Page Text
________________
शतकं - १५, वर्ग:-, उद्देशकः
१६५
तए णं अहं गोयमा ! चउत्थमासक्खमणपारणगंसि तंतावायसालाओ पडिनिक्खमामि तं० २ नालंदं बाहिरियं मज्झंमज्झेणं निग्गच्छामि नि० २ जेणेव कोल्लाए संनिवेसे तेणेव उवागच्छामि २ कुल्लाए सन्निवेसे उच्चनीय० जावअडमाणस्स बहुलस्स माहणस्स गिहं अणुप्पविट्ठे, तए णं से बहुले माहणे ममं एञ्जमाणं तहेव जाव ममं विउलेणं महुघयसंजुत्तेणं परमन्त्रेणं पडिलाभेस्सामीति तुट्टे से जहा विजयस्स जाव बहुले माहणे बहु० ।
तसे गोसाले मंखलिपुत्ते ममं तंतावुयसालाए अपासमाणे रायगिहे नगरे सब्भितबाहिरिया ममं सव्वओ समंता मग्गणगवेसणं करेति ममं कत्थवि सुतिं वा खुतिं वा पवत्तिं वा अलभमाणे जेणेव तंतुवायसाला तेणेव उवा २ साडियाओ य पाडियाओ य कुंडियाओ य पाहणाओ य चित्तफलगं च माहणे आयामेति आयामेत्ता सउत्तरोडं मुंडं कारेति स० २ तंतुवायसालाओ पडिनिक्खमति तं० २ नालंदं बाहिरियं मज्झंमज्झेणं निग्गच्छइ निग्ग० २ जेणेव कोल्लागसन्निवे तेणेव उवागच्छइ ।
4
तए णं तस्स कोल्लागस्स संनिवेसस्स बहिया बहिया बहुजणो अन्नमन्नस्स एवमाइक्खति जाव परूवेति-धन्नेणं देवाणुप्पिया ! बहु माहणे तं चैव जाव जीवियफले बहुलस्स माहणस्स ब० २, तए णं तस्स गोसालस्स मंखलिपुत्तस्स बहुजणस्स अंतियं एयमहं सोच्चा निसम्म अयमेयारूवे अब्भत्थिए जाव समुप्पज्जित्था - जारिसिय णं ममं धम्मायरियस्स धम्मोवदेसगस्स समणस्स भगवओ महावीरस्स इड्डी जुत्ती जसे बले वीरिए पुरिसक्कारपरक्कमे लद्धे पत्ते अभिसमन्नागए नो खलु अत्थि तारिसिया णं अन्नस्स कस्सइ तहारूवस्स समणस्स व माहणस्स वा इड्डी जुत्ती. जाव परिक्कमे लद्धे पत्ते अभिसमन्नागए तं निस्संदिद्धं च णं एत्थ ममं धम्मायरिए धम्मोवदेसए समणे भगवं महावीरे भविस्सतीतिकड्ड कोल्लागसन्निवेसे सब्मितरबाहिरिए ममं सव्वंओ समता मग्गणगवेसणं करेइ ममं सव्वओ जाव करेमाणे कोल्लागसंनिवेसस्स बहिया पणियभूमीए मए सद्धिं अभिसमन्नागए
तणं से गोसाले मंखलिपुत्ते हट्ठतुट्टे ममं तिक्खुत्तो आयाहिणं पयाहिणं जाव नमंसित्ता एवं वयासी - तुझे णं भंते! मम धम्मायरिया अहनं तुज्झं अंतेवासी, तए णं अहं गोयमा ! गोसालस्स मंखलिपुत्तस्स एयमङ्कं पडिसुणेमि, तए णं अहं गोयमा ! गोसालेणं मंखलिपुत्तेणं सद्धिं पनियभूमीए छव्वासाई लाभं अलाभं सुखं दुक्खं सक्कारमसक्कारं पचणुब्भवमाणे अणिच्चजागरियं विहरित्था ||
वृ. 'आगारवासमज्झे वसित्त' त्ति अगारवासं - गृहवासमध्युष्य - आसेव्य 'एवं जहा भावणाए 'त्ति आचारद्वितीयश्रुतस्कन्धस्य पञ्चदशेऽध्ययने, अनेनचेदं सूचितं
'समत्तपत्रे नाहं समणी होई अम्मापियरंमि जीवंते' त्ति समाप्ताभिग्रह इत्यर्थः 'चिच्चा हिरन्न चिच्चा सुवन्नं चिच्चा बल' मित्यादीनि, 'पढमं वासं 'ति विभक्तिपरिणामात् प्रव्रज्याप्रतिपत्तेः प्रथमे वर्षे 'निस्साए 'त्ति निश्राय निश्रां कृत्वेत्यर्थः 'पढमं अंतरावासं' ति विभक्तिपरिणामादेव प्रथमेऽन्तरं - अवसरो वर्षस्य वृष्टेर्यत्रासावन्तरवर्ष अथवाऽन्तरेऽपि - जिगमिषत क्षेत्रमप्राप्यापि यत्र सति साधुभिरवश्यमावासो विधीयते सोऽन्तरावासो- वर्षाकालस्तत्र 'वासावासं 'ति वर्षासु वासः - चातुर्मासिकमवस्थानं वर्षावासस्तमुपागतः - उपाश्रितः ।
'दोच्चं 'वास' ति द्वितीये वर्षे 'तंतुवायसाल' त्ति कुविन्दशाला 'अंजलिमउलियहत्थे ' त्ति
For Private & Personal Use Only
www.jainelibrary.org
Jain Education International
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |