Page Text
________________
शतकं-८, वर्गः-, उद्देशकः-१
३५१ एवं एएणं अभिलावेणंपरिसप्पा दुविहा पन्नत्ता, तंजहा-उरपरिसप्पा य भुयपरिसप्पा य, उरपरिसप्पादुविहा पन्नत्ता, तंजहा-संमुच्छायगब्भवतियाय, एवंभुयपरिसप्पावि, एवंखहयरावि
मणुस्सपंचिंदियपयोगपुच्छा, गोयमा ! दुविहा पन्नत्ता, तंजहा संमुच्छिममणुस्स० गब्भवक्कंतियमणुस्स०।
देवपंचिंदियपयोगपुच्छा, गोयमा! चउब्विहा पन्नत्ता, तंजहाभवणवासिदेवपंचिंदियपयोग० एवंजाव वेमानिया।
भवणवासिदेवपंचिंदियपुच्छा, गोयमा ! दसविहा पन्नत्ता, तंजहा-असुरकुमारा जाव थनियकुमारा।
एवं एएणं अभिलावणं अट्ठविहा वाणमंतरा पिसाया जाव गंधव्वा । जोइसियापंचविहा पन्नत्ता, तंजहा-चंदविमाणजोतिसियजावताराविमाणजोतिसियदेव०
वेमानिया दविहा पन्नत्ता, तंजहा-कप्पोववन्न० कप्पातीतगवेमानिया०, कप्पोवगा दुवालसविहा पन्नत्ता, तंजहा-सोहम्मकप्पोवग० जाव अच्चुयकप्पोवगवेमानिया। कप्पातीत०, गो०! दुविहा पन्नत्ता, तंजहागेवेजकप्पातीतवे० अनुत्तरोववाइयकप्पातीतवे०, गेवेज्जकप्पातीतगा नवविहा पन्नत्ता, तंजहा-हेट्ठिम २ गेवेज्जगकप्पातीतग० जाव उवरिम २ गेविजगकप्पातीय० । अनुत्तरोववाइयप्पातीतगवेमानियदेवपिंचिंदयपयोगपरिणया णं भंते ! पोग्गला कइविहा प०, गोयमा ! पंचविहा पन्नत्ता, तंजहा-विजयअनुत्तरोववाइय० जाव परिण० जाव सव्वट्ठसिद्धअनुत्तरोववाइयदेवपंचिंदिय जाव परिणया।
सुहुमपुढविकाइयएगिदियपयोगपरिणयाणंभंते! पोग्गला कइविहा पन्नत्ता?, गोयमा दुविहा पन्नत्ता, पज्जत्तगसुहमपुढविकाइय जाव परिणयायअपज्जत्तसुहुमपुढविकाइयव परिणया य, बादरपुढविकाइयएगिदिय० जाव वणस्सइकाइया, एक्केक्का दुविहा पोग्गला-सुहुमा य बादरा य पज्जत्तगा अपज्जत्तगा य भाणियव्वा
बेंदियपयोगपरिणयाणपुच्छा, गोयमा! दुविहा पन्नत्ता, तंजहा पजत्तबेंदियपयोगपरिणया य अपज्जत्तग जाव परिणया य, एवं तेइंदियावि एवं चउरिदियावि।
रयणप्पभापुढविनेरइय० पुच्छा, गोयमा! दुविहा पन्नत्ता, तंजहा-पज्जत्तगरयणप्पभापुढवि जाव परिणया य अपज्जत्तगजावपरिणया य, एवंजाव अहेसत्तमा।
संमुच्छिमजलयरतिरिक्खपुच्छा, गोयमा! दुविहा पन्नत्ता, तंजहा-पजत्तग० अपज्जत्तग० एवं गब्भवक्कंतियावि, संमुच्छिमचउप्पयथलयरा एवं चेव गब्भवक्कंतिया य, एवं जाव संमुच्छिमखहयरगब्भवतिया य एकेके पज्जत्तगा य अपजत्तगाय भानियव्वा ।
संमुच्छिममणुस्सपंचिंदियपुच्छा, गोयमा! एगविहापन्नत्ता, अपजत्तगाचेव।गब्भवक्कंतियमणुस्सपंचिंदियपुच्छा, गोयमा! दुविहा पन्नत्ता, तंजहा-पज्जत्तगगब्भवक्कंतियाविअपजत्तगगब्भवक्कंतियावि।
___ असुरकुमारभवणवासिदेवाणंपुच्छा, गोयमा! दुविहा पन्नत्ता, तंजहा-पञ्जत्तगअसुरकुमार० अपजत्तगअसुर०, एवं जावथनियकुमारापज्जत्तगा अपजत्तगाय, एवंएएणंअभलावेणंदुयएणं भेदेणं पिसाया य जाव गंधव्वा, चंदा जाव ताराविमाणा०, सोहम्मकप्पोवगा जाव अच्चुओ,
Jain Education International
For Private & Personal Use Only
www.jainelibrary.org
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |