Page Text
________________
शतकं १५, वर्ग:-, उद्देशक:
१८५
सेनू ते अयंपुला ! अट्ठे समट्ठे ?, हंता अत्थि, जंपि य अयंपुला ! तव धम्मायरिए धम्मोवदेसर गोसाले मंखलिपुत्ते हालाहलाए कुंभकारीए कुंभकारावणंसि अंबकूणगहत्थगए जाव अंजलिं करेमाणे विहरति तत्थवि णं भगवं इमाइं अट्ठ चरिमाइं पन्नवेति, तं० - चरिमे पाणे जाव अंतं करेस्सति, जेवि य अयंपुला ! तए धम्मायरिए धम्मोवदेसए गोसाले मंखलिपुत्ते सीयलयाए
मट्टिया जाव विहरति तत्थवि णं भंते! इमाइं चत्तारि पाणगाइं चत्तारि अपाणगाई पन्नवेति, से किं तं पाणए ? २ जाव तओ पच्छा सिज्झति जाव अंतं करेति, तं गच्छ णं तुमं अयंपुला ! एस चैव तव धम्मायरिए धम्मोवदेसए गोसाले मंखलिपुत्ते इमं एयारूवं वागरणं वागरितएति ।
तणं से अयंपुले आजीवियोवासए आजीविएहिं थेरेहिं एवं वृत्ते समाणे हट्ठतुट्टे उड्डाए उट्ठेति उ० २ जेणेव गोसाले मंखलिपुत्ते तेणेव पहारेत्थ गमणाए तए णं ते आजीविया थेरा गोसालस्स मंखलिपुत्तस्स अंबकूणगपडावणट्टयाए एगंतमंते संगारं कुव्वइ, तए णं ते आजीविया थेरा गोसालस्स मंखलिपुत्तस्स अंबकूणगपडावणट्ठाए एगंतभंते संगारं कुव्वइ, तए णं से गोसाले मंखलिपुत्ते आजीवियाणं थेराणं संगारं पडिच्छइ सं० २ अंबकूणगं एगंतमंते एडेइ ।
तए से अयंपुले आजीवियोवासए जेणेव गोसाले मंखलिपुत्ते तेणेव उवाग० तेणेव० २ गोसालं मंखलिपुत्तं तिक्खुत्तो जाव पज्जुवासति, अयंपुलादी गोसाले मंखलिपुत्ते अयंपुलं आजीवियोवासगं एवं वयासी-से नूणं अयंपुला ! पुव्वरत्तावरत्तकालसमयंसि जाव जेणेव ममं अंतियं तेणेव हव्वमागए, से नूणं अयंपुला ! अट्ठे समट्ठे ?, हंता अत्थि, तं नो खलु एस अंबकूणए अंबचोयए णं एसे, किंसंठिया हल्ला पन्नत्ता ?, वंसीमूलसंठिया हल्ला पन्नत्ता, वीणं वाएहि रे वीरगा वी० २ । तए णं से अयंपुले आजीवियोवासए गोसालेणं मंखलिपुत्तेणं इमं एयारूवं वागरणं वागरिए समाणे हट्टतुट्ठे जाव हियए गोसालं मंखलिपुत्तं वं० न०२ पसिणाइं पु० प० २ अट्ठाइं परियादियइ अ० २ उट्ठाए उट्टेति उ० २ गोसालं मंखलिपुत्तं वं० न० २ जाव पडिगए । तणं से गोसाले मंखलिपुत्ते अप्पणो मरणं आभोएइ २ आजीविए थेरे सद्दावेइ आ० २ एवं वयासी तुझे णं देवाणुप्पिया ! ममं कालगयं जाणेत्ता सुरभिणा गंधोदएणं ण्हाणेह सु० २ पम्हलसुकुमालाए गंधकासाईए गायाइं लूहेह गा० २ सरसेणं गोसीसचंदणेणं गायाइं अणुलिंपह स० २ महरिहं हंसलक्खणं पाडसाडगं नियंसेह मह० २ सव्वालंकारविभूसियं करेह स० २ पुरिससहरसवाहिणि सीयं दूरुहेह पुरि० २ सावत्थीए नयरीए सिंघाडगजावपहेसु महया महया सद्देणं उग्घोसेमाणा एवं वदह ।
एवं खलु देवाणुप्पिया! गोसाले मंखलिपुत्ते जिणे जिणप्पलावी जाव जिणसद्द पगासेमाणे विहरित्ता इमीसे ओसप्पिणीए चउवीसाए तित्थयराणं चरिमे तित्थयरे सिद्धे जाव सव्वदुक्खप्पहीणे इसिक्कारसमुदणं मम सरीरसग्स नीहरणं करेह, तए णं ते आजीविया थेरा गोसालस्स मंखलिपुत्तस्स एयमहं विणएणं पडिसुर्णेति ।
वृ. 'अलाहि पजंते' त्ति 'अलम्' अत्यर्थं पर्याप्तः शक्तो घातायेति योगः घातायेति हननाय तदाश्रितत्रसापेक्षया 'वहाए' त्ति वधाय एतच्च तदाश्रितस्थावरापेक्षया 'उच्छायणयाए' त्ति उच्छादनतायै सचेतनाचेतनतद्गतवस्तूच्छादनायेति एतच्च प्रकारान्तरेणापि भवतीत्यग्निपरिणामोपदर्शनायाह - 'भासीकरणयाए 'त्ति ।
For Private & Personal Use Only
Jain Education International
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |