________________
२८०
भगवतीअङ्गसूत्रं (२) १९//८/७७०
अंतराइयकम्मनिव्वत्ती, एवं जाव वेमाणियाणं ।
कतिविहा णं भंते ! सरीरनिव्वत्ती प० ?, गोयमा ! पंचविहा सरीरनिव्वत्ती प०, तं०ओरालियसरीरनिव्वत्ती जाव कम्मगसरीरनिव्वत्ती ।
नेरइयाणं भंते ! एवं चेव एवं जाव वेमाणियाणं, नवरं नायव्वं जस्स जइ सरीराणि । कइविहाणं भंते! सव्विदियनिव्वत्ती प० ?, गोयमा ! पंचविहा सव्विंदियनिव्वत्ती प० तं० - सोइंदियनिव्वत्ती जाव फासिंदियनिव्वत्तीं एवं जाव नेरइया जाव थणियकुमाराणं, पुढविकाइयाणं पुच्छा, गोयमा ! एगा फासिंदियनिव्वत्ती प०, एवं जस्स जइ इंदियाणि जाव वेमाणियाणं कइविहा णं भंते! भासानिव्वत्ती प० ?, गोयमा ! चउव्विहा भासानिव्वत्ती पं०, तं०सच्चाभासानिव्वत्ती मोसाभासानिव्वत्ती सच्चामोसभासानिव्वत्ती असच्चामोसभासानिव्वत्ती, एवं एगिंदियवज्रं जस्स जा भासा जाव वेमाणियाणं ।
कइविहाणं भंते! मणनिव्वत्तीए प० ?, गोयमा ! चउव्विहा मणनिव्वंत्ती प०, तं०सच्चमणनिव्वत्ती जाव असच्चामोसमणनिव्वत्तीए एवं एगिंदियविगलिंदियवज्जं जाव वेमाणियाणं कइविहाणं भंते! कसायनिव्वत्ती प० ?, गोयमा १ चउव्विहा कसायनिव्वत्ती प० तं० - कोहकसायनिव्वत्ती जाव लोभकसायनिव्वत्ती एवं जाव वेमाणियाणं ।
कइविहाणं भंते! वन्ननिव्वत्ती प० ?, गोयमा ! पंचविहा वन्ननिव्वत्ती प० तं० - कालवन्ननिव्वत्ती जाव सुक्विल्लवन्ननिव्वत्ती, एवं निरवसेसं जाव वेमाणियाणं, एवं गंधनिव्वत्ती दुविहा जाव वेमाणियाणं, रसनिव्वत्ती पंचविहा जाव वेमाणियाणं, पासनिव्वत्ती अट्ठविहा जाव वेमाणियाणं कतिविहाणं भंते! संठाणनिव्वत्ती प०, गोयमा ! छव्विहा संठाणनिव्वत्ती प० तं० - समचउरंससंठाणनिव्वत्ती जाव हुंडसंठाणनव्वत्ती, नेरइयाणं पुच्छा गोयमा ! एगा हुंडसंठाणनिव्वत्ती प०, असुरकुमाराणंपुच्छा, गोयमा ! एगा समचउरंससंठाणनिव्वत्ती प०, एवं जावथणियकुमाराणं, पुढविकाइयाणं पुच्छा गोयमा ! एगा मसूरचंदसंठाणनिव्वत्ती प०, एवं जस्स जं संठाणं जावथणियकुमाराणं ।
कइविहा णं भंते ! सन्नानिव्वत्ती प० ?, गोयमा ! चउव्विहा सन्ना निव्वत्ती प० तं०आहारसन्नानिव्वत्ती जाव परिग्गहसन्नानिव्वत्ती एवंजाव वेमाणियाणं, कइविहा गं भंते ! लेस्सानिव्वत्ती प० ?, गोयमा ! छव्विहा लेस्सानिव्वत्ती प० तं० - कण्हलेस्सानिव्वत्ती जाव सुक्कलेस्सा- निव्वत्ती एवं जाववेमाणियाणं जस्स जइ लेस्साओ ।
कइविहा णं भंते! दिट्ठीनिव्वत्ती प० ?, गोयमा ! तिविहा दिट्ठीनिव्वत्ती प०, तंजहासम्मादिट्ठिनिव्वत्ती मिच्छादिट्ठिनिव्वत्ती सम्मामिच्छदिट्ठीनिवत्ती एवं जाव वेमाणियाणं जस्स जइविहा दिट्ठी ।
कतिविहा णं भंते! नानानिव्वत्ती पन्नत्ता ?, गोयमा ! पंचविहा नाणनिव्वत्ती प०, तं०आभिनिबोहियनाणनिव्वत्ती जाव केलनाणनिव्वत्ती, एवं एगिंदियवज्जं जाव वेमाणियाणं जस्स जइ नाणा |
कतिविहा णं भंते! अन्नाणनिव्वत्ती प० ?, गोयमा ! तिविहा अन्नाणनिव्वत्ती पं० तं०मइअन्नाणनिव्वत्ती सुयअन्नाणनिव्वत्ती विभंगनाणनिव्वत्ती, एवं जस्स जइ अन्नाणा जाव
For Private & Personal Use Only
www.jainelibrary.org
Jain Education International