Page Text
________________
शतकं - २०, वर्ग:-, उद्देशकः - १०
३०७
गोयमा! जाव अव्वत्तगसंचियावि, एवं जाव धणिय०, पुढविक्काइयाणं पुच्छा, गोयमा ! पुढविकाइया नो कइसंचिया अकइसंचिया नो अव्वत्तगसं०, से केणट्टेणं एवं वुच्चइ जाव नो अव्वत्तगसंचिया गोयमा ! पुढविकाइया असंखेज्जएणं पवेसणएणं पविसंति से तेणट्टेणं जाव नो अव्वत्तसंचया, एवं जाव वणस्स०, बेदिया जाव वेमाणि० जहा नेरइया ।
सिद्धा णं पुच्छा, गोयमा ! सिद्धा कतिसंचिया नो अकतिसंचया अव्वत्तगसंचियावि, से केणट्टे० जाव अवत्तगसंचियावि ?, गो० ! जे णं सिद्धा संखेज्जएणं पवेसणएणं पविसंति ते णं सिद्धा कतिसंचिया जेणं सिद्धा एक्कएणं पवेसणएणं पविसंति ते णं सिद्धा अव्वत्तगसंचिया । से तेणट्टेणं जाव अव्वत्तगसंचियावि ॥
एएसि णं भंते! नेरइ० कतिसंचियाणं अकतिसंचियाणं अव्वत्तगसंचियाण य कयरे २ जाव विसेसा० ?, गोयमा ! सव्वत्थोवा नेरइया अव्वत्तगसंचिया कतिसंचिया संखेज्जगुणा अकतिसंचिया असं० एवं एगिंदियवज्जाणं जाव वेमाणियाणं अप्पाबहुगं, एगिंदियाणं नत्थि अप्पा बहुगं ।
एएसि णं भंते! सिद्धाणं कतिसंचियाणं अव्वत्तगसंचियाण य कयरे २ जाव विसेसाहिया वा?, गो० ! सव्वत्तोवा सिद्धा कतिसंचिया अवत्तगसंचिया संखेज्जगुणा ।
नेरइयाणं भंते! किं छक्कसमज्जिया १ नोछक्कसमज्जिया २ छक्रेण य नोछक्केण य समजिया ३ छक्केहि य समज्जियां ४ छक्केहि य नोछक्केण य समज्जिया ५ ?, गोयमा ! नेरइया छक्कसमज्जियावि १ नोछक्कसमज्जियावि २ छक्केण य नोछक्केण य समज्जियावि ३ छक्केहि य समज्जियावि ४ छक्केहि य नोछक्केण य समज्जियावि ५ ।
सेकेणणं भंते! एवं वुच्चइ नेरइया छक्कसमज्जियावि जाव छक्केहि य नोछक्केण य समज्जियावि गोयमा ! जेणं नेरइया छक्कएणं पवेसणएणं पविसंति ते णं नेरइया छक्कसमज्जिया १ जेणं नेरइया जहन्त्रेणं एक्केण वा दोहिं वा तीहिं वा उक्कोसेणं पंचएणं पवेसणएणं पविसंति ते णं नेरइया नोछक्कसमज्जिया २ जे णं नेरइया एगेणं छक्कएणं एक्केण वा दोहिं वा तीहिं वा उक्कोसेणं पंचएणंपवेसणएणं पविसंति ते णं नेरइया छक्केहिं समज्जिया ४ जे गं नेरइया नेगेहिं छक्केहिं अन्नेण जहन्त्रेणं एक्केण वा दोहिं वा तीहिं वा उक्कोसेणं पंचएणं पवेसणएणं पविसंति ते णं नेरइया छक्केहिं य नोछक्केण य समज्जिया ५ से तेणट्टेणं तं चेव जाव समज्जियावि, एवं जाव थणियकुमारा \ पुढविकाइयाणं पुच्छा, गोयमा ! पुढविकाइया नो छक्कसमज्जिया १ नो नोछक्कसमज्जिया २ नोछक्केण य समज्जिया ३ छक्केहिं समजियावि ४ छक्केहि य नोछक्केण य समज्जियावि ५ ।
सेकेणणं जाव समज्जियावि ?, गोयमा ! जे णं पुढविकाइया नेगेहिं छक्कएहिं पवेसणगं पविसंति ते णं पुढविकाइया छक्केहिं समज्जिया जे णं पुढविकाइया नेगेहिं छक्कएहि य अत्रेण य जहन्त्रेणं एक्केण वा दोहिं वा तीहिं वा उक्कोसेणं पंचएणं पवेसणएणं पविसंति ते णं पुढविक्वाइया छक्केहि य नोछक्केण य समजिया, से तेणट्टेणं जाव समज्जियावि, एवं जाव वणस्सइकाइयावि, बेंदिया जाव वेमाणिया, सिद्धा जहा नेरइया ।
एएसि णं भते ! नेरइयाणं छक्कसमजियाणं नोछक्कसमज्जियाणं छक्केण य नोछक्केण य समज्जियाणं छक्केहिय समज्जियाणं छक्केहि य नोछक्केण य समज्जियाणं कयरे २ जाव विसेसाहिया
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |