________________
१६०
-: शतकं - १४ उद्देशकः - १०:
वृ. अनन्तरं शुक्ल उक्तः, सच तत्वतः केवलीति केलिप्रभृत्यर्थः प्रतिबद्धो दशम उद्देशकः, तस्य चेदमादिसूत्रम्
मू. (६३६) केवली णं भंते ! छउमत्थं जाणइ पासइ ?, हंता जाणइ पासइ, जहा णं भंते केवली छउमत्थ जाणइ पासइ तहा णं सिद्धेवि छउमत्थं जाणइ पासइ ?, हंता जाणइ पासइ । केवली णं भंते! आहोहियं जाणइ पासइ ?, एवं चेव, एवं परमाहोहियं, एवं केवलिं एवं सिद्धं जाव जहा णं भंते ! केवली सिद्धं जाणइ पासइ तह णं सिद्धेवि सिद्धं जाणइ पासइ ?, हंता जाणइ पासइ ।
भगवती अङ्गसूत्रं (२) १४/-/१०/६३६
केवली णं भंते! भासेज वा वागरेज्ज वा ?, हंता भासेज्ज वा वागरेज वा, जहा णं भंते ! केवली भासेज वा वागरेज्ज वा तहा णं सिद्धेवि भासेज वा वागरेज वा ?, नो तिणट्टे समट्टे ।
से केणट्टेणं भंते! एवं वुच्चइ जहा णं केवली णं भासेज वा वागरेज्ज वा नो तहा णं सिद्धे भासेज वा वागरेज वा ?, गोयमा ! केवली णं सउट्टाणे सकम्म सबले सवीरिए सपुरिसक्कारपरक्कमे, सिद्धे णं अणुट्ठाणे जाव अपुरिसक्करपरककमे, से तेणट्टेणं जाव वागरेज वा, केवली णं भंते ! उम्मिसेज्ज वा निमिसेज्ज वा । हंता उम्मिसेज्ज वा निम्मिसेज्ज वा. एवं चेव, एवं आउट्टेज वा पसारेज वा, एवं ठाणं वा सेज्जं वा निसीहियं वा चएज्जा,
केवलीणं भंते ! इमं रयणप्पभं पुढविं रयणप्पभापुढवीति जाणति पासति ?, हंता जाणइ पासइ । जहा णं भंते ! केवली इमं रयणप्पभं पुढविं रयणप्पभापुढवीति जाणइ पासइ तहाणं सिद्धेवि इमं रयणप्पभं पुढविं रयणप्पभपुढवीति जाणइ पासइ ?, हंता जाणइ पासइ । केवली णं भंते ! सक्करप्पभं पुढविं सक्करपभापुढवीति जाणइ पासइ ? एवं चेव एवं जाव अहेसत्तमा ।
केवली णं भंते! सोहम्मं कप्पं जाणइ पासइ ?, हंता जाणइ पासइ, एवं चैव, एवं ईसाणं एवं जाव अच्चयं, केवली णं भंते! गेवेज्जविमाणे गेवेज्जविमाणेत्ति जाणइ पासइ ?, एवं चेव, एवं अनुत्तरिवमाणेवि, केवली ईसिप भारं पुढविं ईसीपब्भारपुढवीति जाणइ पासइ ?, एवं चेव । केवलीणं भंते! परमाणुपोग्गलं परमाणुपोग्गलेत्ति जाणइ पासइ ?, एवं चैव, एवं दुपएसियं खंधं एवं जाव जहा णं भंते! केवली अनंतपएसियं खंधं अनंतपएसिए खंधेत्ति जाणइ पासइ तहा णं सिद्धेवि अनंतपएसियं जाव पासइ ?, हंता जाणइ पासइ । सेवं भंते! सेवं भंते ! त्ति ॥ वृ. 'केवली'त्यादि, इह केवलिशब्देन भवस्थकेवली गृह्यते उत्तरत्र सिद्धग्रहणादिति, ‘आहोहियं’ति प्रतिनियतक्षेत्रावधिज्ञानं 'परमाहोहियं 'ति परमावधिकं 'भासेज्जव' त्ति भाषेतापृष्ट एव 'वागरेज' त्ति प्रष्टः सन् व्याकुर्यादिति 'ठाणं 'ति ऊर्ध्वस्थानं निषदनस्थानं त्वग्वर्त्तनस्थनं चेति ‘सेज्जं’ति शय्यां वसतिं 'निसीहियं 'ति अल्पतरकालिकां वसतिं 'चएज' त्ति कुर्यादिति ॥ शतकं - १४ उद्देशकः - १० समाप्तः
---
-: शतकं - १४ समाप्तम् ः
मुनि दीपरत्नसागरेण संशोधिता सम्पादिता भगवती अङ्गसूत्रे चतुर्दशशतकस्य अभयदेवसूरि विरचिता टीका परिसमाप्ता ।
For Private & Personal Use Only
Jain Education International
www.jainelibrary.org