निमणुस्स णं भंते! जे भविए असुरकुमारेसु उववज्रित्तए से णं भंते! केवतिकालट्ठितीएसु उववज्रेज्जा ? गोयमा! जहन्नेणं दसवाससहस्सट्ठितीएसु उक्कोसेणं साइरेगसागरोवमट्ठितीएसु उववज्जेज्जा ते णं भंते! जीवा एवं जहेव एतेसिं रयणप्पभाए उववज्जमामणणं नव गमगा तहेव इहवि णव गमगा भाणियव्वा नवरं संवेहो सातिरेगेण सागरोवमेण कायव्वो सेसं तं चेव ९ सेवं भंते! २त्ति वृ. ‘रायगिहे' इत्यादि, 'उक्कोसेणं पलिओवमस्स असंखेज्जइभागट्ठिएसु उववज्जेज्ज' त्ति,
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |