________________
शतकं - ११, वर्ग:, उद्देशकः - १
कतिफासा पन्नत्ता ?, गोयमा ! पंचवन्ना पंचरसा दुगंधा अट्ठफासा पत्रत्ता, ते पुण अप्पणा अवन्ना अगंधा अरसा अफासा पत्रत्ता १४-१५ ।
ते णं भंते! जीवा किं उस्सासा निस्सासा नो उस्सासनिसासा ?, गोयमा ! उस्सासए वा १ निस्सासए वा २ नो उस्सासनिस्सासए वा ३ उस्सासगा वा ४ निस्सासगा वा ५ नो उस्सासनीसासगा वा ६, अहवा उस्सासए य निस्सासए यं ४ अहवा उस्सासए य नो उस्सासनिस्सासए य अहवा निस्सासए य नो उस्सासनीसासए य ४, अहवा ऊसासए य नीसासए य नो उस्सानिस्सासए य अट्ठ भंगा एए छव्वीसं भंगा भवंति १६ ॥
ते णं भंते! जीवा किं आहारगा अनाहारगा ?, गोयमा ! नो अनाहारगा आहारए वा अनाहारए वा एवं अट्ठ भंगा १७ । ते णं भंते! जीवा किं विरता अविरता विरताविरता ?, गोयमा ! नो विरता नो विरयाविरया अविरए वा अविरया वा १८ ।
७
णं भंते! जीवा किं सकिरिया अकिरिया /, गोयमा ! नो अकिरिया सकिरिए वा सकिरिया वा १९ । ते णं भंते! जीवा किं सत्तविहबंधगा अट्ठविहबंधगा ?, गोयमा ! सत्तविहबंधए वा अट्ठविहबंध वा अठ्ठ भंगा २० । ते णं भंते! जीवा कि आहारसन्नोवउत्ता भयसन्नोवउत्ता मेहुणसनोवउत्ता परिग्गहसन्नोवउत्ता ?, गोयमा ! आहारसन्नोवउत्ता वा असीती भंगा २१ ते णं भंते! जीवा किं कोहकसाई माणकसाई मायाकसाई लोभकसाई ?, असीती भंगा २२ ।
ते णं भंते! जीवा किं इत्थीवेदगा पुरिसवेदगा नपुंसगवेदगा ?, गोयमा ! नो इत्थिवेदगा नो पुरिसवेदगा नपुंसगवेदए वा नपुंसग़वेदगा वा २३ । ते णं भंते! जीवा किं इत्थीवेदबंधगा पुरिसवेदबंधगा नपुंसगवेदबंधगा ?, गोयमा इत्थिवेदबंधए वा पुरिसवेदबंधए वा नपुंसगवेयबंधए वा, छव्वीसं भंगा २४ ।
ते मं भंते! जीवा किं सन्नी असन्नी ?, गोयमा ! नो सन्नी असन्नी वा असन्निणो वा २५ । ते णं भंते! जीवा किं सइंदिया अनिंदिया ?, गोयमा ! नो अनिंदिया सइंदिए वा सइंदिया वा २६ से णं भंते! उप्पलजीवेति कालतो केवचिरं होई? गोयमा जहन्ने णं अंतोमुहूत्तं उक्कोसेणं असंखेज्ज कालं २७ ।
से भंते उप्पलजीवे पुढविजीवे पुणरवि उप्पलजीवेत्ति केवतियं कालं सेवेज्जा ?, केवितयं कालं गतिरागतिं करेज्जा ?, गोयमा ! भवादेसेणं जहन्नेणं दो भवग्गहणाइं उक्कोसेणं असंखेजाइं भवग्गहणाईं, कालादेसेणं जहन्त्रेणं दो अंतोमुहुत्ता उक्कोसेणं असंखेज्जं कालं, एवतियं कालं सेवेजा एवतियं कालं गतिरागतिं करेज्जा, से णं भंते ! उप्पलजीवे आउजीवे एवं चेव एवं जहा पुढविजीवे भणिए तहा जाव वाउजीवे भाणियव्वे, से णं भंते! उप्पलजीवे से वणस्स जीवे से पुणरवि उप्पलजीवेत्ति केवइयं कालं सेवेज्जा केवतियं कालं गतिरागतिं कज्जइ ?, गोयमा ! भवादेसेणं जहनेणं दो भवग्गहणाई उक्कोसेणं अनंताइं भवग्गहणाई, कालाएसेणं जहन्त्रेणं दो अंतोमुहुत्ता उक्कोसेणं अनंतं कालं तरुकालं एवइयं कालं सेवेज्जा एवइयं कालं गतिरागतिं कज्जइ, से णं भंते ! उप्पलजीवे बेइंदियजीवे पुणरवि उप्पलजीवेत्ति केवइयं कालं सेवेज्जा केवइयं कालं गतिरागतिं कज्जइ ?, गोयमा ! भवादेसेणं जहन्नेणं दो भवग्गहणाई उक्कोसेणं संखेज्जाइं भवग्गहणाई, कालादेसेणं जहन्त्रेणं दो अंतोमुहुत्ता उक्कोसेणं संखेज्जं कालं एवतियं कालं सेवेज्जा एवतियं कालं
For Private & Personal Use Only
Jain Education International
www.jainelibrary.org